Amarkɩ 16:16 - Farefare Ninkaré

¹⁶ Sɛka woo n bɔ sɩra, botɩ ba mise ẽ ko'om pʋam, a wʋn yẽ fãarɛ. La sɛka woo n ka bɔ sɩra, ba wʋn di a sarɩya sɩbgɛ ẽ.

ZE'ELEGO PAALEGA

¹⁶ Se'em woo n sakɛ bo' yelehum la gee sɔ ko'om n wan nyɛ faarɛ, gee se'em woo me n ka sakɛ wan nyɛ sageŋɔ.

Amarkɩ 16:16 ပူးပေါင်းရင်းမြစ်များ

Amatie 28:19

Bɛla, sẽŋɛ-ya dũnia wuu ka botɩ nẽrba buuri wuu lebge mam karẽnbiisi. Mise-ya ba ko'om pʋam, la Sɔ Nawẽnnɛ, la a Dayʋa, la a Sɩa yʋ'ʋrɛ.

Amarkɩ 1:15

«Wakatɛ paagɛ mɛ, Nawẽnnɛ so'olʋm lɛm mɛ. Teege-ya yɛm basɛ tõon-be'ero dee sakɛ kõ-yẽlga la.»

Aluki 8:12

Sore la zuo tɩ bõnbuuri sɛba lui la, ãn wʋ nẽr-sɛba n wõm yetɔga la, tɩ Asũtãana wa'am wa yese yetɔga la ba sũure pʋam, botɩ ba kãn sakɛ yẽ fãarɛ.

Azã 20:31

La bõn-bãna wã gʋlsɛ tɩ ya bɔ la sɩra tɩ Azezi n de Krisi, Nawẽnnɛ Dayʋa la, tɩ ya sãn bɔ ẽ sɩra, ya wʋn yẽ yõvore a yʋ'ʋrɛ ĩyã.

Azã 3:36

Sɛka n bɔ a Dayʋa la sɩra tarɩ la vɔm n ka ba'asrɩ. La sɛka n ka sakɛ a Dayʋa la kãn yẽ vɔm n ka ba'asrɩ, la Nawẽnnɛ sũ-isgre boe a dãana zuo.»

Azã 3:5

Tɩ Azezi lerge ẽ yetɩ: «Mam yetɩ fʋ la sɩra sɩra, tɩ nẽra sãn ka dɔgɛ la ko'om, la Nawẽnnɛ Sɩa, a ka tã wʋn kẽ Nawẽnnɛ so'olʋm pʋam.

Azã 5:24

Mam yetɩ ya la sɩra sɩra, tɩ sɛka n selse mam yetɔga dee bɔ sɛka n tõm mam na sɩra, a tarɩ la vɔm n ka ba'asrɩ. La ba kãn di a sarɩya. La a yese la kũm pʋam tara vɔm n ka ba'asrɩ.

Azã 6:29

Tɩ Azezi lerge ba yetɩ: «Tõon-sɛka tɩ Nawẽnnɛ boorɩ tɩ ya tõm, de la ya sakɛ sɛka tɩ a tõm na.»

Azã 6:35

Tɩ Azezi lerge ba yetɩ: «Mam n de dia n bɔ'ɔrɩ vɔm na. Nẽr-sɛka woo n sẽm mam zẽ'am, kɔm kãn malɩn yõkɛ ẽ, la sɛka n bɔ mam sɩra, koyũuro kãn malɩn tara ẽ.

Azã 6:40

Mam Sɔ la n tõm mam na n boorɩ se'em de la sɛka woo n yẽ a Dayʋa la, dee bɔ ẽ sɩra wʋn yẽ vɔm n ka ba'asrɩ. Mam wʋn vo'oge ẽ dũnia ba'asgɔ daarɛ.»

Azã 8:24

Bɛla ĩyã tɩ mam yetɩ, ya wʋn ki la ya tõon-be'ero la pʋam. Se'ere n soe la, ya sãn ka bɔ sɩra tɩ mam de la sɛka tɩ mam de la, ya wʋn ki la ya tõon-be'ero la pʋam.»

Tõoma 10:43

Nawẽnnɛ nõtɔ'ɔsrɩba la wuu yʋʋn tɔgɛ a yelle mɛ yetɩ, sɛka woo n bɔ ẽ sɩra, Nawẽnnɛ wʋn basɛ a dãana tõon-be'ero taalɛ a yʋ'ʋrɛ ĩyã.»

