Amarkɩ 16:19 - Farefare Ninkaré

¹⁹ Zuudãana Azezi n daan tɔgɛ la ba kɩ'ɩlɩm na, a zẽkɛ mɛ zom Nawẽnnɛ yire, ka zĩ'ire Nawẽnnɛ zʋʋgɔ.

ZE'ELEGO PAALEGA

¹⁹ Bala Daana Yezu n tɔgɛ bo' ba ba'ahɛ la, a zom la saazuo, ta zi'ire Yinɛ zuɔ nu'o.

Amarkɩ 16:19 ပူးပေါင်းရင်းမြစ်များ

Amarkɩ 16:20

Tɩ a karẽnbiisi la sẽŋɛ ka mõolɛ kõ-yẽlga la zẽ'esɩ wuu. Tɩ Zuudãana la sõŋɛ ba, botɩ ba tõm tõon-yãlma pa'alɛ tɩ ba kõa la mõolgɔ de la sɩra.]

Aluki 22:69

La lɛɛlɛ wã kɔ'ɔn wɛ'ɛsa wuu, Nẽrsaala Dayʋa la wʋn zĩ'ire Nawẽnnɛ n de pãn-kãtɛ dãana la zʋʋgɔ.»

Aluki 9:51

Dabs-sɛba tɩ Azezi daan wʋn zẽkɛ sẽŋɛ Nawẽnnɛ yire la n daan lɛm, tɩ a kɔ'ɔn yetɩ, dẽnɩ tɩ ẽŋa sẽŋɛ Zerizalɛm.

Azã 13:1

Lan dẽŋɛ Zɔɔg-basɛ kibsa la, Azezi mi mɛ tɩ ẽŋa wakatɛ paagɛ mɛ tɩ ẽŋa wʋn fõrgɛ dũnia sẽŋɛ a Sɔ zẽ'am. La a daan nõŋɛ a nẽrba la n boe dũnia mɛ, a nõŋɛ ba la halɩ nõŋlʋm zõnzõnnɔ.

Azã 16:28

Mam ze'ele la m Sɔ Nawẽnnɛ zẽ'am wa'am dũnia zuo, la mam fõrgrɩ dũnia zuo wɛ'ɛsa la m Sɔ la zẽ'am.»

Azã 17:13

La lɛɛlɛ wã mam sẽm na fõn zẽ'am, la mam tɔgrɩ la wãna mam nãn ken bɔna dũnia zuo, tɩ ba wʋn tara mam sũ-yẽlga, tɩ ba sũ-yẽlga zo'oge pãɩ.

Azã 20:17

Tɩ Azezi yele ẽ yetɩ: «Da kalʋm ma, mam nãn ka zom m Sɔ la zẽ'am. Sẽŋɛ m sɔbiisi la zẽ'am ka yele ba yetɩ: ‹Mam zonnɩ na mam Sɔ Nawẽnnɛ n de yãma Sɔ, la yãma Nawẽnnɛ na zẽ'am.› »

Azã 21:15

Ban daan di kɩ'ɩlɩm na, tɩ Azezi soke Asimõ-pɩyɛɛrɩ yetɩ: «Asimõ, Azã bia, fõn nõŋɛ mam gãnna bãna n nõŋɛ mam se'em na?» Tɩ a lerge ẽ yetɩ: «Ẽe! Zuudãana, fõn mi tɩ mam nõŋɛ fõn mɛ.» Tɩ Azezi yele ẽ yetɩ: «Gu'ura m pebilsi.»

Azã 21:22

Tɩ Azezi lerge ẽ yetɩ: «Mam sãn bɔɔra tɩ a vɔa, halɩ tɩ mam wa leme wa'am, bẽm n pakɛ fõn? Fõn wen dɔla mam.»

Azã 6:62

La ya sãn yẽ tɩ Nẽrsaala Dayʋa la zonnɩ ẽn daan boe zẽ'a na, ya wʋn ẽŋɛ la wãne?

Tõoma 2:33

Nawẽnnɛ yãŋa zẽkɛ ẽ mɛ ka zĩ'ire a zʋʋgɔ bɔba, tɩ a to'oge a Sɔ Nawẽnnɛ Sɩa la tɩ a yʋʋn bĩŋe nõorɛ tɩ a wʋn bɔ tõma wuu la. Bõn-ẽŋa n wãna tɩ ya yẽtɩ dee wõnna lɛɛlɛ wã.

Tõoma 3:21

Dẽnɩ tɩ a bɔna Nawẽnnɛ yire halɩ ka paagɛ wakat-sɛka tɩ sɛla wuu wʋn teege lebge paalsɩ, wʋ Nawẽnnɛ n yʋʋn põn botɩ a nõtɔ'ɔsrɩba tɔgɛ kʋrʋm kʋrʋm se'em na.

