Aluki 8:10 - Farefare Ninkaré

¹⁰ Tɩ a lerge ba yetɩ: «Nawẽnnɛ botɩ yãma bãŋɛ a so'olʋm yelle n sʋgɛ la mɛ, la sɛba n ka boe tõma pʋam na, mam makrɩ la magsa bɔ'ɔra ba. ‹Bɛla tɩ ba wʋn bɩsra, dee ka yẽta, ba wʋn wõnna, dee ka bãŋra ba võorɛ.›

ZE'ELEGO PAALEGA

¹⁰ Ti a yele ba yeti, “Han dɛna yamam, ba bo' yamam la bɔkerɛ ti ya mina Yinɛ sɔ'ɔlum la sugelum yɛla, gee basɛba, n tɔgeri la mageha bɔ'ɔra ba, ti ba ‘Bihera gee kan malum nyɛ, ba kɛleha gee kan malum bɔkɛ.’

Aluki 8:10 ပူးပေါင်းရင်းမြစ်များ

Amatie 11:25

Wakat-ẽŋa Azezi tɔgɛ mɛ yetɩ: «Mam Sɔ Nawẽnnɛ n de saazuum la tẽŋa wã Zuudãana, mam pẽgrɩ fɔ, se'ere n soe la, fõn sʋgɛ bõn-bãna wã mɛ tɩ yɛm dõma la bãŋrɩba ka mina, dee pa'alɛ nẽr-sɛba n ãn wʋ kɔm-pɩgsɩ la.

Amatie 16:17

Tɩ Azezi lebe yele ẽ yetɩ: «Asimõ, Azã dayʋa, fʋ tarɩ zu-yẽlga, se'ere n soe la, la dagɩ nẽrsaala n pa'alɛ fʋ wãna, la de la mam Sɔ Nawẽnnɛ n boe saazuum na.

Amarkɩ 4:11

Tɩ a yele ba yetɩ: «Nawẽnnɛ botɩ yãma bãŋɛ a so'olʋm yelle n sʋgɛ la mɛ. La sɛba n ka boe tõma pʋam na, yɛla wuu de la magsa bɔ ba.

Amarkɩ 4:12

‹Bɛla tɩ ba wʋn bɩsɛ yẽ dee kãn bãŋɛ. Ba wʋn wõm dee kãn bãŋɛ a võorɛ. Sãn dagɩ nɩ bɛla, ba wʋn leme wa'am Nawẽnnɛ zẽ'am, tɩ a basɛ ba tõon-be'ero taalɛ.› »

Azã 12:40

«Nawẽnnɛ pĩ ba nini mɛ, tɩ ba da yẽta la ba nini na, dee lige ba pʋtẽ'era, tɩ ba da wõm a yetɔga la võorɛ. Sãn dagɩ nɩ bɛla, ba wʋn teege nɩ yɛm tɩ a bɔ ba laafɛ.»

Aromduma 16:25

Pẽgɛ-ya Nawẽnnɛ, ẽŋa n tã wʋn botɩ ya ze'ele kãŋkãŋɛ, wʋ kõ-yẽlga la tɩ mam mõolɛ pa'alɛ ya Azezi-krisi yelle, botɩ ya bãŋɛ Nawẽnnɛ yelle n sʋgɛ la. Yel-ẽŋa sʋgɛ mɛ halɩ yʋʋma yʋʋma.

1 Korẽntɩ 12:11

La de la Sɩa ẽŋa ayɩla n ɩtɩ bɛla wuu. Sɩa la bɔ'ɔrɩ nẽra woo la bɔ'a to'oto'ore wʋ ẽŋa n boorɩ se'em.

Kolɔsɩ 2:2

Mam mõrgrɩ tɩ ya sũure n keŋe tɩ ya lagɩm taaba tara nõŋlʋm, dee tara yɛm zozo'e, tɩ ya bãŋɛ sɩra sõŋa sõŋa Nawẽnnɛ yelle n sʋgɛ n de Krisi la.

1 Timoti 3:16

Tɩ wuu mi tɩ Nawẽnnɛ sɩra n daan sʋgɛ tɩ a dɩkɛ pa'alɛ tɔ a doosgo pʋam na, de la bõn-kãtɛ. Bõn-kãtɛ ẽŋa de la: Krisi n daan lebge nẽrsaala. Tɩ Nawẽnnɛ Sɩa pa'alɛ tɩ a de la sɩra dãana. Tɩ malɛkadõma bɩsɛ ẽ. Tɩ ba mõolɛ a yelle buuri wuu tẽŋasʋka. Tɩ nẽrba bɔ ẽ sɩra. Tɩ Nawẽnnɛ zẽkɛ ẽ la na'am pãŋa sẽŋɛ a yire.