Aluki 8:18 - Farefare Ninkaré

¹⁸ Mõrgɛ-ya bãŋɛ yãma n selsrɩ se'em na võorɛ. Se'ere n soe la, nẽr-sɛka n tarɩ sɛla, ba wʋn bɔ ẽ pa'asɛ, la nẽr-sɛka n ka tarɩ sɛla, bõn-sɛba fẽe tɩ a tẽ'esɛ tɩ a tara la, ba wʋn to'oge ba.»

ZE'ELEGO PAALEGA

¹⁸ Bala la, bihɛ fum mɛŋa suŋa la fum kelehe yɛla se'em. Se'ere n sɔi la, sɛba n pun tara zo'e la, bamam ti ba wan bo' pa'ahɛ, ti sɛba n pun ka tara la, sɛla ti ba ti'ihɛ ba tari la, ba wan to'e la ba zi'an.”

Aluki 8:18 ပူးပေါင်းရင်းမြစ်များ

Amatie 13:12

Sɛka n tarɩ wʋn to'oge pa'asɛ, tɩ la zo'oge. La sɛka n ka tarɩ, baa sɛla tɩ a tarɩ fẽe la, ba wʋn to'oge ẽ.

Amatie 25:29

Se'ere n soe la, nẽr-sɛka n tarɩ, a wʋn to'oge pa'asɛ tɩ la zo'oge. La sɛka n ka tarɩ, baa sɛla fẽe tɩ a tarɩ la, ba wʋn to'oge ẽ.

Amarkɩ 13:14

Ya wʋn wa yẽ sɛka n de bõn-be'ego n sã'anɩ sɛla woo la, tɩ a boe zẽ'e-sɛka n ka masɛ tɩ a bɔna la.» (Sɛka n karẽŋrɩ la mõrgɛ wõm a võorɛ.) «Ya sãn yẽ bɛla, sɛba n boe Zude zoe zom tãnsɩ zuo.

Aluki 19:26

Tɩ a lerge ba yetɩ: ‹Mam yetɩ ya tɩ sɛka woo n tarɩ, a wʋn to'oge pa'asɛ. La sɛka woo n ka tarɩ, a wʋn koŋe sɛla fẽe tɩ a tarɩ la.

Aluki 9:44

«Selse-ya yetɔg-ẽna tɩ mam yetɩ m tɔgɛ wã sõŋa: Ba wʋn yõkɛ Nẽrsaala Dayʋa la sẽŋɛ ka ẽŋɛ la nẽrsaalba nu'usum.»

Azã 15:2

Wil-sɛka n puse mam zuo dee ka wɔnna biɛ, a wãarɩ ẽ mɛ basra. La wil-sɛka woo n wɔnnɩ biɛ, a yorsrɩ ẽ mɛ tɩ a ãna sõŋa malɩn wɔnna biɛ zɔ'ɔra.

Tõoma 10:33

Bɛla ĩyã tɩ mam tõm nẽrba tɔtɔ tɩ ba wa'am wa wi fʋ tɩ fʋ wa'am. La fõn wa'am wã, fʋ ẽŋɛ sõŋa. Tɩ wuu yãŋa boe la Nawẽnnɛ nẽŋam kalam tɩ tɩ selse bõn-sɛka wuu tɩ Zuudãana Nawẽnnɛ yele fõn yetɩ, fʋ yele tõma la.»

Tõoma 17:11

La bãma tarɩ pʋtẽ'e-sõnnɛ mɛ gãnna Zifdõma sɛba n boe Tesaloniki la, sakɛ to'oge Nawẽnnɛ yetɔga la ba sũure wuu, dee daan karẽŋra Nawẽnnɛ gõŋɔ la daarɛ woo tɩ ba bɩsɛ Apolɩ n yele se'em na de la sɩra bɩɩ la dagɩ sɩra.

Aromduma 12:3

Nawẽnnɛ yel-sõnnɛ tɩ a ẽŋɛ bɔ mam na ĩyã, mam yetɩ ya wuu mɛ, tɩ ya da tẽ'esɛ tẽ'esgɔ n gãnnɩ ya mẽŋa. La tara ya tẽ'esgɔ n masɛ, tɩ la doose wʋ Nawẽnnɛ bɔ'a tɩ a bɔ ya nẽra woo, yãma n bɔ ẽ sɩra la.

1 Korẽntɩ 14:37

Sɛka n tẽ'esɛ tɩ ẽŋa de la Nawẽnnɛ nõtɔ'ɔsa, bɩɩ ẽŋa de la sɛka tɩ Nawẽnnɛ Sɩa boe la ẽ lɛ, a sakɛ tɩ sɛla tɩ mam gʋlsɛ bɔ'ɔra ya wã de la Zuudãana la nõorɛ tɩ a bɔ.

1 Korẽntɩ 3:18

Nẽra da pã'asɛ a mẽŋa. Nẽra sãn bɔna ya pʋam tẽ'esɛ tɩ ẽŋa tarɩ dũnia wã yɛm, la masɛ mɛ tɩ a lebge gɔɔŋɔ dũnia wã pʋam, bɛla n wʋn basɛ tɩ a lebge yɛm dãana.

1 Korẽntɩ 8:2

Nẽr-sɛka sãn tẽ'esɛ tɩ ẽŋa mi sɛla, a ken ka mina wʋ lan masɛ tɩ a mina se'em.

Filipi 3:4

Nẽrsaalba sisgo sãn tarɩ nɩ yõorɔ, mam mẽ tarɩ nõorɛ mɛ tɩ m dɩkɛ m mẽŋa te'ege ba. Nẽra sãn tẽ'esɛ tɩ ẽŋa tarɩ nõorɛ tɩ a te'ege nẽrsaalba sisgo, mam n tara nõorɛ gãnna.

Hiburuduma 2:1

Bɛla n soe tɩ la masɛ tɩ tõma gʋrɛ yetɔga la tɩ tɩ wõm na sõŋa sõŋa, tɩ tɩ da bʋrgɛ.