Amarkɩ 6:11 - Farefare Ninkaré

¹¹ La tẽn-sɛka nẽrba n ka to'oge ya, bɩɩ ka selse ya yetɔga, ya yese zẽ'e-ẽŋa dee pɩɩsɛ ya nãma tẽntõnnɔ basɛ mĩ. Ya sãn ẽŋɛ bɛla, la wʋn pa'alɛ ba tɩ ba ka ẽŋɛ sõŋa.»

ZE'ELEGO PAALEGA

¹¹ Tinsɛka duma han ka to'e ya, gee zagehɛ ti ba kan kelehe ya, yan baheri tinkaŋa puan la, kpa'ahɛ ya ya nama pu'uhegɔ bahɛ ka puan ti la dɛna yele iŋɛ gã'a.”

Amarkɩ 6:11 ပူးပေါင်းရင်းမြစ်များ

Amatie 12:36

Mam yetɩ ya tɩ sarɩyadia daarɛ, nẽrsaalba wʋn ka tɔgɛ yetɔg-yaalsɩ tɩ ba tɔgɛ la wuu yelle Nawẽnnɛ nẽŋam.

Amarkɩ 6:10

A le yele ba yetɩ: «Yan sẽŋɛ ka sige yi-sɛka, kẽ'era-ya bilam ka paagɛ daar-sɛka tɩ ya wʋn yese fõrgɛ tẽŋa la.

Aluki 9:5

La zẽ'e-sɛka tɩ nẽrba ka to'oge ya, yese-ya tẽn-ẽŋa pʋam, dee pɩɩsɛ ya nãma tẽntõnnɔ basɛ. Ya sãn ẽŋɛ bɛla, la wʋn pa'alɛ ba tɩ ba ka ẽŋɛ sõŋa.»

Tõoma 18:6

Tɩ ba sɩ'ɩsɛ dee tɔgra ẽ tɔg-be'ero. Tɩ a pĩsũm a futo pa'alɛ tɩ ba ka ẽŋɛ sõŋa, dee yele ba yetɩ: «Ya sãn yẽ nãmsgɔ, ya yelle boe la ya mẽŋa zuo, la dagɩ mam yelle. La zĩna tɛka mam wʋn sẽŋɛ la sɛba n dagɩ Zifdõma la zẽ'am.»

Aromduma 2:16

Bõn-bãna wʋn puke la daar-sɛka tɩ Nawẽnnɛ wʋn botɩ Azezi-krisi di nẽrba yɛla n sʋgɛ sarɩya, masɛ wʋ kõ-yẽlga la tɩ mam mõolɛ n yetɩ se'em na.

Aromduma 2:5

La fõn sũure kɛ'ɛm mɛ tɩ fʋ ka bɔɔra tɩ fʋ teege yɛm, bɛla tɩ fʋ lagsra sɩbgrɛ bĩŋra fʋ mẽŋa zuo gu'ura daar-sɛka tɩ Nawẽnnɛ wʋn pa'alɛ a sũ-isgre di nẽrba sarɩya la sɩra la.

2 Pita 2:6

La a ken di Sodom la Gomõorɩ tẽnsɩ sarɩya mɛ sɩbgɛ ba, basɛ tɩ bugum di ba, tɩ ba lebge tãmpɛglʋm, tɩ la dɛna makrɛ bɔ sɛba n ka dolɩ Nawẽnnɛ sore la.

2 Pita 2:9

Bɛla pa'alɩ tɩ Zuudãana Nawẽnnɛ mi ẽŋa n ɩtɩ se'em fãara nẽr-sɛba n dolɩ a sore la nãmsgɔ pʋam mɛ, dee mina ẽŋa n ɩtɩ tõon-be'ero dõma se'em gu'ura sarɩyadia daarɛ tɩ ba wʋn yẽ sɩbgrɛ.

2 Pita 3:7

Nawẽnnɛ yetɔga mẽŋa n ken botɩ dũni-ẽna wã, la saazuum bɔna gu'ura tɩ bugum wa sã'am ba. A basɛ tɩ ba bɔna gu'ura la daar-sɛka tɩ a wʋn di nẽrsaalba sarɩya, sã'am tõon-be'ero dõma la.

1 Zã 4:17

Tõma sãn tara Nawẽnnɛ nõŋlʋm zõnzõnnɔ, tɩ wʋn ãna wʋ Azezi n ãn se'em na dũnia wã zuo. Bɛla tɩ wʋn tara sũ-ke'eŋo sarɩyadia daarɛ.

Azudi 1:7

La sãn dɛna Sodom la Gomõorɩ dõma, la tẽnsɩ sɛba n lɛm ba la, n mẽ yʋʋn ẽŋɛ wʋ bɛla, tõm yalsɩ tõoma, la, la dagɩ la nẽrsaalba mã'a. Ba yʋʋn yẽ sɩbgrɛ mɛ n de bugum n ka kĩŋri, tɩ la dɛna kã'aŋɔ bɔ nẽrba basɛba.