Aluki 9:26 - Farefare Ninkaré

²⁶ Nẽr-sɛka n zoe yãnnɛ mam ĩyã, la mam yetɔga la ĩyã, mam n de Nẽrsaala Dayʋa la mẽ wʋn zoe yãnnɛ la ẽ wakat-sɛka tɩ mam wʋn leme wa'am la m na'am pãŋa, la Nawẽnnɛ, la a malɛkadõma na'am pãŋa la.

ZE'ELEGO PAALEGA

²⁶ Se'em en tari vi la mam, la n yelehum wa la, eŋa ti Asaala Dayua wa wan ta tara vi la en, n han ta lɛbera na la n suŋa la puan la, Sɔ suŋa puan la, la Fa'a suŋereba suŋa la.

Aluki 9:26 ပူးပေါင်းရင်းမြစ်များ

Amatie 16:27

Nẽrsaala Dayʋa la wʋn leme wa'am mɛ la a Sɔ Nawẽnnɛ na'am pãŋa, la a malɛkadõma. La wakat-ẽŋa a wʋn yɔ nẽra woo masɛ la a tõonɛ.

Amatie 25:31

«Nẽrsaala Dayʋa la sãn leme wa'am la a na'am pãŋa, la a malɛkadõma wuu, a wʋn zĩ'ire la a na'am bĩmbĩnne zuo.

Amatie 26:64

Tɩ Azezi lerge ẽ yetɩ: «La de la fõn yele se'em na. La mam yetɩ ya tɩ ya wʋn yẽ Nẽrsaala Dayʋa la, tɩ a zĩ Nawẽnnɛ n de pãŋa dãana la zʋʋgɔ bɔba, ya wʋn yẽ tɩ a boe sawara pʋam sẽna.»

Amarkɩ 8:38

Nẽr-sɛka n zoe yãnnɛ mam ĩyã, la mam yetɔga la ĩyã, zamãana ẽna wã n ka dolɩ Nawẽnnɛ la sɩra, dee dɛna tõon-be'ero dõma wã tẽŋasʋka, Nẽrsaala Dayʋa la mẽ wʋn zoe yãnnɛ na ẽ, wakat-sɛka tɩ a wʋn leme wa'am la a Sɔ Nawẽnnɛ na'am pãŋa, la a malɛkadõma la.»

Azã 12:43

Ba daan nõŋɛ la nẽrsaalba pẽka gãnna Nawẽnnɛ pẽka.

Azã 5:44

Yãma to'osrɩ la pẽka taaba zẽ'am, dee ka ɛɛra pẽka n ze'etɩ Nawẽnnɛ ayɩla mã'a zẽ'am. Yãma wʋn ẽŋɛ la wãne bɔ mam sɩra?

Tõoma 10:22

Tɩ ba yele ẽ yetɩ: «Akɔrnɛlɩ, a de la sʋda-kɛ'ɛma, tɩ a ɩrgɔ masɛ, tɩ a nanna Nawẽnnɛ, tɩ Zifdõma wuu tɔgra a yelle sõŋa. Tɩ Nawẽnnɛ daan tõm a malɛka tɩ a wa'am wa yele ẽ yetɩ, a botɩ fõn wa'am a yire wa yele ẽ fõn tarɩ yetɔg-sɛka la.»

Aromduma 1:16

Yãnnɛ ka tarɩ mam la kõ-yẽlga la mõolgɔ. A de la Nawẽnnɛ pãŋa n botɩ nẽr-sɛba wuu n bɔ ẽ sɩra la yẽta fãarɛ, pɔspɔsɩ de la Zifdõma, pa'asɛ la sɛba n dagɩ Zifdõma.

2 Korẽntɩ 12:10

Bɛla n soe tɩ mam ɩta sũ-yẽlga m tɔrgɔ la pʋam, la tʋʋrɛ pʋam, la tooro pʋam, la nãmsgɔ pʋam, la sũ-sã'aŋɔ pʋam, mam n sakɛ Krisi la ĩyã. Se'ere n soe la, mam tɔrgɔ la pʋam tɩ mam tarɩ pãŋa.

