Aluki 6:13 - Farefare Ninkaré

¹³ Tɩ beere wiige, tɩ a wi a karẽnbiisi la, tɩ ba wa'am a zẽ'am. Tɩ a looge karẽnbiisi pia la ayi bãma pʋam. Bãma n de nẽr-sɛba tɩ a wʋn tõm na.

ZE'ELEGO PAALEGA

¹³ Ti beere en ta yilegɛ la, ti a yi' a zahereba la za'a na, nyaa looe ba pia la bayi' sigɛ ba yu'urɛ tuntuneba.

Aluki 6:13 ပူးပေါင်းရင်းမြစ်များ

Amatie 10:2

Karẽnbiisi pia la ayi la tɩ a looge tɩ a tõm na yʋ'ʋra n wãna: Pɔspɔsɩ dãana de la Asimõ tɩ ba wi'iri tɩ Apɩyɛɛrɩ, la a yɩbga A'ãndre, la Azebede dayɔɔsɩ Azakɩ la a yɩbga Azã,

Amatie 19:28

Tɩ Azezi yele ba yetɩ: «Mam yetɩ ya la sɩra sɩra, tɩ wakat-sɛka tɩ sɛla woo wʋn lebge paalsɩ la, Nẽrsaala Dayʋa la n wʋn zĩ'ire a na'am bĩmbĩnne zuo la, yãma sɛba n dolɩ mam na mẽ wʋn zĩ'ire na'am bĩmbĩna pia la ayi zuto, di Ɩsrayɛlɩ buuri pia la ayi la sarɩya.

Amatie 9:36

La Azezi n yẽ nẽr-kʋʋŋɔ la, ba ninbãalga n yõkɛ ẽ. Se'ere n soe la, ba targɛ mɛ bãlɛ, ãna wʋ piisi n ka tarɩ dũnsĩina.

Amarkɩ 6:30

Azezi n tõm sɛba la leme mɛ wa lagsɛ taaba a zẽ'am tɔgɛ pa'alɛ ẽ bãma n ẽŋɛ sɛla, la bãma n zãsʋm se'em wuu.

Amarkɩ 6:7

daan wi a karẽnbiisi pia la ayi la, tɩ ba wa'am a zẽ'am tɩ a tõm ba bayi bayi, dee bɔ ba pãŋa tɩ ba dige kʋlkã'arsɩ.

Aluki 11:49

Bɛla ĩyã tɩ Nawẽnnɛ n tarɩ yɛm na yʋʋn yetɩ: ‹Mam wʋn tõm nõtɔ'ɔsrɩba, la Tõntõnɩba bɔ ba, la ba wʋn kʋ basɛba, dee nãmsɛ basɛba.›

Aluki 22:30

tɩ ya wʋn wa zĩ'ire mam so'olʋm pʋam dita dee yũura la mam, dee zĩ'ire na'am bĩmbĩna zuto di Ɩsrayɛlɩ dõma buuri pia la ayi la sarɩya.»

Aluki 6:14

Ba daan de la Asimõ tɩ Azezi sɩ a yʋ'ʋrɛ tɩ Apɩyɛɛrɩ, la A'ãndre n de Apɩyɛɛrɩ yɩbga, la Azakɩ, la Azã, la Afilipi, la Abatelemi,

Azã 4:33

Tɩ a karẽnbiisi la daan sɔkra taaba yetɩ: «Nẽra n tarɩ dia wa'am wa bɔ ẽ bɩɩ?»

Tõoma 1:13

La ban paagɛ Zerizalɛm tẽŋam na, ba zom na saazuum deego tɩ ba ẽn bɔna mĩ na pʋam. La sɛba n daan boe mĩ na de la Apɩyɛɛrɩ, la Azã, la Azakɩ, la A'ãndre, la Afilipi, la Atoma, la Abatelemi, la Amatie, la Azakɩ n de Alfe bia, la Asimõ sɛka n daan de Zelɔtɩ nẽra, la Azakɩ bia Azudaasɩ.

Efɛɛzɩ 2:20

Yãma po bɔna la Nawẽnnɛ nẽr-kʋʋŋɔ la n ãn wʋ deego la mẽeŋa pʋam. Azezi Tõntõnɩba, la Nawẽnnɛ nõtɔ'ɔsrɩba n de deego la ẽbrɛ. Tɩ Azezi-krisi mẽŋa dɛna kugre n botɩ deego la tara pãŋa.

Efɛɛzɩ 4:11

La de la ẽŋa n bɔ tɩ bɔ'a, botɩ sɛba dɛna a Tõntõnɩba, tɩ basɛba dɛna a nõtɔ'ɔsrɩba, tɩ basɛba mõola a kõ-yẽlga la bɔ'ɔra nẽrba, tɩ basɛba sɔna Nawẽnnɛ nẽrba bɩsra, bɩɩ dɛna karẽnsãandõma.

Hiburuduma 3:1

Bɛla m sɔbiisi, yãma tɩ Nawẽnnɛ wi tɩ ya welge to'ore dɛna a nẽrba la, bɩsra-ya Azezi, ẽŋa n de sɛka tɩ Nawẽnnɛ tõm, la ẽŋa n de tõma kãabgɔ kẽma nẽŋadãana Nawẽnnɛ sore doosgo la pʋam.

2 Pita 3:2

Mam boorɩ tɩ ya tẽra la yetɔg-sɛba tɩ Nawẽnnɛ nõtɔ'ɔsrɩba dẽŋɛ tɔgɛ halɩ yʋʋma yʋʋma, la tɩ Zuudãana Azezi n de tɩ Fãagra la nõorɛ tɩ Tõntõnɩba la tɩ a tõm ya zẽ'am na tɔgɛ bɔ ya la.

Lilegere 12:1

Bõn-bãn-kãtɛ n puke saazuum. Pɔka n dɩkɛ wẽntulle pile wʋ fuugo la, tɩ wõrga bɔna a nãma tẽŋa, dee tɩ a vuge mũŋa n tarɩ wõrbiɛ pia la ayi.

Lilegere 18:20

«Sɛba n boe Nawẽnnɛ yire, ẽŋɛ-ya sũ-yẽlga sɛla n paagɛ ẽ na ĩyã. Yãma n welge to'ore dɛna Nawẽnnɛ nẽrba, a Tõntõnɩba, la a nõtɔ'ɔsrɩba, ẽŋɛ-ya sũ-yẽlga. Se'ere n soe la, Nawẽnnɛ di tẽŋa la sarɩya sã'am ẽ mɛ, be'em sɛka tɩ a ẽŋɛ ya la ĩyã.»

Lilegere 21:14

Tẽŋa la lalga ẽebɛ la kuga pia la ayi zuto. Tɩ Azezi n de Pebila la Tõntõnɩba pia la ayi la yʋ'ʋra gʋlsɛ kug-bãma zuto.