Amarkɩ 8:11 - Farefare Ninkaré

¹¹ Tɩ Farisi dõma daan wa'am wa wẽ'era nõke'ene la Azezi, yetɩ ba makɛ ẽ bɩsɛ, yele ẽ yetɩ, a botɩ bõn-yãlma ze'ele saazuo ẽŋɛ n pa'alɩ tɩ ẽŋa ze'ele la Nawẽnnɛ yire.

ZE'ELEGO PAALEGA

¹¹ Ti Farasiiduma wa'am Yezu zi'an na pɔhɛ ŋmɛ'ɛra nɔkpe'ene la en, sɔkera en ti, a iŋɛ daalehum sebo en ze'ele saazuo na, ti ba makɛ en bihɛ.

Amarkɩ 8:11 ပူးပေါင်းရင်းမြစ်များ

Amatie 12:38

Azezi n tɔgɛ bɛla la, tɩ lɔɔ karẽnsãandõma, la Farisi dõma yele ẽ yetɩ: «Karẽnsãama, tõma boorɩ tɩ fʋ ẽŋɛ la bõn-yãlma n pa'alɛ tɩ fõn ze'ele la Nawẽnnɛ zẽ'am tɩ tɩ yẽ.»

Amatie 19:3

Tɩ Farisi dõma basɛba wa'am a zẽ'am tɩ ba di a yɛm bɩsɛ, soke ẽ yetɩ: «Sore boe tɩ bʋraa lebse a pɔga n wen ẽŋɛ bõn-sɛka woo mɛ bɩɩ?»

Amatie 21:23

Azezi daan kẽ la Wẽnde-kãtʋm na zãsna nẽrba, tɩ kãabgɔ kẽma nẽŋadõma, la tẽŋa la kẽma wa'am wa soke ẽ yetɩ: «Fõn yẽ nõorɛ la bɛ ɩta bõn-bãna? La ãne n bɔ fõn nõorɛ tɩ fõn ɩta?»

Amatie 22:15

Tɩ Farisi dõma sẽŋɛ ka bãm bãma n wʋn ẽŋɛ se'em botɩ Azezi tɔgɛ tuuge tɩ ba yẽ sore yõkɛ ẽ.

Amatie 22:18

Tɩ Azezi bãŋɛ ba pʋtẽ'e-be'ero la, yele ba yetɩ: «Pʋlibsum dõma wã, bẽm tɩ ya bẽta mam?

Amatie 22:23

Daar-ẽŋa tɩ Saduse dõma n yetɩ nẽra sãn ki a kãn vo'oge la, bãma nẽrba basɛba n wa'am Azezi zẽ'am wa soke ẽ yetɩ:

Amarkɩ 12:15

Tɩ Azezi bãŋɛ tɩ ba boorɩ tɩ ba bẽrɛ ẽŋa mɛ, soke ba yetɩ: «Bẽm tɩ ya bẽta ma? Tarɩ-ya lagfɔ wa'am tɩ m bɩsɛ.»

Amarkɩ 2:16

Tɩ lɔɔ karẽnsãandõma n de Farisi dõma la yẽ Azezi n diti la lampo-tɔ'ɔsrɩba, la tõon-be'ero dõma la, tɩ ba soke a karẽnbiisi la yetɩ: «Bẽm tɩ a lagɩm na lampo-tɔ'ɔsrɩba, la tõon-be'ero dõma dita?»

Amarkɩ 9:16

Tɩ Azezi soke ba yetɩ: «Bẽm yelle tɩ yãma wẽ'era nõke'ene la ba?»

Aluki 10:25

Tɩ lɔɔ karẽnsãama isge tɩ a di Azezi yɛm bɩsɛ, soke ẽ yetɩ: «Karẽnsãama, mam wʋn ẽŋɛ la wãne yẽ vɔm n ka ba'asrɩ?»

Aluki 11:16

Tɩ nẽrba basɛba bɔɔra tɩ ba makɛ ẽ bɩsɛ, yele ẽ yetɩ, a tõm tõon-yãlma n pa'alɛ tɩ a pãŋa la ze'etɩ la Nawẽnnɛ zẽ'am.

Azã 4:48

Tɩ Azezi yele ẽ yetɩ: «Ya sãn ka yẽ bõn-yãlma, la yel-kɩrsɩ, ya ka bɔ'ɔrɩ mam sɩra.»

Azã 6:30

Tɩ ba yele ẽ yetɩ: «Tõon-yãlma kãna tɩ fõn wʋn ẽŋɛ tɩ tõma yẽ, bɔ fʋ sɩra? Tõon-kãna tɩ fõn wʋn tõm?

Azã 7:48

Tõma nẽŋadõma nẽra ayɩla, bɩɩ Farisi nẽra bɔ ẽ sɩra mɛ bɩɩ?

Azã 8:6

Ba yele bɛla tɩ ba di la a yɛm bɩsɛ, tã'agɛ dõrɛ ẽ. Tɩ Azezi suure tara a nu'ubiire gʋlsra tẽŋa.

Tõoma 5:9

Tɩ Apɩyɛɛrɩ yele ẽ yetɩ: «Bẽm n ẽŋɛ tɩ ya ẽŋɛ nõorɛ ayɩla tɩ ya makɛ Zuudãana Nawẽnnɛ Sɩa bɩsɛ? Bãŋɛ tɩ sɛba n laagɛ fʋ sɩra la boe la zanõrʋm. Ba wʋn zɛ fʋ mẽ yese.»

1 Korẽntɩ 10:9

Tɩ da makɛ-ya tɩ Zuudãana la bɩsɛ wʋ bãma basɛba n yʋʋn ẽŋɛ se'em, tɩ bõnsɛ'ɛdõma kʋ ba la.