Amarkɩ 7:4 - Farefare Ninkaré

⁴ Ba sãn ze'ele da'am wa'am, ba wʋn peege ba mẽŋa mɛ dee di. La malŋɔ basɛba zozo'e tɩ ba ɩtɩ, la de la wama, la yɔa, la kuto laasɩ peere.

ZE'ELEGO PAALEGA

⁴ Ba me ka diti sɛla en ze'ele da'a na gee ka pɛɛra la. Ba yaabeduma malema zo'e zo'e boi mɛ ti ba dɔla wuu, ko'om wama, dugerɔ, la nyɔgum dugerɔ peere.

Amarkɩ 7:4 ပူးပေါင်းရင်းမြစ်များ

Amatie 23:25

Yãma lɔɔ karẽnsãandõma, la Farisi dõma, pʋlibsum dõma wã, ya wʋn yẽ toogo. Yãma peerɩ ya laasɩ, la ya wama pɔa mɛ tɩ ba ãna sõŋa, dee tɩ ba pʋam pɩrɛ la nayigum, la be'ero bõnɔ.

Amatie 23:26

Yãma Farisi dõma, ya de la fɔɔsɩ! Peege-ya ya laasɩ la pʋam pɔspɔsɩ, tɩ ba poore la mẽ wʋn ãna sõŋa.

Amatie 27:24

La Apilatɩ n yẽ tɩ ẽŋa kãn yãŋɛ ẽŋɛ sɛla, dee tɩ nẽrba la gita pa'asra la, tɩ a dɩkɛ ko'om peege a nu'usi nẽr-kʋʋŋɔ la wuu nẽŋam, dee yele yetɩ: «Mam nẽŋa ka boe ẽna wã kʋa pʋam. La de la yãma yelle.»

Amarkɩ 7:8

Ya basɛ Nawẽnnɛ nõorɛ mɛ dee dɔla nẽrsaalba malŋɔ.»

Azã 2:6

La kuga dʋgrɔ bayoobɩ n daan boe mĩ tɩ Zifdõma daan tara pɛɛra ba mẽŋa wʋ ba sisgo n yetɩ ba ɩta se'em na. Ko'om lɩtrɩ pinii bɩɩ kɔbga n daan pɩtɩ dʋkɔ ayɩla.

Azã 3:25

Tɩ Azã karẽnbiisi basɛba, la Zifdõma nẽra daan wẽ'era nõke'ene, Zifdõma sisgo n yetɩ ba pɛɛra ba mẽŋa malgra la yelle.

Hiburuduma 9:10

Ba de la dia, la bõn-yũula, la ko'om peere buuri to'oto'ore yelle mã'a. Ɩrgɔ bãma de la ĩyã yɛla n de dũnia wã bõnɔ n yʋʋn boe tɩ nẽrba dɔla, halɩ wa paagɛ wakat-sɛka tɩ Nawẽnnɛ malɩn malgɛ sɛla woo sõŋa.

Yemesi 4:8

Lɛm-ya Nawẽnnɛ, tɩ a mẽ wʋn lɛm ya. Tõon-be'ero dõma, peege ya nu'usi, pʋtẽ'era ayi dõma, peege ya sũure.

1 Zã 1:7

La tɩ sãn vɔa peelem pʋam wʋ Nawẽnnɛ mẽŋa n boe peelem pʋam na, tɩ tarɩ lagɩmtaarɛ la taaba mɛ, la a Dayʋa Azezi zɩɩm peerɩ tɩ mɛ yɛsra tɩ tõon-be'ero wuu.