Amarkɩ 13:34 - Farefare Ninkaré

³⁴ La wʋn ãna wʋ bʋraa n we'esɩ sore dee dɩkɛ a yire gu'ule a tõntõnɩba, bɔ tõntõnna woo a tõonɛ, dee yele zanõr-gu'ura tɩ a gu'ura.

ZE'ELEGO PAALEGA

³⁴ La yeti la ta ana mɛ wuu nɛra n ye' sore gee dikɛ a yire gu'ule a yamehi, bo' nɛra woo la a tuunɛ a tuunɛ gee yele zanɔgura ti a biha yire la suŋa suŋa.

Amarkɩ 13:34 ပူးပေါင်းရင်းမြစ်များ

Amatie 16:19

Mam wʋn bɔ fɔ Nawẽnnɛ so'olʋm kʋlɩnbiɛ. La bõn-sɛka woo tɩ fʋ wʋn lʋ dũnia wã zuo, bõn-ẽŋa wʋn lʋ Nawẽnnɛ yire. La bõn-sɛka woo tɩ fʋ wʋn lorge dũnia wã zuo, bõn-ẽŋa wʋn lorge Nawẽnnɛ yire.»

Azã 10:3

La zanõrɛ la gu'ura yo'orɩ mɛ bɔ'ɔra ẽŋa. Tɩ piisi la mina a kõa, tɩ a wi'ira ẽn soe sɛba la yʋ'ʋra, botɩ ba dɔla ẽ yɛsra.

Aromduma 13:6

La ken dɛna la bõn-ẽŋa ĩyã tɩ ya yɔɔra lampo. Sɛba n to'osrɩ lampo la, la de la Nawẽnnɛ n bɔ ba tõon-ẽŋa tɩ ba tõnna sõŋa.

1 Korẽntɩ 15:58

Bɛla, m sɔbi-nõŋrɩsɩ, mõrgɛ-ya ze'ele kãŋkãŋɛ. Tõnna-ya Zuudãana tõoma la wakatɛ wuu da basɛ, yãma n mi tɩ nãmsgɔ sɛka tɩ ya nãmsrɩ Zuudãana la ĩyã dagɩ zãŋa la.

Kolɔsɩ 3:24

yãma n mi tɩ ya wʋn to'oge la yɔɔrɔ tɩ Zuudãana la bĩŋe tɩ a bɔ a nẽrba la ĩyã. La de la Krisi n de Zuudãana la tɩ ya tõnnɩ bɔ'ɔra.

Kolɔsɩ 4:1

La sãn dɛna yãma n de zuudãandõma la, ɩta-ya sɛla n ãn sõŋa, la sɛla n masɛ bɔ'ɔra ya yamsɩ la. Mina-ya tɩ yãma mẽ tarɩ la Zuudãana n boe saazuum.

Lilegere 3:7

«Gʋlsɛ bɔ Filadɛlfi Wẽndeego nẽrba la gu'ura yetɩ: Sɛka n de pʋpeelem dãana, la sɩra dãana n tarɩ naba Adavidi kʋlɩnbiɛ, sɛka n yʋ'ʋrɩ tɩ nẽra ka tãna yɔ'ɔra, dee yɔ'ɔra tɩ nẽra ka tãna yʋ'ʋra la n yele se'em n wãna: