Aluki 7:19 - Farefare Ninkaré

¹⁹ tõm ba Zuudãana Azezi zẽ'am, tɩ ba ka soke ẽ yetɩ: «Fõn de la sɛka tɩ Nawẽnnɛ yetɩ a wʋn wa'am na bɩɩ, tɩ gu'ura nẽra ayẽma?»

ZE'ELEGO PAALEGA

¹⁹ tum ba Daana zi'an, ti ba ta soke en yeti, “Fum n de se'em n wan wa'am na la bii, tu gura ayima ha?”

Aluki 7:19 ပူးပေါင်းရင်းမြစ်များ

Amarkɩ 6:7

daan wi a karẽnbiisi pia la ayi la, tɩ ba wa'am a zẽ'am tɩ a tõm ba bayi bayi, dee bɔ ba pãŋa tɩ ba dige kʋlkã'arsɩ.

Aluki 10:1

Bɛla poorʋm, Azezi looge la karẽnbiisi basɛba pisyopɔɩ la ayi tɩ a tõm ba bayi bayi tɩ ba dẽŋɛ nẽŋa sẽŋɛ tẽn-sɛba, la zẽ'e-sɛba wuu tɩ ẽŋa mẽŋa wʋn sẽŋɛ la.

Aluki 11:1

Azezi daan boe la zẽ'a ayɩla pʋ'ʋsra Nawẽnnɛ. La ẽn pʋ'ʋsɛ kɩ'ɩlɩm na, tɩ a karẽnbia ayɩla yele ẽ yetɩ: «Zuudãana, pa'alɛ tɔ tõma n wʋn pʋ'ʋsra Nawẽnnɛ se'em, wʋ Azã n pa'alɛ a karẽnbiisi se'em na.»

Aluki 11:39

Tɩ Zuudãana Azezi yele ẽ yetɩ: «Yãma Farisi dõma peerɩ ya wama la ya laasɩ pɔa mɛ, la yãma mẽŋa pʋam pɩrɛ la dẽgrɔ n de fãaga la pʋtʋʋlgɔ.

Aluki 12:42

Tɩ Zuudãana Azezi lerge ẽ yetɩ: «Ãne n de tõntõn-sõŋɔ n tarɩ yɛm? La de la ẽŋa tɩ a zuudãana wʋn yetɩ a bɩsra a yire yelle, bɔ'ɔra a tõntõnɩba dia wʋ lan masɛ, dee sẽŋɛ sore.

Aluki 13:15

Tɩ Zuudãana Azezi lerge ẽ yetɩ: «Pʋlibsum dõma wã! Yãma nẽra woo ka lorgrɩ a lɔlga, bɩɩ a bõŋa sẽnna yũula ko'om vo'osgo daarɛ mɛ bɩɩ?

Aluki 17:5

Tɩ Zuudãana Azezi karẽnbiisi pia la ayi la yele ẽ yetɩ: «Botɩ tɩ bɔ fɔ sɩra zo'oge.»

Aluki 17:6

Tɩ Zuudãana la yele ba yetɩ: «Ya sãn bɔ mam sɩra fẽe wʋ sɔ'ɔrɔ biire la, ya tã wʋn yele kẽnkãŋa wã tɩ a võogɛ sẽŋɛ ka sele mõgrɛ pʋam ke, la a wʋn sakɛ ya nõorɛ mɛ.»

Aluki 18:6

Tɩ Zuudãana Azezi le yetɩ: «Bɩsɛ-ya sarɩyadita la n de nẽr-be'ego la n yele se'em.

Aluki 19:8

Tɩ Azase zɛ Azezi nẽŋam, yele ẽ yetɩ: «M Zuudãana, mam wʋn dɩkɛ m bõntarsõm pʋsʋka pʋɩ bɔ nasdõma. La mam sãn pã'asɛ nẽrba to'oge ba sɛla, mam wʋn lebse bɔ ba nõor-anaasɩ.»

Aluki 22:61

Tɩ Zuudãana la gelge bɩsɛ Apɩyɛɛrɩ. Tɩ Apɩyɛɛrɩ tẽegɛ Zuudãana n yele ẽ yetɩ: «Fʋ wʋn sɩ'ɩsɛ mam nõorɛ atã mɛ zĩna, dee tɩ nõ-rɔɔgɔ kaasɛ la.»

Aluki 24:34

Tɩ ba yele ba yetɩ: «Tɩ Zuudãana la sɩrɩ vo'oge mɛ, Asimõ yẽ ẽ mɛ.»

Aluki 7:13

La Zuudãana Azezi n yẽ pɔkõorɛ la, tɩ a ninbãalga yõkɛ ẽ, tɩ a yele ẽ yetɩ: «Da kɛlla.»

Aluki 7:20

Tɩ karẽnbiisi la sẽŋɛ ka paagɛ Azezi zẽ'am yele ẽ yetɩ: «Azã sɛka n mise nẽrba ko'om pʋam na n tõm tõma yetɩ, tɩ soke fʋ bɩsɛ, fõn de sɛka tɩ Nawẽnnɛ yʋʋn yetɩ a wʋn wa'am na bɩɩ, tɩ gu'ura nẽra ayẽma?»

Azã 11:2

La de la Amaari ẽŋa n daan ka'agɛ tɩdarɛ kaam ẽŋɛ Azezi nãma, dɩkɛ a zomto duuse ba la. Ẽŋa tã n de Alazaarɩ n bẽ'erɩ la.

Azã 4:1

Azezi daan bãŋɛ mɛ tɩ Farisi dõma wõm tɩ ẽŋa yẽtɩ karẽnbiisi gãnna, dee misri ba ko'om pʋam gãnna Azã.

Azã 4:25

Tɩ pɔka la lerge ẽ yetɩ: «Mam mi tɩ Mesi la sẽm mɛ, sɛka tɩ Nawẽnnɛ looge, tɩ ba wi'ira tɩ Krisi la. Ẽŋa sãn wa'am, a wʋn pa'alɛ tɔ sɛla woo.»

Azã 6:23

Tɩ õornɔ basɛba ze'ele Tiberiadɩ wa'am wa lɛm zẽ'e-sɛka tɩ Zuudãana Azezi daan pʋ'ʋsɛ Nawẽnnɛ dia la ĩyã, dee tɩ ba di la.

Lilegere 11:3

«Mam wʋn tõm na nẽrba bayi n wʋn ze'ele mam poorʋm tɔgɛ mam yelle. Ba wʋn yɛ la bɔra futo to'ose mam yetɔga tɔgɛ bɔ nẽrba dabsa tʋsrɛ la kɔbsyi la pisyoobɩ.»