Aluki 8:31 - Farefare Ninkaré

³¹ Tɩ kʋlkã'arsɩ la sose Azezi yetɩ, a da botɩ ba sẽŋɛ bug-tẽŋa bog-ko'ogo la pʋam.

ZE'ELEGO PAALEGA

³¹ Ti ba belum Yezu ti a da sa'ɛ ba bahɛ lika boko la puan.

Aluki 8:31 ပူးပေါင်းရင်းမြစ်များ

Amatie 25:41

La a wʋn yele sɛba n boe a gɔbga bɔba la yetɩ: ‹Sẽŋɛ-ya fõrgɛ, Nawẽnnɛ kã'a-be'ego boe ya zuo. Sẽŋɛ-ya ka kẽ bugum n ka kĩŋri tɩ Nawẽnnɛ mãasʋm tɩ a kẽ'esɛ Asũtãana, la a malɛkadõma la pʋam.

Aluki 8:28

Nõor-faa tɩ kʋlkã'arga la ẽn girge ẽ. Tɩ ba gu'ura ẽ, dee ba a nãma, la a nu'usi wuu la bãnsɩ. Tɩ a kɔ'ɔra bãnsɩ la. La kʋlkã'arga la ẽn tarɩ ẽ sẽŋɛ la mõom. La bʋraaga la n yẽ Azezi la, a kaasɛ mɛ ka dũma tẽŋa a nẽŋam, tĩi tɔgra yetɩ: «Azezi, Nawẽnnɛ n gãnnɩ wuu Dayʋa, bẽm boe mam la fõn tẽŋasʋka? M sosrɩ fʋ mɛ tɩ fʋ da nãmsɛ mam.» Azezi dẽŋɛ yele kʋlkã'arga la mɛ tɩ a yese dee basɛ bʋraa la, bɛla n soe tɩ kʋlkã'arga la yele bɛla.

Aluki 8:32

La kurkurdõma n daan zo'oge bɔna tãŋa zuo ɔbra yɔnnɔ. Tɩ kʋlkã'arsɩ la belem Azezi yetɩ, a bɔ ba nõorɛ tɩ ba kẽ kurkurdõma la. Tɩ Azezi sakɛ ban yele se'em na.

Aromduma 10:7

«Dee da yetɩ, ãne n wʋn sige kɩ'ɩn-tẽŋa?» La boorɩ tɩ la yetɩ, ãne n wʋn sige botɩ Krisi vo'oge.

Lilegere 11:7

Ba sãn wa tɔgɛ yetɔga la ba'asɛ, dũŋa n wʋn ze'ele bog-ko'ogo la pʋam yese zɛbɛ la ba, yãŋɛ kʋ ba.

Lilegere 17:8

Dũŋa la tɩ fʋ yẽ la, kʋrʋm a vɔa mɛ, la a ka le bɔna, la a wʋn ze'ele la bog-ko'ogo la pʋam dooge, sẽŋɛ sã'aŋɔ zẽ'am. La dũnia nẽr-sɛba yʋ'ʋra n ka gʋlsɛ bɔna vɔm gõŋɔ la pʋam halɩ dũnia pĩ'iluŋo wakatɛ la sãn yẽ dũŋa la, la wʋn di'ige ba mɛ, dũŋa la n daan vɔa, ka le wa bɔna, dee le wa bɔna la ĩyã.

Lilegere 19:20

Tɩ ba yõkɛ dũŋa la, la põmpɔrŋɔ nõtɔ'ɔsa la n daan ẽŋɛ bõn-yãlma dũŋa la nifum pã'asɛ sɛba n to'oge dũŋa la dãalgɔ, dee nã'asɛ a bõnɔ tɩ ba mãalɛ la. Ba lobe dũŋa, la põmpɔrŋɔ nõtɔ'ɔsa la wuu la vɔɔsɩ basɛ bugum mõgrɛ n diti kidibre pʋam.

Lilegere 9:11

Ba daan tarɩ la naba, a de la malɛk-sɛka n gu'uri bog-ko'ogo la. A yʋ'ʋrɛ la Ebre yetɔga de la «Abadõ», la Grɛkɩ yetɔga de la «Apoliyõ», n boorɩ tɩ la yetɩ «Sã'ama».