Amarkɩ 6:41 - Farefare Ninkaré

⁴¹ Tɩ Azezi dɩkɛ borborɩ banuu, la zũma bayi la gorge bɩsɛ saazuo pʋ'ʋsɛ Nawẽnnɛ, dee fiise borborɩ la bɔ a karẽnbiisi la yetɩ, ba pʋɩ nẽrba la, dee dɩkɛ zũma bayi la fiise bɔ ba wuu.

ZE'ELEGO PAALEGA

⁴¹ Ti Yezu dikɛ boroboro banuu la zim i yi' la, gorege bihɛ saazuo, purɛ sum bahɛ dia la zuo gee fige boroboro la, dikɛ bo' a zahereba la yeti, ba to'e tɔrɛ nɛreba la, gee figehe zim i yi' la me bo' ba za'a.

Amarkɩ 6:41 ပူးပေါင်းရင်းမြစ်များ

Amatie 14:19

Dee botɩ nẽr-kʋʋŋɔ la zĩ'ire mõorɔ zuo. Tɩ a dɩkɛ borborɩ banuu, la zũma bayi la, gorge bɩsɛ saazuum pʋ'ʋsɛ Nawẽnnɛ, dee fiise borborɩ la bɔ a karẽnbiisi la tɩ ba pʋɩ nẽr-kʋʋŋɔ la, tɩ ba to'oge pʋɩ ba.

Amatie 15:36

Dee dɩkɛ borborɩ bayopɔɩ la, la zũma la pʋ'ʋsɛ Nawẽnnɛ, dee fiise bɔ a karẽnbiisi la, tɩ ba to'oge pʋɩ nẽr-kʋʋŋɔ la.

Amatie 26:26

Ban daan boe mĩ dita la, tɩ Azezi dɩkɛ borborɩ pʋ'ʋsɛ Nawẽnnɛ, dee fiise bɔ a karẽnbiisi la yetɩ: «To'oge-ya di. Ẽna de la mam ĩyã.»

Amarkɩ 14:22

La ban daan diti la, tɩ Azezi dɩkɛ borborɩ pʋ'ʋsɛ Nawẽnnɛ, dee fiise bɔ a karẽnbiisi la yetɩ: «To'oge-ya di, ẽna wã de la mam ĩyã.»

Amarkɩ 6:40

Tɩ ba daan zĩ'ire kɔbga kɔbga, tɩ basɛba zĩ'ire pinu-nu.

Amarkɩ 6:42

Tɩ ba wuu di tɩgɛ.

Amarkɩ 7:34

Dee gorge saazuo sĩ'im vo'ose fõo, dee yele bʋraa la yetɩ: «Efata», a võorɛ de la «yo'oge!»

Amarkɩ 8:19

Mam n daan fiise borborɩ banuu la bɔ bʋraasɩ tʋsanuu tɩ ba di la, borborɩ gito n deege la, pɩtɔ balɛ tɩ yãma daan vaagɛ?» Tɩ ba lerge ẽ yetɩ: «Pɩtɔ pia la ayi.» Tɩ a le soke ba yetɩ:

Aluki 24:30

La ba daan zĩ'ire mɛ tɩ ba di, tɩ Azezi dɩkɛ borborɩ pʋ'ʋsɛ Nawẽnnɛ, dee fiise bɔ ba.

Aluki 9:16

Tɩ Azezi dɩkɛ borborɩ banuu, la zũma bayi la gorge bɩsɛ saazuum pʋ'ʋsɛ Nawẽnnɛ dia la ĩyã, dee fiise borborɩ la zũma la bɔ a karẽnbiisi la tɩ ba to'oge pʋɩ nẽrba la.

Azã 11:41

Tɩ ba lakɛ kugre la. Tɩ Azezi gorge saazuum yetɩ: «M Sɔ, mam pʋ'ʋsrɩ fɔ, fõn selse mam pʋ'ʋsgɔ la.

Azã 17:1

Azezi n tɔgɛ bɛla kɩ'ɩlɩm na, a gorge bɩsɛ la saazuum yetɩ: «M Sɔ, mam daarɛ paagɛ ya, nã'asɛ mam n de fʋ Dayʋa la, tɩ mam mẽ nã'asɛ fɔ.

Azã 6:11

Tɩ Azezi to'oge borborɩ la pʋ'ʋsɛ Nawẽnnɛ, dee pʋɩ bɔ nẽrba la n zĩ la, la a daan ken ẽŋɛ zũma la mẽ na bɛla. Tɩ nẽra woo to'oge ẽn boorɩ se'em di tɩgɛ.

Azã 6:23

Tɩ õornɔ basɛba ze'ele Tiberiadɩ wa'am wa lɛm zẽ'e-sɛka tɩ Zuudãana Azezi daan pʋ'ʋsɛ Nawẽnnɛ dia la ĩyã, dee tɩ ba di la.

Tõoma 27:35

Ẽn yele bɛla la, dee dɩkɛ borborɩ pʋ'ʋsɛ Nawẽnnɛ ba wuu nẽŋam, dee fiise borborɩ la obe.

Aromduma 14:6

Nẽr-sɛka n tẽ'esrɩ dabsa n ãn sõŋa yelle la, ɩtɩ bɛla nã'asra la Zuudãana. La nẽr-sɛka n diti sɛla woo la, mẽ bɔ'ɔrɩ la Zuudãana nã'asgɔ, ẽn pʋ'ʋsrɩ Nawẽnnɛ a yel-sõnnɛ dia la ĩyã la. La sɛka n ka diti dia basɛba la, ɩtɩ bɛla mẽ bɔ'ɔra la Zuudãana nã'asgɔ, ẽŋa mẽ pʋ'ʋsrɩ la Nawẽnnɛ a yel-sõnnɛ.

1 Korẽntɩ 10:31

Lan de se'em na, ya sãn dita mɛ, bɩɩ ya yũuri mɛ, bɩɩ sɛla woo tɩ ya ɩtɩ, ɩta-ya ba wuu nã'asra Nawẽnnɛ.

Kolɔsɩ 3:17

Bõn-sɛba wuu tɩ ya ɩtɩ, la sãn dɛna la tõoma bɩɩ yetɔga, ɩta-ya la Zuudãana Azezi-krisi yʋ'ʋrɛ, dee pʋ'ʋsra tɩ Sɔ Nawẽnnɛ a yel-sõnnɛ Azezi-krisi yʋ'ʋrɛ ĩyã.