Amarkɩ 5:7 - Farefare Ninkaré

⁷ dee tɔgɛ ke'enke'em yetɩ: «Azezi, Nawẽnnɛ n gãnnɩ wuu Dayʋa, bẽm n boe mam na fõn tẽŋasʋka? Mam sosrɩ fʋ mɛ Nawẽnnɛ ĩyã, da nãmsɛ ma.»

ZE'ELEGO PAALEGA

⁷ Gee kaahɛ supi yeti, “Yezu, gaŋɛ za'a daana Dayua wa, fum tara la deni la mam? N dikɛ la Yinɛ bɛlena fum, ti fum da sagum mam.”

Amarkɩ 5:7 ပူးပေါင်းရင်းမြစ်များ

Amatie 16:16

Tɩ Asimõ-pɩyɛɛrɩ lerge ẽ yetɩ: «Fõn de la Krisi, Nawẽnnɛ n de vɔm dãana la Dayʋa.»

Amatie 26:63

Tɩ Azezi ka lerge se'ere. Tɩ kãabgɔ kẽma nẽŋadãana la yele ẽ yetɩ: «Pɔɩ la Nawẽnnɛ n de vɔm dãana la yʋ'ʋrɛ, fʋ sãn dɛna la Krisi, Nawẽnnɛ Dayʋa la, yele to.»

Amatie 4:3

Tɩ Asũtãana lɛm ẽ, yetɩ: «Fʋ sãn sɩrɩ dɛna la Nawẽnnɛ Dayʋa, fʋ botɩ kuga wã lebge dia.»

Amatie 8:29

Tɩ ba kaasra tagursi yetɩ: «Nawẽnnɛ Dayʋa, bẽm boe tõma la fõn tẽŋasʋka? Fõn wa'am tɩ fʋ nãmsɛ tõma mɛ dee tɩ wakatɛ la nãn ka paagɛ?»

Amarkɩ 1:24

«Azezi n de Nazarɛtɩ nẽra, fõn bẽm yelle n boe la tõma? Fõn wa'am tɩ fʋ sã'am na tõma? Mam mi fõn de sɛka. Fõn de la pʋpeelem dãana n ze'ele Nawẽnnɛ zẽ'am.»

Amarkɩ 14:61

Tɩ Azezi daan sĩna ka lerge se'ere. Tɩ kãabgɔ kẽma nẽŋadãana la le soke ẽ yetɩ: «Fõn de la Krisi, Nawẽnnɛ tɩ tõma pẽgrɩ la Dayʋa la?»

Amarkɩ 3:11

La kʋlkã'arsɩ n dolɩ nẽr-sɛba la sãn ẽn yẽ ẽ, ba luti la a nẽŋam kaasra tagursi yɛta tɩ: «Fõn de la Nawẽnnɛ Dayʋa.»

Amarkɩ 5:6

Tɩ a yẽ Azezi zãazãarɛ, zoe sẽŋɛ ka ka dũma tẽŋa a nẽŋam,

Amarkɩ 5:8

Azezi dẽŋɛ yele kʋlkã'arga la mɛ yetɩ a yese dee basɛ ẽ. Bɛla n soe tɩ kʋlkã'arga la yele bɛla.

Aluki 1:32

A wʋn dɛna la nẽr-keko. La ba wʋn wi'ira ẽ tɩ, Nawẽnnɛ n gãnnɩ wuu Bia. La Zuudãana Nawẽnnɛ wʋn bɔ ẽ a yaaba Adavidi na'am,

Aluki 4:34

«A'a! Azezi n de Nazarɛtɩ nẽra, fõn bẽm yelle n boe la tõma? Fõn wa'am tɩ fʋ sã'am na tõma? Mam mi fõn de sɛka, fõn de la pʋpeelem dãana n ze'ele Nawẽnnɛ zẽ'am.»

Aluki 6:35

La, la sãn dɛna yãma, nõŋɛ-ya ya bɛ'ɛba, dee ẽŋɛ ba sõŋa. Peŋe-ya nẽrba dee da tẽ'esra tɩ ba le bɔ ya. Ya sãn ẽŋɛ bɛla, ya yɔɔrɔ wʋn zo'oge mɛ, la ya wʋn dɛna Nawẽnnɛ n gãnnɩ sɛla wuu kɔma, se'ere n soe la, a ɩtɩ sɛba n ka mi yel-sõnnɛ, la pʋtʋʋl-dõma sõŋa mɛ.

