Amarkɩ 3:9 - Farefare Ninkaré

⁹ Tɩ Azezi yele a karẽnbiisi la yetɩ, ba vuta õorŋɔ lɛm na tɩ nẽrba la da wa mike ẽ.

ZE'ELEGO PAALEGA

⁹ Ti a yele a zahereba la ti ba maahum uureŋɔ la bo' en nɛrekuuŋɔ la zuo, ti ba da ta bibige en na.

Amarkɩ 3:9 ပူးပေါင်းရင်းမြစ်များ

Amatie 15:39

Bɛla poorʋm, Azezi basɛ nẽr-kʋʋŋɔ la tɩ ba kule mɛ, dee kẽ õorŋɔ sẽŋɛ Magdala.

Amarkɩ 4:1

Azezi le bɔna la mõgrɛ la nõorʋm zãsna nẽrba. Tɩ nẽr-kʋʋŋɔ zozo'e lagsɛ a zẽ'am. Bɛla tɩ a kẽ õorŋɔ la n boe mõgrɛ la pʋam na zĩ'ire, dee tɩ nẽr-kʋʋŋɔ la wuu bɔna mõgrɛ la nõorʋm.

Amarkɩ 4:36

Tɩ a karẽnbiisi la basɛ nẽr-kʋʋŋɔ la, dee sẽŋɛ ka kẽ õorŋɔ la tɩ Azezi boe mĩ na pʋam, dɩkɛ ẽ tɩ ba wɛ'ɛsa. La õornɔ basɛba n daan mẽ boe ba zẽ'am.

Amarkɩ 5:2

Tɩ Azezi ze'ele õorŋɔ la pʋam sige. Tɩ bʋraa tɩ kʋlkã'arga dolɩ ẽ darɛ ze'ele yɔɔrʋm sẽnna tʋ'ʋsra ẽ.

Amarkɩ 5:30

La bilam mẽŋa tɩ Azezi bãŋɛ tɩ pãŋa n yese ẽŋa pʋam ẽŋɛ sɛla, tɩ a gelge soke nẽr-kʋʋŋɔ la yetɩ: «Ãn kalʋm mam fuugo?»

Amarkɩ 6:32

Tɩ ba kẽ õorŋɔ wɛ'ɛsa kẽnkɛrŋa zẽ'e-sɛka tɩ nẽrba ka boe.

Aluki 5:1

Daarɛ ayɩla Azezi ze la Zenezarɛtɩ mõgrɛ nõorʋm, tɩ nẽr-kʋʋŋɔ kaagɛ ẽ mikra taaba bɔɔra tɩ ba wõm Nawẽnnɛ yetɔga.

Aluki 5:3

La õorŋɔ ayɩla daan de la Asimõ bõnɔ. Tɩ Azezi kẽ õorŋɔ la pʋam, dee yele Asimõ yetɩ: «Mõm õorŋɔ la tɩ a sẽŋɛ nẽŋa fẽe.» La Azezi n yele bɛla la, Asimõ mõm õorŋɔ la mɛ, tɩ a lebe ko'om pʋam fẽe. Tɩ Azezi zĩ'ire õorŋɔ la pʋam pa'alɛ nẽrba la.

Azã 6:15

La Azezi daan bãŋɛ mɛ tɩ ba boorɩ tɩ ba pẽrgɛ ẽŋa mɛ tɩ a di na'am, tɩ a lebe sẽŋɛ tãŋa la zuo ẽŋa ayɩla mã'a.