Amarkɩ 13:11 - Farefare Ninkaré

¹¹ La ba sãn wa yõgɛ ya tarɩ sẽŋɛ ka sãm sarɩyadia zẽ'am, ya da fabla yãma n wʋn tɔgɛ se'em, wakatɛ sãn wa paagɛ, tɔgɛ-ya yetɔg-sɛba tɩ Nawẽnnɛ wʋn bɔ ya la, se'ere n soe la, la dagɩ ya mẽŋa n wʋn tɔgɛ, la de la Nawẽnnɛ Sɩa n wʋn sõŋɛ ya.

ZE'ELEGO PAALEGA

¹¹ Ba han ta nyɔgɛ ya kiŋɛ yele gakereba zi'an da fabele ya, ya wan ta tɔgɛ se'em. Gee yeen yele ya se'ere woo n wa'am ya nuuren na sankaŋa puan la, se'ere en sɔi la, la dagi yamam n tɔgeri, gee la dela Fa'a Sia la.

Amarkɩ 13:11 ပူးပေါင်းရင်းမြစ်များ

Amatie 10:17

Guuse-ya ya mẽŋa la nẽrba la. Se'ere n soe la, ba wʋn wa yõgɛ ya mɛ tarɩ sẽŋɛ sarɩyadia zẽ'esʋm, dee wẽ ya ba wẽndeto pʋam.

Amarkɩ 13:12

Sɔbia wʋn botɩ ba yõkɛ sɔbia kʋ, tɩ sɔ mẽ wʋn ẽŋɛ a bia bɛla, la kɔma wʋn zɛbra la ba sɔdõma, la ba madõma botɩ ba kʋ ba.

Amarkɩ 13:9

Guuse ya mẽŋa, tɩ nẽrba wʋn tarɩ ya mɛ sẽŋɛ ka sãm ba sarɩyadia zẽ'esʋm, tɩ ba wẽ ya ba wẽndeto pʋam. La ba wʋn tarɩ ya sẽŋɛ gɔmnadõma, la na'adõma nẽŋam mam ĩyã. La ya wʋn tɔgɛ mam yɛla pa'alɛ ba.

Aluki 21:12

La, lan dẽŋɛ bõn-bãna wã n wʋn ẽŋɛ, ba wʋn yõgɛ ya mɛ, nãmsɛ ya, tarɩ ya sẽŋɛ ka sãm ba wẽndetʋm sarɩyaditba zẽ'am, tɩ ba yʋ ya, la ba wʋn botɩ ya ze'ele na'adõma, la gɔmnadõma nẽŋam mam yʋ'ʋrɛ ĩyã.

Azã 3:27

Tɩ Azã lerge ba yetɩ: «Nẽra ka tã wʋn to'oge sɛla tɩ la sãn dagna Nawẽnnɛ n bɔ ẽ.

Tõoma 2:4

Tɩ Nawẽnnɛ Sɩa daan wa'am ba wuu zẽ'am la pãŋa, tɩ ba tɔgra bu-zãŋsɩ yetɔga, wʋ Sɩa la n bɔ ba tɩ ba tɔgɛ se'em na.

Tõoma 3:13

La de la Nawẽnnɛ tɩ tɩ yaabdõma Abraham, la A'izakɩ, la Azakɔbɩ yʋʋn pʋ'ʋsrɩ la, n zẽkɛ a tõntõnna Azezi la yʋ'ʋrɛ. Ẽŋa tɩ ya daan yõkɛ sẽŋɛ ka ẽŋɛ sɛba n soe pãŋa la nu'usum, tɩ baa gɔmna Apilatɩ n daan boorɩ tɩ a basɛ ẽ na, ya daan zagsɛ mɛ a nẽŋam.

Tõoma 4:31

Ban pʋ'ʋsɛ Nawẽnnɛ ba'asɛ la, zẽ'e-sɛka tɩ ba lagsɛ la mĩim mɛ. Tɩ Nawẽnnɛ Sɩa bɔ ba wuu pãŋa, tɩ ba tɔgɛ Nawẽnnɛ yetɔga la bʋraanɛ.

Tõoma 6:10

La Nawẽnnɛ Sɩa n bɔ'ɔrɩ A'etɩɛnɩ yɛm tɩ a tɔgra, tɩ ba ka tã'agɛ lerge ẽ.

Tõoma 6:15

Tɩ sarɩyaditba la wuu n zĩ la bɩsra A'etɩɛnɩ zĩi, yẽ tɩ a nẽŋa ãn wʋ malɛka nẽŋa la.

Tõoma 7:55

La A'etɩɛnɩ daan tarɩ la Nawẽnnɛ Sɩa pãŋa, gorge bɩsra saazuum zĩi, yẽ Nawẽnnɛ na'am n puke yẽgra, tɩ Azezi zɛ Nawẽnnɛ zʋʋgɔ bɔba.

1 Korẽntɩ 2:13

La tõma n tɔgrɩ yel-bãna wã, la dagɩ nẽrsaalba yɛm yetɔga, tõma tɔgrɩ la yetɔg-sɛba tɩ Nawẽnnɛ Sɩa pa'alɛ tõma, tõma tɔgrɩ la yel-sɛba n ze'ele Nawẽnnɛ Sɩa zẽ'am bɔ'ɔra nẽr-sɛba n tarɩ Nawẽnnɛ Sɩa.

Efɛɛzɩ 3:5

Nawẽnnɛ yʋʋn ka puke ẽ pa'alɛ kʋrʋm dõma, la lɛɛlɛ wã a botɩ a Sɩa la puke ẽ pa'alɛ la sɛba tɩ a tõm, la a nõtɔ'ɔsrɩba.

Yemesi 1:5

Yɛm sãn pɔ'ɔgɛ ya nẽr-sɛka, a sose Nawẽnnɛ n bɔ'ɔrɩ nẽrba wuu la yɛmleego dee ka mõŋra ba la, tɩ a wʋn bɔ ẽ.

1 Pita 1:12

Tɩ Nawẽnnɛ yʋʋn pa'alɛ ba tɩ yel-sɛba tɩ ba mõolɩ la dagɩ bãma mẽŋa ĩyã, la de la yãma ĩyã. Yel-bãma n bɛla tɩ sɛba n mõolɛ kõ-yẽlga la tɔgɛ bɔ ya. La de la Nawẽnnɛ n tõm a Sɩa tɩ a wa'am wa bɔ ba pãŋa tɩ ba tɔgɛ. Tɩ baa malɛkadõma la mẽŋa bɔɔra tɩ ba wõm a võorɛ.