Aluki 9:1 - Farefare Ninkaré

¹ Azezi daan wi a karẽnbiisi pia la ayi la lagsɛ mɛ, bɔ ba pãŋa, la nõorɛ tɩ ba dige kʋlkã'arsɩ dee botɩ bã'adõma yẽ ĩmã'asʋm.

ZE'ELEGO PAALEGA

¹ Ti Yezu yi' a zahereba pia la bayi' la lagehɛ na, bo' ba paŋa la kpe'eŋo, ti ba tana kulekpa'bɛ'ɛhi woo, gee tibera bã'ahi.

Aluki 9:1 ပူးပေါင်းရင်းမြစ်များ

Amatie 16:19

Mam wʋn bɔ fɔ Nawẽnnɛ so'olʋm kʋlɩnbiɛ. La bõn-sɛka woo tɩ fʋ wʋn lʋ dũnia wã zuo, bõn-ẽŋa wʋn lʋ Nawẽnnɛ yire. La bõn-sɛka woo tɩ fʋ wʋn lorge dũnia wã zuo, bõn-ẽŋa wʋn lorge Nawẽnnɛ yire.»

Amatie 4:24

Tɩ a yʋ'ʋrɛ daan yese Siiri so'olʋm wuu, tɩ ba tara bã'adõma wuu tɩ bã'asɩ buuri to'oto'ore tarɩ ba, nẽrba ĩisi n dõnnɩ tɩ ba nãmsra, la kʋlkã'arsɩ n dolɩ sɛba, la nẽrba n luti kinki'ire, la kɔɔrnɔ wa'am a zẽ'am, tɩ a botɩ ba wuu yẽ ĩmã'asʋm.

Amatie 8:9

Se'ere n soe la, nẽrba n soe mam, la mam mẽ soe la sʋdaasɩ basɛba. Mam sãn yele sʋda-sɛka yetɩ: ‹Sẽŋɛ›, a we'esɩ mɛ. La mam sãn yele ayẽma yetɩ: ‹Wa'am›, a sẽm mɛ. Mam sãn yele m tõntõnna yetɩ: ‹Ẽŋɛ wãna›, a ɩtɩ mɛ.»

Aluki 10:1

Bɛla poorʋm, Azezi looge la karẽnbiisi basɛba pisyopɔɩ la ayi tɩ a tõm ba bayi bayi tɩ ba dẽŋɛ nẽŋa sẽŋɛ tẽn-sɛba, la zẽ'e-sɛba wuu tɩ ẽŋa mẽŋa wʋn sẽŋɛ la.

Aluki 10:19

Bãŋɛ-ya tɩ mam bɔ ya pãŋa mɛ tɩ ya nẽ bõnsɛ'ɛdõma, la nãnsɩ, dee yãŋɛ Asũtãana la a pãŋa wuu, la sɛla sɛla ka tã wʋn ẽŋɛ ya be'em.

Azã 14:12

Mam yetɩ ya la sɩra sɩra, tɩ sɛka n bɔ'ɔrɩ mam sɩra la, a mẽ wʋn tõm tõon-sɛba tɩ mam tõnnɩ na, la a wʋn tõm tõon-kãra n gãnnɩ bɛla, se'ere n soe la, mam we'esɩ la m Sɔ zẽ'am.

Tõoma 1:8

La Nawẽnnɛ Sɩa wʋn wa'am ya zuo, wa bɔ ya pãŋa. La ya wʋn dɛna mam kaset-dõma pa'alɛ mam yɛla Zerizalɛm, la Zude, la Samaari tẽnsʋm, halɩ ka paagɛ dũnia tɛka wuu.»

Tõoma 3:16

La de la Azezi yʋ'ʋrɛ n tarɩ pãŋa la ĩyã, la tõma n bɔ ẽ sɩra la n botɩ bʋra-ẽna tɩ yãma mi dee yẽ wã keŋe. La de la ẽn bɔ Azezi sɩra la n botɩ a yẽ ĩmã'asʋm sõŋa ya wuu nẽŋam wã.

Tõoma 4:30

La fʋ pãŋa, botɩ sɛba n bẽ'erɩ yẽ ĩmã'asʋm, dee tɩ tõon-yãlma la yel-kɩrsɩ ẽŋɛ, Azezi n de fʋ tõntõn-sõŋɔ la yʋ'ʋrɛ ĩyã.»

Tõoma 9:34

Tɩ Apɩyɛɛrɩ yele ẽ yetɩ: «A'ene, Azezi-krisi bɔ fʋ ĩmã'asʋm mɛ. Isge vaagɛ fʋ bõn-gã'ala la bĩŋe.» Tɩ a isge bilam zẽ'am.