Aromduma 8:34

Ãne n wʋn di ba sarɩya sɩbgɛ ba? Nẽra ka boe. Azezi-krisi ki mɛ, dee vo'oge, sẽŋɛ ka zẽa Nawẽnnɛ zʋʋgɔ, sɔsra tõma ĩyã.

Kolɔsɩ 3:1

Yãma lagɩm na Krisi vo'oge mɛ, bɛla ɛɛra-ya bõn-sɛba n boe Nawẽnnɛ yire, zẽ'e-sɛka tɩ Krisi zĩ Nawẽnnɛ zʋʋgɔ la.

1 Timoti 3:16

Tɩ wuu mi tɩ Nawẽnnɛ sɩra n daan sʋgɛ tɩ a dɩkɛ pa'alɛ tɔ a doosgo pʋam na, de la bõn-kãtɛ. Bõn-kãtɛ ẽŋa de la: Krisi n daan lebge nẽrsaala. Tɩ Nawẽnnɛ Sɩa pa'alɛ tɩ a de la sɩra dãana. Tɩ malɛkadõma bɩsɛ ẽ. Tɩ ba mõolɛ a yelle buuri wuu tẽŋasʋka. Tɩ nẽrba bɔ ẽ sɩra. Tɩ Nawẽnnɛ zẽkɛ ẽ la na'am pãŋa sẽŋɛ a yire.

Hiburuduma 1:3

Ẽŋa n tarɩ Nawẽnnɛ na'am pãŋa wa pa'alɛ tɔ, a ãn wʋ Nawẽnnɛ mẽŋa n ãn se'em na. La a yetɔga la tarɩ pãŋa mɛ botɩ sɛla woo bɔna a zẽ'a. Ẽŋa n yese nẽrsaalba tõon-be'ero tɩ ba lebge sõŋa la poorʋm, a sẽŋɛ ka zẽa la Naba Wẽnnɛ zʋʋgɔ saazuum-zuum.

Hiburuduma 12:2

Tɩ bɩsra-ya Azezi, ẽŋa n botɩ tɩ bɔ sɩra, dee wʋn tarɩ tɩ paagɛ a ba'asgɔ zẽ'am. A wĩbe mɛ ki dɔ-puurŋa zuo ka zoe yãnnɛ, se'ere n soe la, a yẽ sũ-yẽlga sɛka n gu'uri ẽ na mɛ, la a yãŋa zĩ la Nawẽnnɛ na'am bĩmbĩnne zʋʋgɔ.

Hiburuduma 4:14

Tõma tarɩ la kãabgɔ kẽma nẽŋadãana n de Nawẽnnɛ Dayʋa Azezi n zom saazuum Nawẽnnɛ yire. Bɛla, tɩ ze'ele-ya kãŋkãŋɛ Nawẽnnɛ sore la doosgo pʋam.

Hiburuduma 6:20

La de la zẽ'e-ẽŋa tɩ Azezi dẽŋɛ tõma kẽ, bɔna mĩ tõma ĩyã, dɛna kãabgɔ kẽma nẽŋadãana wakatɛ wuu ĩyã, wʋ Amelkisedɛkɩ n ãn se'em na.

Hiburuduma 7:26

La de la kãabgɔ kẽma nẽŋadãana n ãn wãna n masɛ tɩ tɩ tara: A de la pʋpeelem dãana, ka tara yelle, ka tara dõrga, a welge a mẽŋa mɛ la tõon-be'ero dõma, tɩ Nawẽnnɛ zẽkɛ ẽ sẽŋɛ saazuum-zuum.

Hiburuduma 8:1

Tõma yetɔga la tɩ tõma tɔgrɩ la zuo n wãna: Tõma tarɩ la kãabgɔ kẽma nẽŋadãana, ẽŋa n zĩ saazuum Nawẽnnɛ n de ke'eŋo dãana la na'am bĩmbĩnne zʋʋgɔ.

Hiburuduma 9:24

Krisi n kẽ zẽ'e-sɛka la, dagɩ deego tɩ nẽrsaala ẽŋɛ bɔ Nawẽnnɛ n mãmsrɩ Nawẽnnɛ zẽ'e-sõŋɔ mẽŋa mẽŋa la, a kẽ la Nawẽnnɛ yire mẽŋa, bɔna Nawẽnnɛ nẽŋam tõma sõŋrɛ ĩyã.

1 Pita 3:22

Ẽŋa n zẽkɛ sẽŋɛ Nawẽnnɛ yire ka zĩ'ire Nawẽnnɛ zʋʋgɔ bɔba, tɩ malɛkadõma, la kɛ'ɛndõma, la pãnsɩ dõma wuu sakra ẽ.