Amarkɩ 13:22 - Farefare Ninkaré

²² Nẽrba n wʋn wa'am wa parɩm tɩ bãma n de Krisi, la nẽrba n wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõm tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge doose ba.

ZE'ELEGO PAALEGA

²² Se'ere en sɔi la, Kiresta pumpã'aheduma la nɔtɔgehe pumparenduma wan ta wa'am na tuna pa'ahegɔ kirehi ti ba bahɛ ti nɛreba bɔregɛ. La han wan ta'am ni iŋɛ ni, ba wan pã'ahɛ ni sɛba ti Yinɛ pun looe la.

Amarkɩ 13:22 ပူးပေါင်းရင်းမြစ်များ

Amatie 24:24

Nẽrba wʋn wa'am wa parɩm tɩ bãma n de Krisi, la nẽrba wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõnna tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge.

Amatie 7:15

«Guuse ya mẽŋa la nẽr-sɛba n parnɩ tɩ bãma de la Nawẽnnɛ nõtɔ'ɔsrɩba la. Ba wʋn ẽŋɛ ba mẽŋa wʋ saasaadõma n dɩkɛ piisi gãna fʋrɛ ba mẽŋa wa'am ya zẽ'am wʋ ba de la piisi la, dee tɩ ba pʋam ba sã'ana wʋ saasaadõma la.

Amarkɩ 13:21

La nẽra sãn yele ya yetɩ: ‹Bɩsɛ-ya, Krisi boe la kalam›, bɩɩ ‹bɩsɛ-ya, a boe la ke›, ya da sakɛ.

Amarkɩ 13:23

Guuse ya mẽŋa, tɩ mam dẽŋɛ yele ya sɛla woo mɛ.»

Amarkɩ 13:6

Nẽrba zozo'e n wʋn dɩkɛ mam yʋ'ʋrɛ wa'am wa pã'asra ya, tɩ ba nẽra woo yetɩ: ‹Mam n de Krisi la.› La ba wʋn botɩ nẽrba zozo'e tuuge mɛ.

Azã 4:48

Tɩ Azezi yele ẽ yetɩ: «Ya sãn ka yẽ bõn-yãlma, la yel-kɩrsɩ, ya ka bɔ'ɔrɩ mam sɩra.»

2 Timoti 2:19

La baa bɛla, Nawẽnnɛ n looge sɛba la ken zɛ la kãŋkãŋɛ wʋ ẽbrɛ n tarɩ pãŋa la. Yetɔg-bãna n de dãalgɔ n pa'alɛ bɛla: «Zuudãana la mi sɛba n de a nẽrba mɛ», la «sɛba wuu n yetɩ bãma de la Nawẽnnɛ nẽrba la, dẽnɩ tɩ ba basɛ tõon-be'ero».

1 Zã 2:18

M kɔma, lɛɛlɛ wã la de la dũnia ba'asgɔ wakatɛ. Yãma wõm tɩ ba yetɩ Krisi sɩ'ɩsra n sẽm. La lɛɛlɛ wã, Krisi sɩ'ɩsrɩba zo'oge mɛ bɔna, bɛla tõma mi mɛ tɩ la de la dũnia ba'asgɔ wakatɛ.

1 Zã 2:19

Nẽr-bãma ze'ele la tõma zẽ'am yese, la ba daan dagɩ tõma nẽrba sɩra sɩra. Ba daan sãn de nɩ tõma nẽrba, ba wʋn weege nɩ bɔna la tõma zẽ'am. La ban basɛ tõma la, dẽnɩ tɩ la ẽŋɛ bɛla tɩ la pa'alɛ vẽelga tɩ ba nẽra baa ayɩla dagɩ tõma nẽra.

1 Zã 2:26

La de la nẽr-sɛba n zɩgrɩ tɩ ba pã'asɛ ya tɩ ya tuuge la yelle tɩ mam gʋlsɛ wãna bɔ'ɔra ya.

Lilegere 13:8

Nẽrba wuu n boe dũnia zuo wʋn nã'asɛ dũŋa la mɛ, sãn dagna sɛba yʋ'ʋra n gʋlsɛ Pebila tɩ ba daan kʋ la vɔm gõŋɔ pʋam na. Nẽr-bãma yʋ'ʋra daan põn gʋlsɛ vɔm gõŋɔ la pʋam na halɩ dũnia pĩ'iluŋo wakatɛ.

Lilegere 17:8

Dũŋa la tɩ fʋ yẽ la, kʋrʋm a vɔa mɛ, la a ka le bɔna, la a wʋn ze'ele la bog-ko'ogo la pʋam dooge, sẽŋɛ sã'aŋɔ zẽ'am. La dũnia nẽr-sɛba yʋ'ʋra n ka gʋlsɛ bɔna vɔm gõŋɔ la pʋam halɩ dũnia pĩ'iluŋo wakatɛ la sãn yẽ dũŋa la, la wʋn di'ige ba mɛ, dũŋa la n daan vɔa, ka le wa bɔna, dee le wa bɔna la ĩyã.