Aluki 8:13 - Farefare Ninkaré

¹³ La tãmpĩa la zuo tɩ bõnbuuri sɛba lui la, ãn wʋ nẽr-sɛba n wõm yetɔga la, dee sakɛ la sũ-yẽlga, la yetɔga la ka kẽ ba sũure pʋam sõŋa. Ba sakɛ la wakatɛ fẽe, tɩ yelle sãn paagɛ ba, tɩ ba basɛ.

ZE'ELEGO PAALEGA

¹³ Bumbuura se'ehi n lu taŋa zi'an la dela, nɛre sɛba n ni wum yelehum la, to'e bu la nyɛɛma. Gee ba ka ba' nyɛga, ba nam yelehum la la saŋa fii wa, gee makerɛ saŋa, ba ni lu mɛ.

Aluki 8:13 ပူးပေါင်းရင်းမြစ်များ

Amarkɩ 6:20

A'erɔdɩ daan zotɩ Azã mɛ, a daan mi tɩ a de la nẽr-sõŋɔ, dee dɛna pʋpeelem dãana, bɛla ĩyã tɩ a gu'ura ẽ tɩ sɛla da ẽŋɛ ẽ. A daan sãn ẽn sɛlsra Azã yetɔga, la dãanɩ ẽ mɛ zozo'e, la baa bɛla, a ẽn sɛlsra ẽ mɛ la sũ-yẽlga.

Aluki 8:12

Sore la zuo tɩ bõnbuuri sɛba lui la, ãn wʋ nẽr-sɛba n wõm yetɔga la, tɩ Asũtãana wa'am wa yese yetɔga la ba sũure pʋam, botɩ ba kãn sakɛ yẽ fãarɛ.

Aluki 8:14

La gõ'osɩ la zẽ'a tɩ bõnbuuri sɛba lui la, ãn wʋ nẽr-sɛba n wõm Nawẽnnɛ yetɔga, tɩ ba yɛm yɔɔra la ba vɔm yelle, tɩ bõntarsõm la dũnia yẽlʋm yɛmleego botɩ ba ka tãna wʋn bɩ Nawẽnnɛ sore la pʋam.

Azã 15:2

Wil-sɛka n puse mam zuo dee ka wɔnna biɛ, a wãarɩ ẽ mɛ basra. La wil-sɛka woo n wɔnnɩ biɛ, a yorsrɩ ẽ mɛ tɩ a ãna sõŋa malɩn wɔnna biɛ zɔ'ɔra.

Azã 15:6

Nẽra sãn ka bɔna la mam lɛ, ba wʋn lobe ẽ basɛ wʋ tɩa wille la, tɩ a kʋɩ. La ba vaarɩ wil-sɛba n kʋɩ la ɩta la bugum pʋam, tɩ bugum dita ba.

Azã 5:35

Azã daan ãn wʋ fɩtla n laŋɛ nẽegɛ, la yãma daan sakɛ mɛ tɩ ya ẽŋɛ sũ-yẽlga wakatɛ fẽe mã'a la a peelem na.

1 Korẽntɩ 13:2

La mam sãn tara bɔ'a tɔ'ɔsra Nawẽnnɛ yetɔga tɔgra bɔ'ɔra nẽrba, dee tãna wʋn bãŋɛ yɛla n sʋgɛ wuu võorɛ, dee tara mi'ilum wuu, la mam sãn bɔ Nawẽnnɛ sɩra tãna wʋn botɩ tãŋa vurge, dee ka tara nõŋlʋm, mam de la zãŋa.

1 Korẽntɩ 15:2

Ya sãn gʋrɛ ẽ kãŋkãŋɛ wʋ mam n mõolɛ ya se'em na, ya wʋn yẽ fãarɛ. La sãn dagna bɛla, yan bɔ sɩra la de la zãŋa.

Galatɩ 3:1

Yãma Galatɩ dõma, ãne n botɩ yãma zuto lebge tɩ ya ka tara yɛm? Mam daan pa'alɛ ya Krisi n ki dɔ-puurŋa zuo la yelle mɛ sõŋa sõŋa, tɩ la dɛna vẽelga bɔ ya.

Galatɩ 3:4

Yãma n yẽ se'em wuu la lebge la zãŋa bɩɩ? Dẽnɩ tɩ la da kãn lebge zãŋa.

Efɛɛzɩ 3:17

tɩ Krisi wʋn bɔna ya sũure pʋam, yan bɔ sɩra la ĩyã, tɩ ya wʋn ze'ele kãŋkãŋɛ tara nõŋlʋm zozo'e.

Kolɔsɩ 1:23

Bɛla, dẽnɩ tɩ ya ken bɔ sɩra zɛ kãŋkãŋɛ, da basɛ tɩ sɛla zãagɛ ya la kõ-yẽlga la tɩ ya wõm tara pʋtẽ'erɛ gu'ura sɛla la. La de la kõ-yẽlga ẽŋa tɩ ba mõolɛ bɔ nẽrsaalba wuu n boe dũnia zuo la. Mam Apolɩ de Nawẽnnɛ tõntõnna tɩ m mõolɛ la kõ-yẽl-ẽŋa.

Kolɔsɩ 2:7

zɛ kãŋkãŋɛ wʋ tɩa yẽga n kẽ tẽŋa zɛ kãŋkãŋɛ se'em na, ken bɔ-ya sɩra la ya sũure wuu wʋ ban zãsʋm ya se'em na, la ya pʋ'ʋsra Nawẽnnɛ a yel-sõnnɛ zozo'e.

1 Tesaloniki 3:5

Bɛla tɩ mam ka tãna wʋn zĩ'ire, tɩ mam tõm Atimõtɩ tɩ a wa'am wa bãŋɛ yãma n ãn se'em Azezi sore doosgo la pʋam, mam zotɩ mɛ tɩ Asũtãana wʋn pã'asɛ ya tɩ tɩ tõoma la lebge zãŋa.

1 Timoti 1:19

ken bɔ Nawẽnnɛ sɩra, dee ɩta sɛla tɩ fʋ mi fʋ sũure pʋam tɩ la ãn sõŋa. Nẽrba basɛba zagsɛ bɛla mɛ, tɩ bõn-ẽŋa basɛ tɩ ba ka le dɔla Azezi sore.

Hiburuduma 10:39

La sãn dɛna tõma, tõma dagɩ sɛba n lebrɩ poorʋm wʋn sã'am na, tõma de la sɛba n bɔ sɩra wʋn yẽ fãarɛ.

Yemesi 2:26

Nẽra sɩa sãn fõrgɛ deege ẽ, a ĩyã de la kũm. La mẽ de la bɛla, nẽra sãn bɔ sɩra tɩ la ka lagɩm na tõoma, la de la zãŋa.

2 Pita 2:20

Nẽr-sɛba n bãŋɛ Azezi-krisi n de tɩ Zuudãana, la tɩ Fãagra la, ba basɛ dũnia tõon-dẽgrɔ mɛ. Ba sãn le kẽ ba pʋam basɛ tɩ ba sɔna ba, ba poorʋm toogo la wʋn gãnna pɔspɔsɩ la.

2 Pita 2:22

La ẽŋɛ ba bɛla pa'alɛ tɩ magsa wã de la sɩra, ba yetɩ: «Baaga lebe ka di la sɛla tɩ a tĩ la», dee le yetɩ: «Kurkuri tɩ ba peege ẽ sõŋa sõŋa la, lebe ka bilim na bɛglʋm pʋam.»

1 Zã 2:19

Nẽr-bãma ze'ele la tõma zẽ'am yese, la ba daan dagɩ tõma nẽrba sɩra sɩra. Ba daan sãn de nɩ tõma nẽrba, ba wʋn weege nɩ bɔna la tõma zẽ'am. La ban basɛ tõma la, dẽnɩ tɩ la ẽŋɛ bɛla tɩ la pa'alɛ vẽelga tɩ ba nẽra baa ayɩla dagɩ tõma nẽra.

Azudi 1:12

Ba sãn lagɩm na ya dita nõŋlʋm dia, la de la yãnnɛ bɔ ya. Ba ka zotɩ yãnnɛ, ba kɔ'ɔn dita mɛ ɩta sũ-yẽlga ba mẽŋa ĩyã. Ba ãn wʋ sawara n ka tarɩ ko'om tɩ kʋsebgo pe'erɩ, ba ãn wʋ tɩɩsɩ n ka tarɩ biɛ ba wɔŋa wakatɛ, tɩ ba võ, basɛ tɩ ba võorɔ, la ba yẽga wuu kʋɩ.