Aluki 5:21 - Farefare Ninkaré

²¹ Tɩ Nawẽnnɛ lɔɔ karẽnsãandõma, la Farisi dõma la tẽ'esra yetɩ: «A tẽ'esɛ tɩ ẽŋa de la ãne tɔgra pɔ'ɔra Nawẽnnɛ. Ãne n tã wʋn basɛ nẽra tõon-be'ero taalɛ, sãn dagna Nawẽnnɛ mã'a?»

ZE'ELEGO PAALEGA

²¹ Ti gɔnmineba la, la Farasiiduma la pɔhɛ sɔkera yeti, “Ani n de ena tɔgera tuura bala? Ani n wan ta'am bahɛ nɛra be'em han dagena Yinɛ ma'a?”

Aluki 5:21 ပူးပေါင်းရင်းမြစ်များ

Amatie 26:65

Tɩ kãabgɔ kẽma nẽŋadãana la ãasʋm a mẽŋa futo, dee yetɩ: «A tʋʋrɩ la Nawẽnnɛ. Tɩ ka le ɛɛra tɩ nẽra le bɔ kaseto. Ya wõm ẽn tʋʋrɩ Nawẽnnɛ se'em.

Amatie 9:3

Tɩ lɔɔ karẽnsãandõma basɛba tẽ'esra ba sũure pʋam yetɩ: «Bʋra-ẽna pɔ'ɔrɩ la Nawẽnnɛ.»

Aluki 3:8

Tõm-ya tõon-sɛba n pa'alɩ tɩ ya teege yɛm basɛ tõon-be'ero. Da kãn tẽ'esɛ-ya tɩ Abraham n de yãma yaaba la, ya wʋn põsɛ Nawẽnnɛ sɩbgrɛ mɛ. Mam yetɩ yãma mɛ tɩ, Nawẽnnɛ tã wʋn dɩkɛ kuga wã botɩ ba lebge Abraham yɩɩsɩ.

Aluki 5:17

La daarɛ ayɩla tɩ Azezi bɔna mĩ pa'ala nẽrba Nawẽnnɛ yetɔga, tɩ Farisi dõma, la Nawẽnnɛ lɔɔ karẽnsãandõma n ze'ele Galile, la Zude, la Zerizalɛm mẽ zẽa mĩ sɛlsra. Tɩ Zuudãana Nawẽnnɛ pãŋa daan bɔna la Azezi, tɩ a botɩ bã'adõma yẽ ĩmã'asʋm.

Aluki 5:22

Tɩ Azezi bãŋɛ ban tẽ'esrɩ se'em na, soke ba yetɩ: «Bẽm tɩ ya tẽ'esra wãna wã?

Aluki 7:49

Tɩ sɛba n daan diti la ẽ na tɔgra la taaba sɔkra yetɩ: «A tẽ'esɛ tɩ ẽŋa de la ãne basɛ nẽrba tõon-be'ero taalɛ?»

Azã 10:33

Tɩ Zifdõma la lerge ẽ yetɩ: «La dagɩ tõon-sõma yelle tɩ tõma bɔɔra tɩ tɩ lobe fʋ la kuga kʋ, la de la Nawẽnnɛ yʋ'ʋr-sã'aŋɔ la ĩyã, fõn de nẽrsaala dee ẽŋɛ fʋ mẽŋa tɩ fõn de la Nawẽnnɛ na ĩyã.»

Aromduma 8:33

Ãne n wʋn tã'agɛ dõrɛ nẽr-sɛba tɩ Nawẽnnɛ looge la? La de la Nawẽnnɛ mẽŋa n botɩ ba masɛ.