Tõoma 13:39

la nẽr-sɛka woo n bɔ Azezi sɩra, a yelle masɛ Nawẽnnɛ zẽ'am mɛ.

Tõoma 13:46

Tɩ Apolɩ la Abarnabasɩ daan kãbɛ sũure tɔgɛ ba yetɩ: «Tõma wʋn dẽŋɛ nɩ tɔgɛ Nawẽnnɛ yetɔga wã bɔ la yãma. La yãma n zagsɛ la, yãma pa'alɛ tɩ ya ka masɛ tɩ ya yẽ vɔm n ka ba'asrɩ. Bɛla ĩyã tõma wʋn basɛ yãma, dee sẽŋɛ la bu-zãŋsɩ zẽ'am.

Tõoma 2:38

Tɩ Apɩyɛɛrɩ lerge ba yetɩ: «Teege-ya yɛm basɛ tõon-be'ero, tɩ ya nẽra woo botɩ ba mise ẽ ko'om pʋam la Azezi-krisi yʋ'ʋrɛ, tɩ Nawẽnnɛ basɛ ya tõon-be'ero taalɛ dee bɔ ya a Sɩa la.

Tõoma 2:41

Tɩ nẽrba la zozo'e daan sakɛ Apɩyɛɛrɩ yetɔga la, botɩ ba mise ba ko'om pʋam. Nẽr-sɛba n daan pa'asɛ ba pʋam daar-ẽŋa masɛ wʋ nẽr-tʋsatã.

Tõoma 22:16

La lɛɛlɛ wã, bẽm tɩ fõn gʋ'ʋna? Isge pʋ'ʋsɛ la Azezi yʋ'ʋrɛ, botɩ ba mise fʋ ko'om pʋam tɩ Nawẽnnɛ basɛ fʋ tõon-be'ero taalɛ.›

Aromduma 3:6

Nawẽnnɛ sãn dagna sɩra dãana, a kãn yãŋɛ nɩ dita dũnia nẽrba sarɩya.

Aromduma 4:24

La po dɛna la tõma mẽ ĩyã. Tõma n bɔ Nawẽnnɛ n vo'oge tɩ Zuudãana Azezi sɩra la ĩyã, tɩ Nawẽnnɛ yetɩ tɩ masɛ ẽŋa zẽ'am.

2 Tesaloniki 1:8

la bug-zɩlɩsɩ wa sɩbgɛ sɛba n zagsɛ Nawẽnnɛ dee ka sakɛ tɩ Zuudãana Azezi kõ-yẽlga la.

2 Tesaloniki 2:12

Bɛla tɩ nẽr-sɛba wuu n ka sakɛ sɩra, dee bɔɔra tõon-be'ero la wʋn yẽ sarɩyadia n de sã'aŋɔ.

1 Pita 1:21

Krisi ĩyã tɩ ya bɔ Nawẽnnɛ sɩra, Nawẽnnɛ n vo'oge Krisi, bɔ ẽ na'am pãŋa, bɛla tɩ ya dɩkɛ ya bɔ sɩra, la yan tara pʋtẽ'erɛ gu'ura sɛla la te'ege Nawẽnnɛ.

1 Pita 3:21

Bɛla de la makrɛ pa'ala ko'om misga n fãarɩ ya lɛɛlɛ wã. Ko'om misga dagɩ ĩyã dẽgrɔ yɛsga yelle, la de la sɛla n pa'alɩ tɩ nẽra looge yɛm tɩ a doose Nawẽnnɛ la pʋpeelem. Ko'om misga fãarɩ ya mɛ Azezi-krisi n ki dee vo'oge la ĩyã.

Lilegere 20:15

Sɛka yʋ'ʋrɛ n ka gʋlsɛ vɔm gõŋɔ la pʋam, ba wʋn lobe ẽ basɛ la bugum mõgrɛ la pʋam.

Lilegere 21:8

La sãn dɛna dabeto, la sɛba n ka bɔ sɩra, la sɛba n tõnnɩ tõon-dẽgrɔ, la nẽr-kʋʋrba, la yalsɩ dõma, la sɛba n tõnnɩ tɩɩm tõoma, la sɛba n nã'asrɩ bõndõma tɩ ba mãalɛ, la põmpɔrndõma la wuu, bãma zẽ'a de la bugum mõgrɛ n diti kidibre pʋam. Bɛla de la kũm bʋyi dãana.»