Aluki 3:7 - Farefare Ninkaré

⁷ La nẽrba zozo'e n sẽŋɛ ka lagsɛ Azã zẽ'am tɩ a mise ba ko'om pʋam. Tɩ a yele ba yetɩ: «Yãma ãn wʋ kãmpẽesɩ buuri, ãne n yele yãma yetɩ, ya tã wʋn zoe põsɛ Nawẽnnɛ sɩbgrɛ n sẽm na?

ZE'ELEGO PAALEGA

⁷ Yɔn yele nɛrekuuŋɔ la en yehe na ti a bo' ba ko'om sua la yeti, “Kampɛbibehi wa, ani en kagɛ ya ti ya zɔ yehe Yinɛ sunsunyiim tuulɛ la en ye' na la puan?

Aluki 3:7 ပူးပေါင်းရင်းမြစ်များ

Amatie 12:34

Yãma ãn wʋ kãmpẽesɩ buuri, yãma n de nẽr-bɛ'ɛsɩ wãna wã, ya wʋn ẽŋɛ la wãne tɔgɛ tɔg-sõma? Se'ere n soe la, sɛla n zo'oge sũure pʋam na tɩ nõorɛ tɔgrɩ.

Amatie 23:33

Bõnsɛ'ɛdõma wã! Kãmpẽesɩ buuri! Yãma wʋn ẽŋɛ la wãne põsɛ sarɩyadia tɩ ba kãn kẽ'esɛ ya bug-tẽŋa?

Amatie 3:6

tɔgra ba tõon-be'ero pa'ala ẽ, tɩ a misra ba Zʋrdẽ ko'om na pʋam.

Azã 8:44

Ya sɔ de la Asũtãana, la ya boorɩ tɩ ya ẽŋɛ la ya sɔ la n boorɩ se'em na. A de la nẽr-kʋʋra halɩ pĩ'iluŋo. A ka boe sɩra pʋam, sɩra n ka boe a pʋam na ĩyã. A sãn parna, ẽn ãn se'em n bɛla, se'ere n soe la, a de la põmpɔrma, la põmpɔrŋɔ wuu sɔ.

Tõoma 13:10

yele ẽ yetɩ: «Fʋ tarɩ la yɛmkẽgsɩga la pã'asgɔ, fʋ de la Asũtãana bia, fʋ de la tõon-sõma wuu bɛ. Fõn dɩkrɩ Zuudãana Nawẽnnɛ sɩra la mɛ tɩ a lɛbgra põmpɔrŋɔ.

1 Tesaloniki 1:10

dee gu'ura a Dayʋa Azezi n wʋn ze'ele Nawẽnnɛ yire wa'am. La de la ẽŋa n daan ki, tɩ Nawẽnnɛ botɩ a vo'oge, ẽŋa n yetɩ a fãagɛ tɔ Nawẽnnɛ sũ-isgre n sẽm na pʋam.

Hiburuduma 6:18

Nawẽnnɛ n ka parnɩ na, n ẽŋɛ bõn-bãma bayi n ka viiri. Bɛla n bɔ'ɔrɩ tõma bʋraanɛ zozo'e, tõma sɛba n basɛ sɛla woo, dee tara pʋtẽ'erɛ gu'ura sɛla tɩ a yetɩ a ẽŋɛ bɔ tɔ la.

1 Zã 3:8

Sɛka n tõnnɩ tõon-be'ero de la Asũtãana nẽra, se'ere n soe la, Asũtãana tõnnɩ tõon-be'ero la halɩ pĩ'iluŋo. Tɩ Nawẽnnɛ Dayʋa la wa'am tɩ a sã'am Asũtãana tõoma.