Aluki 7:6 - Farefare Ninkaré

⁶ Tɩ Azezi dɔla ba wɛ'ɛsa ka lɛm yire la, tɩ sʋda-kɛ'ɛma la le tõm a sɩrdõma tɩ ba yele ẽ yetɩ: «Zuudãana, da nãmsɛ fʋ mẽŋa. Mam ka narɩ tɩ fʋ wa'am mam yire,

ZE'ELEGO PAALEGA

⁶ Ti Yezu dɔla ba yɛ'a buraa la yire, gee ban ta pɔra buraa la yire la, ti pɛntiira en biheri pɛntiireba kɔbega wa tum a zɔduma ti ba tu'uhɛ Yezu sore zuo na yele en yeti, “Daana, da dagum daam fum mɛŋa yɛ'a mam yire na, gee mam ka nari fum wa'am n yire na.

Aluki 7:6 ပူးပေါင်းရင်းမြစ်များ

Amatie 20:28

Nẽrsaala Dayʋa la ka wa'am tɩ nẽrba tõm bɔ ẽ, a wa'am tɩ a tõm mɛ bɔ, dee dɩkɛ a vɔm bɔ tɩ nẽrba zozo'e yẽ fãarɛ.»

Amatie 3:11

Mam misri ya la ko'om pʋam tɩ la pa'alɛ tɩ ya teege yɛm basɛ tõon-be'ero. La sɛka n boe mam poorʋm sẽna la pãŋa gãnnɩ mam mɛ. La mam põn ka masɛ tɩ m pirge a tagra. Ẽŋa n wʋn mise ya Nawẽnnɛ Sɩa, la bugum pʋam.

Amarkɩ 5:24

Tɩ Azezi dɔla ẽ wɛ'ɛsa, tɩ nẽr-kʋʋŋɔ dɔla ẽ mikra ẽ.

Aluki 5:8

La Asimõ yʋ'ʋrɛ ayɩla n de Apɩyɛɛrɩ n yẽ bɛla la, tɩ a ka dũma tẽŋa Azezi nẽŋam yele ẽ yetɩ: «Zuudãana, fõrgɛ mam zẽ'am, se'ere n soe la, mam de la tõon-be'ero dãana.»

Aluki 7:4

Tɩ ba sẽŋɛ Azezi zẽ'am ka tĩi belem ẽ yetɩ: «Bʋraa la de la nẽr-sõŋɔ.

Aluki 7:5

A nõŋɛ tõma buuri mɛ, la ẽŋa n mẽ wẽndeego bɔ tõma. Bɛla ĩyã, mõrgɛ sõŋɛ ẽ.»

Aluki 7:7

bɛla ĩyã tɩ mam tẽ'esɛ yetɩ mam mẽŋa ka narɩ tɩ m wa'am fõn zẽ'am. Wen tɔgɛ yetɔga mã'a, tɩ m tõntõnna la wʋn yẽ ĩmã'asʋm.

Aluki 8:49

La Azezi n nãn boe mĩ tɔgra la, tɩ nẽra ze'ele Zifdõma wẽndeego nẽŋadãana la yire wa'am wa yele ẽ yetɩ: «Fʋ pɔyʋa la ki mɛ, da le nãmsɛ karẽnsãama la.»

Tõoma 10:38

Ya ken mina Azezi n yese Nazarɛtɩ la, la Nawẽnnɛ n daan bɔ ẽ a Sɩa pãŋa se'em, tɩ a daan sẽŋɛ zẽ'esɩ wuu ẽŋɛ ɩr-sõma, botɩ Asũtãana n daan nãmsrɩ sɛba la wuu yẽ ĩmã'asʋm. Se'ere n soe la, Nawẽnnɛ daan boe la ẽ mɛ.

Yemesi 4:10

Sike-ya ya mẽŋa Nawẽnnɛ nẽŋam, tɩ a wʋn zẽkɛ ya.

Yemesi 4:6

La a ɩtɩ la yel-sõnnɛ n ãn sõŋa gãnna bɔ'ɔra tɔ, wʋ lan gʋlsɛ yetɩ: «Nawẽnnɛ zagsrɩ zẽk-m-mẽŋa dõma mɛ, dee ɩta sik-m-mẽŋa dõma yel-sõnnɛ.»