Galatɩ 6:14

La sãn dɛna mam, mam ka wẽ'erɩ m yõ'ogɔ la sɛla yelle, sãn dagna tɩ Zuudãana Azezi-krisi n ki dɔ-puurŋa zuo la mã'a yelle. Krisi kũm na ĩyã dũnia yɛla wuu ãn wʋ ba ki mɛ ka le sɔna mam, tɩ mam mẽ ãna wʋ mam ki mɛ, ka le bɔna dũnia yɛla pʋam.

1 Timoti 5:21

Mam yetɩ fʋ la Nawẽnnɛ, la Azezi-krisi, la malɛkadõma nẽŋam yetɩ, fʋ doose pa'algɔ bãna wã la sɩra, da bɔkra nẽrba.

2 Timoti 1:12

La de la kõ-yẽlga la ĩyã tɩ mam yẽta nãmsgɔ, la mam ka zotɩ yãnnɛ, se'ere n soe la, mam mi sɛka tɩ mam bɔ sɩra la mɛ, la mam mi m sũure pʋam tɩ a tarɩ pãŋa mɛ wʋn gu'ura sɛla tɩ a dɩkɛ ẽŋɛ mam nu'usum na sõŋa, halɩ ka paagɛ Nawẽnnɛ sarɩyadia daarɛ.

2 Timoti 2:12

La tɩ sãn mõrgɛ ze'ele kãŋkãŋɛ, tɩ wʋn lagɩm na ẽ di na'am. Tɩ sãn zagsɛ yetɩ tõma ka mi ẽ, a mẽ wʋn zagsɛ yetɩ ẽŋa ka mi to.

Hiburuduma 11:26

A bɩsɛ mɛ tɩ ba sãn pɔ'ɔgɛ ẽŋa wʋ ba wʋn pɔ'ɔgɛ Krisi la, n tarɩ yõorɔ zo'oge gãnna Ezipti tẽŋa bõntarsõm wuu. Se'ere n soe la, a yʋʋn tarɩ la pʋtẽ'erɛ gu'ura yɔɔrɔ n boe nẽŋa.

Hiburuduma 13:13

Bɛla, tɩ yese-ya sẽŋɛ a zẽ'am tẽŋa la kẽnkɛrŋa ka po sakɛ pɔ'ɔrɛ la.

Azudi 1:14

La po dɛna la nẽr-bãma yelle tɩ A'enõkɩ n de tɩ yaaba bʋyopɔɩ dãana lan pɔsɛ la Adam na, yʋʋn to'oge Nawẽnnɛ yetɔga tɔgɛ yetɩ: «Bɩsɛ-ya, Zuudãana Nawẽnnɛ sẽm mɛ la a malɛkadõma tʋsa tʋsa

Lilegere 1:7

Bɩsɛ-ya, a boe la sawara pʋam sẽna. Nẽrsaalba wuu wʋn yẽ ẽ, baa la nẽr-sɛba n daan lʋ ẽ na. Buuri wuu nẽrba n boe dũnia wʋn kɛlla mɛ fabla a yelle. Ẽe, la de la bɛla. Amina.

Lilegere 20:11

Tɩ mam le yẽ na'am bĩmbĩnne kãtɛ n de pɛɛlga, la sɛka n zĩ a zuo. Tɩ tẽŋa la saazuum zoe fõrgɛ a nẽŋam, tɩ ba ka le yẽ ba.

Lilegere 21:8

La sãn dɛna dabeto, la sɛba n ka bɔ sɩra, la sɛba n tõnnɩ tõon-dẽgrɔ, la nẽr-kʋʋrba, la yalsɩ dõma, la sɛba n tõnnɩ tɩɩm tõoma, la sɛba n nã'asrɩ bõndõma tɩ ba mãalɛ, la põmpɔrndõma la wuu, bãma zẽ'a de la bugum mõgrɛ n diti kidibre pʋam. Bɛla de la kũm bʋyi dãana.»

Lilegere 3:5

Nẽr-sɛka n yãŋɛ wʋn wa yɛ la fu-pɛɛlsɩ bɛla, la mam kãn saam a yʋ'ʋrɛ vɔm gõŋɔ la pʋam. La mam wʋn wi a yʋ'ʋrɛ mam Sɔ, la a malɛkadõma la nẽŋam yetɩ a de la mam nẽra.