Aluki 4:18 - Farefare Ninkaré

¹⁸ «Zuudãana Nawẽnnɛ Sɩa n boe la mam, ẽŋa n looge mam bɔ mam pãŋa, tɩ m bʋglɛ sũ-sã'aŋɔ dõma sũure, tɩ m mõolɛ kõ-yẽlga la bɔ nasdõma, dee tõm mam tɩ m tɔgɛ bɔ yamsɩ tɩ ba wʋn yẽ yolsgo, dee tɔgɛ bɔ fɔɔsɩ tɩ ba nini wʋn pike, dee yese sɛba n boe nãmsgɔ pʋam la basɛ,

ZE'ELEGO PAALEGA

¹⁸ “Daana Sia la en boi la mam, Se'ere en sɔi la, a sɔ mam mɛ ti n tari faarɛ yelehum wa na bo' naheduma. A tum mam na ti n wa'am na muulɛ fai yɛla bo' sɛba en boi bobere puan, gee bihɛ ti fɔɔhi nini pigehɛ gee bahɛ ti sɛba n boi mugehego puan kiŋɛ fai.

Aluki 4:18 ပူးပေါင်းရင်းမြစ်များ

Amatie 11:5

Fɔɔsɩ nini yẽtɩ mɛ, tɩ kɔɔrnɔ sẽnna, tɩ kõnkɔma yẽta ĩmã'asʋm le ãna sõŋa, tɩ wansɩ wõnna, tɩ kũm vɔ'ɔra, tɩ nasdõma wõnna Nawẽnnɛ kõ-yẽlga.

Amatie 12:18

A yʋʋn yetɩ: «Mam tõntõnna tɩ mam looge n wãna: Nẽr-sɛka tɩ mam nõŋɛ, a paagɛ la mam yɛm. Mam wʋn basɛ tɩ m Sɩa pãŋa bɔna la ẽ, tɩ a mõolɛ sɩra, la sɛla n masɛ mam yɛm bɔ buuri wuu.

Amatie 12:20

A kãn kɔ'ɔgɛ mõ-sɛka n kɔ'ɔgɛ la ba'asɛ. La a kãn kĩŋe fɩtla gõngõŋɔ la n diti fẽfẽ la ba'asɛ, halɩ tɩ la ka paagɛ wakat-sɛka tɩ a wʋn botɩ sɩra, la sɛla n masɛ to'oge zẽ'a wuu.

Amatie 4:16

nẽr-sɛba n boe lika pʋam na yẽ peelem zozo'e. La nẽr-sɛba n zĩ kũm mã'asʋm pʋam na, peelem nẽegɛ mɛ bɔ ba.»

Amatie 5:3

«Nẽr-sɛba n mi tɩ ba ka masɛ Nawẽnnɛ nẽŋam tarɩ zu-yẽlga, se'ere n soe la, Nawẽnnɛ so'olʋm de la ba bõnɔ.

Aluki 4:17

Tɩ ba dɩkɛ gõn-sɛka tɩ Nawẽnnɛ nõtɔ'ɔsa A'ezayi yʋʋn gʋlsɛ la bɔ ẽ. Tɩ a lakɛ gõŋɔ la yẽ zẽ'e-sɛka tɩ a boorɩ la, yãŋa karẽŋɛ wʋ zẽ'a la n yele se'em na:

Aluki 6:20

Tɩ Azezi gorge bɩsɛ a karẽnbiisi la yetɩ: «Yãma sɛba n de nasdõma la tarɩ zu-yẽlga, se'ere n soe la, Nawẽnnɛ so'olʋm de la ya bõnɔ.

Aluki 7:22

Tɩ Azezi lerge sɛba tɩ Azã tõm na yetɩ: «Sẽŋɛ-ya ka yele Azã yãma n yẽ bõn-sɛba, dee wõm se'em na wuu: Fɔɔsɩ nini yẽtɩ mɛ, tɩ kɔɔrnɔ sẽnna, tɩ kõnkɔma yẽ ĩmã'asʋm le ãna sõŋa, tɩ wansɩ wõnna, tɩ kũm vɔ'ɔra, tɩ nasdõma wõnna Nawẽnnɛ kõ-yẽlga.

Azã 1:41

Tɩ A'ãndre dẽŋɛ sẽŋɛ ka yẽ a kẽema Asimõ-pɩyɛɛrɩ, yele ẽ yetɩ: «Tõma yẽ Mesi la. La boorɩ tɩ la yetɩ Krisi.» (A võorɛ de la sɛka tɩ Nawẽnnɛ looge.)

Azã 12:46

Mam de la peelem n wa'am dũnia zuo, tɩ nẽr-sɛka n bɔ'ɔrɩ mam sɩra kãn bɔna lika pʋam.

Azã 3:34

Se'ere n soe la, sɛka tɩ Nawẽnnɛ tõm na tɔgrɩ la Nawẽnnɛ yetɔga, Nawẽnnɛ n bɔ ẽ a Sɩa pãŋa zozo'e la ĩyã.

Tõoma 10:38

Ya ken mina Azezi n yese Nazarɛtɩ la, la Nawẽnnɛ n daan bɔ ẽ a Sɩa pãŋa se'em, tɩ a daan sẽŋɛ zẽ'esɩ wuu ẽŋɛ ɩr-sõma, botɩ Asũtãana n daan nãmsrɩ sɛba la wuu yẽ ĩmã'asʋm. Se'ere n soe la, Nawẽnnɛ daan boe la ẽ mɛ.

Tõoma 4:26

Tɩ dũnia na'adõma mãasʋm zɛ, tɩ tẽŋa la nẽŋadõma lagsɛ taaba tɩ ba zɛbɛ la Zuudãana Nawẽnnɛ, la Krisi tɩ a looge la?›

Tõoma 4:27

La de la sɩra tɩ A'erɔdɩ, la Apõnsɩ-pilatɩ, la bu-zãŋsɩ, la Ɩsrayɛlɩ nẽrba lagsɛ taaba tẽn-ẽna wã pʋam zɛbɛ la fʋ tõntõn-sõŋɔ Azezi tɩ fʋ looge la.

Kolɔsɩ 1:13

Nawẽnnɛ fãagɛ tɩ mɛ lika pãŋa pʋam, tarɩ tɩ sẽŋɛ a Bi-nõŋrɛ so'olʋm pʋam.

Yemesi 2:5

M sɔbi-nõŋrɩsɩ, selse-ya. Nawẽnnɛ looge la nẽr-sɛba tɩ dũnia dõma bɩsrɩ tɩ ba de la nasdõma la, botɩ ba bɔ ẽ sɩra dɛna bõntatba, tɩ ba wʋn wa bɔna a so'olʋm tɩ a bĩŋe nõorɛ tɩ a bɔ sɛba n nõŋɛ ẽ na pʋam.

1 Pita 2:9

La sãn dɛna yãma, yãma de la buuri tɩ Nawẽnnɛ looge, ya de la ẽŋa n de naba la kãabgɔ kẽma, dee ken dɛna a nẽrba n welge to'ore tara pʋpeelem. A wi ya la lika pʋam, tarɩ yese a peelem n ãn sõŋa zozo'e pʋam, tɩ ya botɩ nẽrba bãŋɛ a tõon-kãra la.