Amarkɩ 4:19 - Farefare Ninkaré

¹⁹ tɩ ba yɛm yɔɔra la dũnia wã yɛla, tɩ bõntarsõm yɛla pã'asra ba, tɩ yɛla basɛba yɛmleego tara ba, botɩ yetɔga la ka tãna wʋn wɔm biɛ ba sũure pʋam.

ZE'ELEGO PAALEGA

¹⁹ gee ti timpaberɛ wa vom yɛla pakɛ ba, la tarega yɛla pa'ahegɔ yɛla, la ba suya en boti lɔgeseto yɛla wa'am na pɛregɛ yelehum la, ti bu kan ta'am wam.

Amarkɩ 4:19 ပူးပေါင်းရင်းမြစ်များ

Amatie 13:22

La gõ'osɩ la zẽ'a tɩ bõnbuuri sɛba lui la, ãn wʋ nẽr-sɛka n wõm Nawẽnnɛ so'olʋm kõ-yẽlga la, tɩ a yɛm yɔɔra la dũnia wã yɛla, tɩ bõntarsõm yɛla pã'asra ẽ, botɩ yetɔga la ka tãna wʋn wɔm biɛ a sũure pʋam.

Amatie 19:23

Tɩ Azezi yele a karẽnbiisi la yetɩ: «Mam yetɩ ya la sɩra sɩra, tɩ la tɔ mɛ bɔ bõntarsa tɩ a kẽ Nawẽnnɛ so'olʋm pʋam.

Amatie 3:10

Nẽra n põn tara lɩa a nu'usum tɩ a lʋbɛ tɩɩsɩ. Tɩ-sɛka woo n ka wɔnnɩ biɛ sõma, a wʋn lʋbɛ ẽ mɛ, lobge bugum pʋam, tɩ bugum di ẽ.

Amarkɩ 4:18

La gõ'osɩ la zẽ'a tɩ bõnbuuri sɛba lui la, ãn wʋ nẽr-sɛba n wõm yetɔga la,

Aluki 10:41

Tɩ Zuudãana Azezi lerge ẽ yetɩ: «Amartɩ, Amartɩ, fõn botɩ fʋ yɛm n yɔɔra la yɛla zozo'e yelle.

Aluki 21:34

Guuse ya mẽŋa tɩ ya yɛm da yɔɔra la di tɩgɛ, la dã-yũure, la dũni-ẽna vɔm yɛla, tɩ Nẽrsaala Dayʋa la lemŋo daarɛ da wa di'ige ya

Azã 15:2

Wil-sɛka n puse mam zuo dee ka wɔnna biɛ, a wãarɩ ẽ mɛ basra. La wil-sɛka woo n wɔnnɩ biɛ, a yorsrɩ ẽ mɛ tɩ a ãna sõŋa malɩn wɔnna biɛ zɔ'ɔra.

Aromduma 12:2

Da ãna-ya wʋ dũnia wã dõma n ãn se'em na. Basɛ-ya tɩ ya yɛm like dɛna paalga, tɩ ya teege, tã'agɛ bãŋɛ Nawẽnnɛ n boorɩ se'em: Sɛla n ãn sõŋa, sɛla n paarɩ a yɛm, sɛla n masɛ sõŋa sõŋa.

Efɛɛzɩ 2:2

Yãma n daan ɩtɩ se'em na ãn wʋ dũnia nẽrba n ka mi Nawẽnnɛ n ɩtɩ se'em na, dɔla Asũtãana n de pãnsɩ dõma n boe saazuum naba la, ẽŋa n tõnnɩ na sɛba n sɩ'ɩsrɩ Nawẽnnɛ nõorɛ la.

Efɛɛzɩ 6:12

Tõma zɛbrɛ ka boe la nẽrsaalba, tõma zɛbrɩ la Asũtãana kɛ'ɛndõma, la a pãnsɩ dõma, la dũnia lika tõon-be'ero na'adõma, la kʋlkã'arsɩ wuu n boe saazuum.

Filipi 4:6

Da fabla-ya sɛla sɛla yelle, la sɛla woo pʋam pʋ'ʋsra-ya sɔsra Nawẽnnɛ, la ya pʋ'ʋsra ẽ a yel-sõnnɛ, pa'alɛ-ya ẽ yãma n boorɩ sɛla.

1 Timoti 6:17

Kã'an nẽr-sɛba n tarɩ dũnia wã bõntarsõm na yetɩ, ba da zẽkra ba mẽŋa, la ba da dɩkɛ ba te'ere te'ege bõntarsõm tɩ ba ka mĩ ban wʋn ãna se'em, ba te'ege Nawẽnnɛ, tɩ ẽŋa n bɔ'ɔrɩ tɔ sɛla woo tɩ la sɛkra sõŋa sõŋa tɩ tɩ ɩta sũ-yẽlga.

2 Timoti 4:10

Se'ere n soe la, Ademasɩ basɛ mam mɛ dee sẽŋɛ Tesaloniki, ẽn nõŋɛ dũnia wã bõn-yooro la ĩyã. La Akresãnsɩ sẽŋɛ la Galatɩ, tɩ Atiti mẽ sẽŋɛ Dalmatɩ,

2 Pita 1:8

Se'ere n soe la, ya sãn ɩta bõn-bãna wã zozo'e, ba wʋn basɛ tɩ ya tõm Nawẽnnɛ tõoma, dee bãŋɛ tɩ Zuudãana Azezi-krisi pa'asɛ.

Azudi 1:12

Ba sãn lagɩm na ya dita nõŋlʋm dia, la de la yãnnɛ bɔ ya. Ba ka zotɩ yãnnɛ, ba kɔ'ɔn dita mɛ ɩta sũ-yẽlga ba mẽŋa ĩyã. Ba ãn wʋ sawara n ka tarɩ ko'om tɩ kʋsebgo pe'erɩ, ba ãn wʋ tɩɩsɩ n ka tarɩ biɛ ba wɔŋa wakatɛ, tɩ ba võ, basɛ tɩ ba võorɔ, la ba yẽga wuu kʋɩ.