Aluki 8:28

Nõor-faa tɩ kʋlkã'arga la ẽn girge ẽ. Tɩ ba gu'ura ẽ, dee ba a nãma, la a nu'usi wuu la bãnsɩ. Tɩ a kɔ'ɔra bãnsɩ la. La kʋlkã'arga la ẽn tarɩ ẽ sẽŋɛ la mõom. La bʋraaga la n yẽ Azezi la, a kaasɛ mɛ ka dũma tẽŋa a nẽŋam, tĩi tɔgra yetɩ: «Azezi, Nawẽnnɛ n gãnnɩ wuu Dayʋa, bẽm boe mam la fõn tẽŋasʋka? M sosrɩ fʋ mɛ tɩ fʋ da nãmsɛ mam.» Azezi dẽŋɛ yele kʋlkã'arga la mɛ tɩ a yese dee basɛ bʋraa la, bɛla n soe tɩ kʋlkã'arga la yele bɛla.

Azã 20:31

La bõn-bãna wã gʋlsɛ tɩ ya bɔ la sɩra tɩ Azezi n de Krisi, Nawẽnnɛ Dayʋa la, tɩ ya sãn bɔ ẽ sɩra, ya wʋn yẽ yõvore a yʋ'ʋrɛ ĩyã.

Tõoma 16:17

Tɩ a dɔla Apolɩ la tõma tĩi tɔgra yetɩ: «Nẽr-bãna wã de la Nawẽnnɛ n gãnnɩ sɛla wuu la tõntõnɩba, ba mõolɩ la fãarɛ sore pa'ala ya.»

Tõoma 19:13

Tɩ Zifdõma basɛba n daan gilgri digra kʋlkã'arsɩ nẽrba zẽ'am, daan makɛ tɩ ba dige kʋlkã'arsɩ la Zuudãana Azezi yʋ'ʋrɛ, yele ba yetɩ: «Mam yetɩ ya la Azezi sɛka tɩ Apolɩ mõolɩ la yʋ'ʋrɛ tɩ ya yese.»

Tõoma 8:36

La ban sẽnnɩ wɛ la, ba paagɛ la zẽ'a tɩ ko'om boe mĩ. Tɩ Etiopi bʋraa la yele Afilipi yetɩ: «Bɩsɛ, ko'om n wãna n boe kalam. Bẽm n wʋn gu mam ko'om misga?» [

Aromduma 16:20

Nawẽnnɛ n de sũ-mã'asʋm dãana la kãn yuuge dee sã'am Asũtãana pãŋa botɩ a bɔna ya nãma tẽŋa. Tɩ Zuudãana Azezi-krisi yel-sõnnɛ wʋn bɔna la ya lɛ.

Hiburuduma 2:14

Kɔma la tɩ a tɔgrɩ la n de nẽrsaalba tara ĩyã la zɩɩm na, bɛla tɩ Azezi mẽ lebge nẽrsaala wʋ bãma la ki, tɩ a kũm na sã'am Asũtãana n de sɛka n basɛ tɩ nẽrba kiira la pãŋa.

Hiburuduma 7:1

Amelkisedɛkɩ ẽŋa yʋʋn de la Salɛm naba, la Nawẽnnɛ n gãnnɩ wuu kãabgɔ kẽema. Abraham n yʋʋn sẽŋɛ ka zɛbɛ yãŋɛ na'adõma dee lebe kulla la, Amelkisedɛkɩ n tʋ'ʋsɛ ẽ kã kã'a-sõma bɔ ẽ.

Yemesi 2:19

Fõn sakɛ mɛ tɩ Nawẽnnɛ ayɩla mã'a n boe. La ãn sõŋa. Kʋlkã'arsɩ mẽ sakɛ la bɛla, dee gõgra la dabeem.

2 Pita 2:4

Se'ere n soe la, Nawẽnnɛ yʋʋn ka basɛ malɛkadõma sɛba n tõm tõon-be'ero la tɩ ba põsɛ, a lobe ba basɛ la bug-tẽŋa bog-ko'ogo n de lika pʋam, ba ba la bãnsɩ gu'ura sarɩyadia daarɛ.

1 Zã 3:8

Sɛka n tõnnɩ tõon-be'ero de la Asũtãana nẽra, se'ere n soe la, Asũtãana tõnnɩ tõon-be'ero la halɩ pĩ'iluŋo. Tɩ Nawẽnnɛ Dayʋa la wa'am tɩ a sã'am Asũtãana tõoma.

Azudi 1:6

La malɛkadõma sɛba n yʋʋn ka sakɛ Nawẽnnɛ n bɔ ba ke'eŋo se'em basɛ zẽ'e-sɛka tɩ Nawẽnnɛ bɔ ba la, Nawẽnnɛ ba ba mɛ la bãnsɩ, basɛ tɩ ba bɔna lika pʋam wakatɛ wuu gu'ura dabs-kãtɛ la n de sarɩyadia daarɛ la.

Lilegere 12:12

Bɛla, Nawẽnnɛ yire, la yãma sɛba wuu n boe mĩ na, ẽŋɛ-ya sũ-yẽlga. La toogo n wʋn yẽ tẽŋa, la ko-kãtɛ, se'ere n soe la, Asũtãana sige ya zẽ'am la sũ-yĩire, ẽn mi tɩ a wakatɛ deege la fẽe la ĩyã.»