Aluki 22:70 - Farefare Ninkaré

⁷⁰ Tɩ ba wuu soke ẽ yetɩ: «Bɛla fõn sɩrɩ de la Nawẽnnɛ Dayʋa?» Tɩ a lerge ba yetɩ: «Yãma n yele se'em na, mam de la bɛla.»

ZE'ELEGO PAALEGA

⁷⁰ Ti ba za'a soke yeti, “Fum nyɛ dela Yinɛ dayua?” Ti a yele ba yeti “Ya yele la bala wa.”

Aluki 22:70 ပူးပေါင်းရင်းမြစ်များ

Amatie 26:25

Tɩ Azudaasɩ n de nẽr-sɛka n daan wʋn pa'alɛ tɩ ba yõkɛ Azezi la soke ẽ yetɩ: «Karẽnsãama, la de la mam bɩɩ?» Tɩ Azezi yele ẽ yetɩ: «Fõn yele la bɛla.»

Amatie 26:64

Tɩ Azezi lerge ẽ yetɩ: «La de la fõn yele se'em na. La mam yetɩ ya tɩ ya wʋn yẽ Nẽrsaala Dayʋa la, tɩ a zĩ Nawẽnnɛ n de pãŋa dãana la zʋʋgɔ bɔba, ya wʋn yẽ tɩ a boe sawara pʋam sẽna.»

Amatie 27:11

Ban daan tarɩ Azezi sẽŋɛ gɔmna la zẽ'am na, tɩ a soke ẽ yetɩ: «Fõn de la Zifdõma naba?» Tɩ Azezi lerge ẽ yetɩ: «La de la fõn yele se'em na.»

Amatie 27:43

A te'ege Nawẽnnɛ mɛ yetɩ ẽŋa de la Nawẽnnɛ Dayʋa, Nawẽnnɛ sãn nõŋɛ ẽ, a fãagɛ ẽ lɛɛlɛ wã.»

Amatie 27:54

La Rom sʋdaasɩ kɛ'ɛma, la sʋdaasɩ la n ze gu'ura Azezi la n yẽ tẽŋa la n mĩim, la bõn-sɛba n ẽŋɛ la, dabeem n yõkɛ ba zozo'e, tɩ ba yetɩ: «A sɩrɩ de la Nawẽnnɛ Dayʋa.»

Amatie 3:17

Tɩ kõa ze'ele Nawẽnnɛ yire yetɩ: «Ẽna de la mam Dayʋa tɩ mam nõŋɛ la m sũure wuu, a paagɛ la mam yɛm.»

Amatie 4:3

Tɩ Asũtãana lɛm ẽ, yetɩ: «Fʋ sãn sɩrɩ dɛna la Nawẽnnɛ Dayʋa, fʋ botɩ kuga wã lebge dia.»

Amarkɩ 14:62

Tɩ Azezi lerge yetɩ: «Ẽe, mam de la ẽŋa. La ya wʋn yẽ Nẽrsaala Dayʋa la tɩ a zĩ Nawẽnnɛ n de pãŋa dãana la zʋʋgɔ bɔba, ya wʋn yẽ tɩ a boe sawara pʋam sẽna.»

Amarkɩ 15:2

Tɩ Apilatɩ soke Azezi yetɩ: «Fõn de la Zifdõma naba?» Tɩ a lerge yetɩ: «La de la fõn yele se'em na.»

Aluki 22:71

Tɩ ba yetɩ: «Tɩ le ɛɛra la bẽm kaset-dõma? Tõma mẽŋa wõm a nõorɛ yetɔga mɛ.»

Aluki 23:3

Tɩ Apilatɩ soke ẽ yetɩ: «Fõn de la Zifdõma naba?» Tɩ Azezi lerge ẽ yetɩ: «La de la fõn yele se'em na.»

Aluki 4:41

La kʋlkã'arsɩ daan yesrɩ mɛ dee basra nẽrba zozo'e, dee kaasra yetɩ: «Fõn de la Nawẽnnɛ Dayʋa.» Tɩ Azezi tãsɛ ba, ka basɛ tɩ ba tɔgɛ sɛla sɛla, se'ere n soe la, ba daan bãŋɛ tɩ a de la Krisi n de Fãagra la.

Azã 1:34

La mam yẽ ẽ mɛ, bɔ kaseto yetɩ, ẽŋa n de Nawẽnnɛ Dayʋa la.»

Azã 1:49

Tɩ Anatanayɛlɩ lerge ẽ yetɩ: «Karẽnsãama, fõn de la Nawẽnnɛ Dayʋa, la Ɩsrayɛlɩ dõma naba.»

Azã 10:30

Mam, la mam Sɔ la de la ayɩla.»

Azã 10:36

La mam tɩ Nawẽnnɛ looge tõm dũnia zuo wã, yãma yele mam tɩ m sã'anɩ la Nawẽnnɛ yʋ'ʋrɛ, mam n yele tɩ mam de la Nawẽnnɛ Dayʋa la ĩyã?

Azã 18:37

Tɩ Apilatɩ soke ẽ yetɩ: «Bɛla fõn de la naba?» Tɩ Azezi lerge yetɩ: «La de la fõn yele se'em na, mam de la naba. Mam dɔgɛ wa'am dũnia wã tɩ m tɔgɛ la sɩra kaseto. La sɛka woo n dolɩ sɩra selsrɩ la mam kõa.»

Azã 19:7

Tɩ Zifdõma la yele ẽ yetɩ: «Tõma tarɩ lɔɔ, la lɔɔ la pʋam la masