Amarkɩ 15:44 - Farefare Ninkaré

⁴⁴ La Apilatɩ n wõm tɩ Azezi darɛ ki mɛ na, la di'ige ẽ mɛ. Tɩ a botɩ ba wi sʋda-kɛ'ɛma la, tɩ a soke bãŋɛ Azezi ki yuuge mɛ?

ZE'ELEGO PAALEGA

⁴⁴ Ti Palete bu'ura nyaa Yezu pilum ki mɛ, bala ti a yi' Pɛntiireba nɛŋa daana se'em n biheri pɛntiireba kɔbega la la n ze' ni gura Yezu la soke en nyaa Yezu ki ti la yuue?

Amarkɩ 15:44 ပူးပေါင်းရင်းမြစ်များ

Amatie 8:10

Azezi n wõm bɛla la, la di'ige ẽ mɛ. Tɩ a yele nẽr-sɛba n dolɩ ẽ na yetɩ: «Mam yetɩ ya la asɩra, tɩ mam nãn ka yẽ nẽra n bɔ mam sɩra wʋ bʋra-ẽna wã, baa Ɩsrayɛlɩ buuri la pʋam mam ka yẽ.

Amarkɩ 15:43

Tɩ bʋraa ayɩla yʋ'ʋrɛ n de Azozɛfʋ, a ze'ele la Arimate, a de la sarɩyaditba la nẽra ayɩla tɩ ba nannɩ. A mẽ daan gu'uri la Nawẽnnɛ n wʋn wa'am wa di na'am nẽrba tẽŋasʋka. Lan daan de beere n wʋn wiige vo'osgo daarɛ la ĩyã, tɩ a kɛ'ɛm sũure sẽŋɛ Apilatɩ zẽ'am ka sose Azezi kũm na.

Amarkɩ 15:45

La Apilatɩ n wõm sʋda-kɛ'ɛma la lergre la, tɩ a bɔ Azozɛfʋ sore tɩ a sike kũm na.