Amarkɩ 1:35 - Farefare Ninkaré

³⁵ Azezi daan isge la bulika yʋ'ʋŋɔ yʋ'ʋŋɔ yese tẽŋa la pʋam sẽŋɛ zẽ'a tɩ nẽrba ka boe, tɩ a ka pʋ'ʋsɛ.

ZE'ELEGO PAALEGA

³⁵ Bulika, se'em ma'a ti la nam ana biin la, ti Yezu ihege yehe kiŋɛ kɛ̃' muuen ha ta pu'uhɛ.

Amarkɩ 1:35 ပူးပေါင်းရင်းမြစ်များ

Amatie 14:13

Azezi n daan wõm bɛla la, a kẽ la õorŋɔ fõrgɛ wɛ'ɛsa kẽnkɛrŋa, zẽ'a tɩ nẽrba ka boe. Tɩ nẽr-kʋʋŋɔ la bãŋɛ, ze'ele tẽnsɩ pʋam babsɛ ẽ la nãma.

Amatie 14:23

Ẽn daan keese nẽr-kʋʋŋɔ la kɩ'ɩlɩm na, a sẽŋɛ la kẽnkɛrŋa ka zom tãŋa zuo tɩ a pʋ'ʋsɛ Nawẽnnɛ. Tɩ wẽnnɛ kẽ, tɩ ẽŋa ayɩla mã'a bɔna mĩ.

Amarkɩ 1:36

Tɩ Asimõ la nẽr-sɛba n daan boe la ẽ na yese ɛɛra ẽ.

Aluki 5:16

La Azezi ẽn sẽnna la zẽ'e-sɛka tɩ nẽrba ka boe la pʋ'ʋsra Nawẽnnɛ.

Aluki 6:12

La wakat-ẽŋa tɩ Azezi daan sẽŋɛ ka zom tãŋa zuo tɩ a pʋ'ʋsɛ Nawẽnnɛ, bɔna bilam pʋ'ʋsra Nawẽnnɛ yʋ'ʋŋɔ wuu.

Azã 4:34

Tɩ Azezi yele ba yetɩ: «Mam dia de la m ẽŋɛ sɛka n tõm mam na n boorɩ se'em, dee tõm a tõonɛ na ba'asɛ.

Azã 6:15

La Azezi daan bãŋɛ mɛ tɩ ba boorɩ tɩ ba pẽrgɛ ẽŋa mɛ tɩ a di na'am, tɩ a lebe sẽŋɛ tãŋa la zuo ẽŋa ayɩla mã'a.

Efɛɛzɩ 6:18

Pʋ'ʋsra-ya Nawẽnnɛ sɛla woo pʋam, pʋ'ʋsra-ya dee sɔsra ẽ wakatɛ wuu la a Sɩa pãŋa. Nargɛ-ya pãŋa pʋ'ʋsra Nawẽnnɛ nẽrba wuu ĩyã da basɛ.

Filipi 2:5

Tara-ya pʋtẽ'e-sɛka tɩ Azezi-krisi daan tarɩ la.

Hiburuduma 5:7

Azezi-krisi n daan boe dũnia wã wakat-sɛka la, a pʋ'ʋsɛ mɛ sose Nawẽnnɛ n de sɛka n tã wʋn fãagɛ ẽ kũm pʋam basɛ la, belem ẽ na nintãm. Tɩ Nawẽnnɛ lerge a sosgo, a sik-m-mẽŋa la pʋam.