Aluki 8:3 - Farefare Ninkaré

³ La ayẽma yʋ'ʋrɛ de la Azanɩ. Ẽŋa de la Asuza n bɩsrɩ naba A'erɔdɩ yire yelle la pɔga. La ayɩla yʋ'ʋrɛ de la Asuzanɩ. Pɔg-bãna, la pɔgsɩ zozo'e n tarɩ ba mẽŋa lɔgrɔ sõŋra Azezi la a karẽnbiisi la.

ZE'ELEGO PAALEGA

³ Yowana, se'em sira en de Hɛrɔd tuntuna ti a yu'urɛ yi'ira Kuza la, la Suzaana, la pɔgehi sise'ehi kekeko n lagum tara ba lɔgerɔ suŋera Yezu la a zahereba la.

Aluki 8:3 ပူးပေါင်းရင်းမြစ်များ

Amatie 14:1

Wakat-ẽŋa tɩ Galile naba A'erɔdɩ daan wõm ban tɔgrɩ Azezi yelle,

Amatie 14:3

Se'ere n soe tɩ a yele bɛla la, A'erɔdɩ mẽŋa n daan botɩ ba yõkɛ Azã lʋ tarɩ ka kẽ'esɛ yʋ'a deem a kẽema Afilipi pɔga A'erodɩadɩ ĩyã.

Amatie 14:6

La A'erɔdɩ daan wa ɩta la a dɔka daarɛ kibsa, tɩ A'erodɩadɩ pɔyʋa wa nẽrba nẽŋam, tɩ A'erɔdɩ sũure ẽŋɛ yẽlʋm halɩ zozo'e,

Amatie 2:11

Tɩ ba kẽ yire la pʋam yẽ bia la, la a ma Amaari, ka dũma tẽŋa bia la nẽŋam nã'asɛ ẽ, dee lorge ba lɔgrɔ loose ban tarɩ sɛla la bɔ ẽ. Ba daan de la sãlma, la tɩdarɛ, la miiri n tarɩ yũuŋ-yẽlga.

Amatie 20:8

Tɩ wẽnnɛ kẽ, tɩ va'am na dãana yele sɛka n bɩsrɩ a tõoma la yelle yetɩ: ‹Wi tõntõnɩba la tɩ ba wa'am tɩ fʋ yɔ ba. Dẽŋɛ yɔ sɛba n sẽŋɛ poorʋm na ka paagɛ sɛba n dẽŋɛ sẽŋɛ la.›

Amatie 25:40

Tɩ naba la wʋn lerge ba yetɩ: ‹Mam yetɩ ya la sɩra, tɩ yãma n daan ẽŋɛ sɛla wuu bɔ mam nẽrba la, baa la sãn dɛna la nẽr-pɩka ayɩla tɩ ya ẽŋɛ bɔ, la de la mam tɩ ya bɔ.›

Amatie 26:11

Nasdõma boe la ya lɛ mɛ wakatɛ wuu, la mam kãn bɔna la ya wakatɛ wuu.

Amatie 27:55

La pɔgsɩ zozo'e n daan ze zãazãarɛ dee bɩsra, ba daan ze'ele la Galile doose Azezi tɩ ba sõŋra ẽ.

Aluki 24:10

Ba daan de la Amaari n ze'ele Magdala, la Azanɩ, la Azakɩ ma Amaari, la pɔgsɩ basɛba, bãma n daan tɔgɛ yel-bãna bɔ Azezi karẽnbiisi pia la ayɩla la.

Azã 12:6

Ẽn yele bɛla la, dagɩ tɩ a fablɩ la nasdõma yelle, la de la ẽn de nayiga, la ẽŋa n tarɩ ba ligri tãmpɔkɔ, zũura sɛla tɩ ba sũm a pʋam na.

Tõoma 13:1

Azezi nẽr-kʋʋŋɔ n boe Antɩyɔsɩ la pʋam, Nawẽnnɛ nõtɔ'ɔsrɩba, la karẽnsãandõma n daan boe mĩ. Ba de la Abarnabasɩ, la Asimeyõ tɩ ba wi'iri tɩ nẽr-sabga, la Alusiyusi n ze'ele Sirɛnɩ, la Amanayɛnɩ tɩ ba daan uge ẽ la naba A'erɔdɩ, la Asolɩ.

2 Korẽntɩ 8:9

Yãma mi tõma Zuudãana Azezi-krisi yel-sõnnɛ na mɛ: Baa la ẽŋa n daan de bõntarsõm dãana la, a daan ẽŋɛ a mẽŋa la nasa yãma ĩyã. Tɩ ẽn ẽŋɛ a mẽŋa nasa la, wʋn botɩ yãma lebge bõntatba Nawẽnnɛ zẽ'am.

Filipi 4:22

Nawẽnnɛ nẽrba la wuu pʋ'ʋsrɩ ya, lan gãnnɩ wuu nẽr-sɛba n boe na-keko yire la pʋ'ʋsrɩ ya.

1 Timoti 5:10

La dẽnɩ tɩ nẽrba mina tɩ a de la tõon-sõma dãana, la a uge kɔma sõŋa, la a de la nẽra n ẽŋɛ nẽrba sãanɔ, la a peege Nawẽnnɛ nẽrba nãma, la a sõŋɛ nẽr-sɛba n nãmsɛ, dee dɛna nẽra n tõm tõon-sõma buuri wuu.