Amarkɩ 12:14 - Farefare Ninkaré

¹⁴ Tɩ ba wa'am wa yele ẽ yetɩ: «Karẽnsãama, tõma mi tɩ fõn de la sɩra dãana, dee ka fabla nẽrba n tɔgrɩ fõn yelle se'em na, fõn ka tũ'usri nẽrba, la fõn zãsnɩ nẽrba Nawẽnnɛ sore yɛla la sɩra. Tõma yetɩ tɩ soke bɩsɛ, sore boe tɩ tɩ yɔ lampo bɔ Rom na-keko bɩɩ, sore ka boe? Tɩ yɔ bɩɩ tɩ da yɔ?»

ZE'ELEGO PAALEGA

¹⁴ Ti ba wa'am na yele Yezu yeti, “Pa'ala, tumam mi' ti fum dela yelemɛŋerɛ daana, gee me ka yɛleha nɛreba, se'ere en sɔi la fum ka to'ohe nɛreba la ninkɔrɛ, gee fum pa'ali Yinɛ sore la me ti la dɔla la yelemɛŋerɛ. La de sore ti tu yɔɔra kuba bɔ'ɔra Siiza bii tu da yɔɔra bɔ'ɔra en?

Amarkɩ 12:14 ပူးပေါင်းရင်းမြစ်များ

Amatie 22:16

Bɛla tɩ ba daan tõm ba karẽnbiisi, la naba A'erɔdɩ nẽrba tɩ ba sẽŋɛ Azezi zẽ'am ka yele ẽ yetɩ: «Karẽnsãama, tõma mi tɩ fõn de la sɩra dãana, dee zãsna nẽrba Nawẽnnɛ sore yɛla la sɩra. Fõn ka fablɩ nẽrba n tɔgrɩ fõn yelle se'em na, la fõn ka tũ'usri nẽrba.

Amatie 22:17

Yele to fõn tẽ'esrɩ se'em. Sore boe tɩ tɩ yɔ lampo bɔ Rom na-keko bɩɩ, sore ka boe?»

Amarkɩ 12:13

Tɩ ba tõm Farisi dõma basɛba, la naba A'erɔdɩ nẽrba basɛba, tɩ ba sẽŋɛ ka soke Azezi sokre tɩ a tɔgɛ tuuge tɩ ba yẽ sore yõkɛ ẽ.

Amarkɩ 12:15

Tɩ Azezi bãŋɛ tɩ ba boorɩ tɩ ba bẽrɛ ẽŋa mɛ, soke ba yetɩ: «Bẽm tɩ ya bẽta ma? Tarɩ-ya lagfɔ wa'am tɩ m bɩsɛ.»

Amarkɩ 14:45

La Azudaasɩ n paam na, a sẽŋɛ lɛm na Azezi, yele ẽ yetɩ: «Karẽnsãama.» Dee kɔkɛ ẽ.

Aluki 20:22

Bɛla, lɔɔ la bɔ sore tɩ tɩ yɔ lampo bɔ Rom na-keko bɩɩ, a ka bɔ sore?»

Aluki 23:2

ka dõrɛ ẽ yetɩ: «Tõma yẽ bʋra-ẽna tɩ a boe mĩ dãmna la tɩ tẽŋa wã dee yetɩ ba da yɔɔra lampo bɔ'ɔra Rom na-keko, dee ken yetɩ ẽŋa de la Krisi, ẽŋa de la naba.»

Azã 7:18

Nẽr-sɛka n tɔgrɩ la a mẽŋa pãŋa, eerɩ la a mẽŋa pẽka. La nẽr-sɛka n eerɩ sɛka n tõm ẽ na pẽka, ẽŋa de la sɩra dãana, la sɛla n ka masɛ ka boe a pʋam.

Aromduma 13:6

La ken dɛna la bõn-ẽŋa ĩyã tɩ ya yɔɔra lampo. Sɛba n to'osrɩ lampo la, la de la Nawẽnnɛ n bɔ ba tõon-ẽŋa tɩ ba tõnna sõŋa.

2 Korẽntɩ 2:17

Tõma ka ãn wʋ nẽrba basɛba zozo'e n dɩkɛ Nawẽnnɛ kõ-yẽlga la lɛɛbra ɛɛra yõorɔ la. Ayɛɩ, la de la Nawẽnnɛ n tõm tõma, tɩ tõma pelge tɩ pʋʋrɛ tɔgra a nẽŋam Krisi doosgo pʋam.

2 Korẽntɩ 2:2

Mam sãn botɩ yãma sũure sã'am, ãne n wʋn bɔ mam sũ-yẽlga, sãn dagna yãma sɛba tɩ mam wʋn botɩ nɩ ya sũure sã'am na?

2 Korẽntɩ 4:1

Nawẽnnɛ n zoe tõma ninbãalga bɔ tõma tõon-ẽŋa la ĩyã n soe tɩ tõma bʋraanɛ ka bɔ'ɔra.

2 Korẽntɩ 5:11

Bɛla tõma n mi tɩ zɔta Zuudãana n de se'em na, tɩ tõma mõrgra tɩ tɩ tɔgɛ yãŋɛ nẽrba tɩ ba sakɛ ẽ. Wẽnnaam mi tõma sõŋa mɛ. La mam tarɩ pʋtẽ'erɛ tɩ yãma sũure pʋam ya mẽ mi mam mɛ.

2 Korẽntɩ 5:16

Bɛla ĩyã tɩ lɛɛlɛ wã, tõma ka le bɩsra nẽra wʋ nẽrsaala n tẽ'esrɩ se'em na. La baa tõma daan sãn bɩsra Krisi wʋ nẽrsaalba n tẽ'esrɩ se'em na, lɛɛlɛ wã tõma ka le bɩsra ẽ bɛla.

Galatɩ 1:10

Bɛla, yãma tẽ'esɛ tɩ mam boorɩ tɩ nẽrba n pẽgɛ mam bɩɩ, bɩɩ Nawẽnnɛ n pẽgɛ ma? Yãma tẽ'esɛ tɩ mam boorɩ tɩ m ẽŋɛ tɩ la paagɛ la nẽrsaalba yɛm bɩɩ? Ayɛɩ, mam sãn boorɩ nɩ tɩ m ẽŋɛ tɩ la paagɛ nẽrsaalba yɛm, mam ka de nɩ Krisi tõntõnna.

Galatɩ 2:6

Nẽr-sɛba tɩ ba bɩsrɩ wʋ nẽŋadõma la, ba sãn dɛna nẽŋadõma bɩɩ ba dagɩ nẽŋadõma, la ka pakɛ mam, Nawẽnnɛ ka tũ'usri nẽrba. Nẽŋadõma bãma ka mõrgɛ mam tɩ m ẽŋɛ sɛla sɛla pa'asɛ mam zãsŋɔ la pʋam.

1 Tesaloniki 2:4

La de la Nawẽnnɛ n bɩsɛ tɩ tõma masɛ tɩ a dɩkɛ a kõ-yẽlga la ẽŋɛ tõma nu'usum. Bɛla, tõma ka mõolɩ tɩ la ẽŋɛ nẽrsaalba sũure yẽlʋm, tõma mõolɩ tɩ la ẽŋɛ la Nawẽnnɛ n vẽesrɩ mina tɩ pʋtẽ'erɛ n ãn se'em na sũure yẽlʋm.