Amarkɩ 3:3 - Farefare Ninkaré

³ Tɩ Azezi yele bʋraa la nu'ugo n ki la yetɩ: «Isge ze'ele tẽŋasʋka.»

ZE'ELEGO PAALEGA

³ Ti Yezu yele buraa la nu'o n ki la yeti, “Ihege wa'am n nɛŋan na.”

Amarkɩ 3:3 ပူးပေါင်းရင်းမြစ်များ

Amatie 12:10

Tɩ bʋraa ayɩla daan bɔna mĩ, tɩ a nu'ugo ki. Tɩ Farisi dõma bɔɔra tɩ ba dõrɛ Azezi, soke ẽ yetɩ: «Sore boe tɩ ba botɩ nẽra yẽ ĩmã'asʋm vo'osgo daarɛ?»

Amarkɩ 3:2

Tɩ ba bɩsra Azezi wʋn botɩ bʋraa la yẽ ĩmã'asʋm vo'osgo daarɛ bɩɩ, a kãn botɩ a yẽ ĩmã'asʋm. Ba daan eerɩ la ba doose bilam dõrɛ ẽ.

Amarkɩ 3:4

Dee soke sɛba n bɩsrɩ ẽ na yetɩ: «Sore boe tɩ nẽra ẽŋɛ sõŋa vo'osgo daarɛ bɩɩ, a ẽŋɛ be'em? Sore boe tɩ a fãagɛ nẽra vo'osgo daarɛ bɩɩ, a kʋ ẽ?» Tɩ ba sĩna.

Aluki 6:8

Tɩ Azezi bãŋɛ ba tẽ'esgɔ la, yele bʋraa la nu'ugo n ki la yetɩ: «Isge ze'ele nẽrba la tẽŋasʋka.» Tɩ a isge ze'ele.

Azã 9:4

Dẽnɩ tɩ tõma tõm sɛka n tõm mam na tõoma, la nãn ken dɛna wʋntɛɛŋa wã. Yʋ'ʋŋɔ sẽm mɛ tɩ nẽra kãn le tã'agɛ tõm.

1 Korẽntɩ 15:58

Bɛla, m sɔbi-nõŋrɩsɩ, mõrgɛ-ya ze'ele kãŋkãŋɛ. Tõnna-ya Zuudãana tõoma la wakatɛ wuu da basɛ, yãma n mi tɩ nãmsgɔ sɛka tɩ ya nãmsrɩ Zuudãana la ĩyã dagɩ zãŋa la.

Galatɩ 6:9

Bɛla, tɩ da targɛ-ya la tõon-sõma tõoma. Tɩ sãn ɩta dee ka basɛ, wakatɛ la sãn wa paagɛ, tɩ wʋn yẽ a yõorɔ.

Filipi 1:14

La tɩ sɔbiisi zozo'e yẽ bʋraanɛ mɛ Zuudãana doosgo la pʋam, mam n boe yʋ'a deem na ĩyã, tɩ ba sũure kɛŋra pa'asra, tɩ ba mõola Nawẽnnɛ kõ-yẽlga la ka zɔta dabeem.

1 Pita 4:1

Bɛla, Krisi n nãmsɛ a ĩyã pʋam na, ya mẽ keŋe ya mẽŋa tara pʋtẽ'erɛ ẽŋa mẽŋa. Nẽr-sɛka woo n nãmsɛ a ĩyã pʋam basɛ tõon-be'ero mɛ.