Amarkɩ 14:41 - Farefare Ninkaré

⁴¹ A daan le sẽŋɛ mɛ, dee leme wa'am nõorɛ atã pʋam wa soke ba yetɩ: «Ya ken vɔ'ɔsra mɛ dee gĩsra? La ẽŋɛ ba'asɛ mɛ, wakatɛ paagɛ mɛ tɩ ba wʋn dɩkɛ Nẽrsaala Dayʋa la ẽŋɛ tõon-be'ero dõma nu'usum.

ZE'ELEGO PAALEGA

⁴¹ Ti a kiŋɛ gee le lebe butã puan na yele ba yeti, “Ya kelum giha mɛ gee sũna? La seke ya! Saŋa la paaɛ na. Ba koohe Asaala Dayua la bo' la be'em duma.

Amarkɩ 14:41 ပူးပေါင်းရင်းမြစ်များ

Amatie 26:2

«Yãma mi tɩ la deege la dabsa ayi tɩ Zɔɔg-basɛ kibsa paagɛ, tɩ ba wʋn yõkɛ Nẽrsaala Dayʋa la ka bɔ tɩ ba ka ẽ dɔ-puurŋa zuo kʋ.»

Amarkɩ 14:10

Tɩ Azudaasɩ Iskariyo n de Azezi karẽnbiisi pia la ayi la nẽra ayɩla sẽŋɛ kãabgɔ kẽma nẽŋadõma zẽ'am, ka yele ba tɩ ẽŋa wʋn pa'alɛ tɩ ba yõkɛ Azezi.

Amarkɩ 14:18

wa zẽa dita, tɩ Azezi yele ba yetɩ: «Mam yetɩ ya la asɩra, tɩ ya nẽra ayɩla n diti la mam kalam n wʋn pa'alɛ tɩ ba yõkɛ mam.»

Amarkɩ 14:35

La a sẽŋɛ la nẽŋa fẽe, ka võglɛ tẽŋa pʋ'ʋsɛ Nawẽnnɛ yetɩ, la sãn tãna, toogo la fõrgɛ dee basɛ ẽ.

Amarkɩ 14:40

Dee le leme wa yẽ tɩ ba gĩsri mɛ, se'ere n soe la, gẽem n ba tarɩ ba. Tɩ ba ka mina ban wʋn yele ẽ se'em.

Amarkɩ 14:42

Isge-ya tɩ sẽŋɛ, tɩ sɛka n wʋn pa'alɛ tɩ ba yõkɛ mam na n wãna sẽm.»

Amarkɩ 7:9

Azezi le yele ba yetɩ: «Ya sɩrɩ zagsɛ Nawẽnnɛ lɔɔ mɛ, dee tɩ ya dɔla ya mẽŋa malŋɔ.

Amarkɩ 9:31

A daan zãsʋm a karẽnbiisi la yetɩ: «Ba wʋn dɩkɛ Nẽrsaala Dayʋa la ẽŋɛ la nẽrba nu'usum, tɩ ba kʋ ẽ. La ba sãn kʋ ẽ, dabsa atã daarɛ a wʋn vo'oge mɛ.»

Azã 12:23

Tɩ Azezi lerge ba yetɩ: «Wakatɛ la paagɛ mɛ tɩ Nẽrsaala Dayʋa la wʋn yẽ a na'am pãŋa.

Azã 12:27

Lɛɛlɛ wã mam sũure sã'am mɛ, la m wʋn yetɩ bẽm? Mam wʋn yetɩ: M Sɔ, sõŋɛ ma tɩ m põsɛ nãmsgɔ ẽna wã bɩɩ? Ayɛɩ, la de la yel-ẽna ĩyã tɩ mam wa'am tɩ m nãmsɛ.»

Azã 17:1

Azezi n tɔgɛ bɛla kɩ'ɩlɩm na, a gorge bɩsɛ la saazuum yetɩ: «M Sɔ, mam daarɛ paagɛ ya, nã'asɛ mam n de fʋ Dayʋa la, tɩ mam mẽ nã'asɛ fɔ.

Azã 7:30

Tɩ ba ɛɛra sore tɩ ba yõkɛ ẽ, la nẽra nẽra ka kalʋm ẽ, se'ere n soe la, a wakatɛ daan nãn ka paagɛ.

Azã 8:20

Azezi n daan zãsnɩ nẽrba Wẽnde-kãtʋm na ligri lagsgɔ dagsɩ zẽ'am na, tɩ a tɔgɛ yetɔg-bãna. La nẽra nẽra ka yõkɛ ẽ, a wakatɛ n nãn ka paagɛ la ĩyã.

Tõoma 7:52

Nawẽnnɛ nõtɔ'ɔs-kãna tɩ ya yaabdõma la yʋʋn ka nãmsɛ ẽ? Bãma n yʋʋn kʋ sɛba n dẽŋɛ mõolɛ sɩra dãana tɩ Nawẽnnɛ wʋn tõm tɩ a wa'am na yelle. La yãma n yãŋa dõrɛ ẽ kʋ ẽ.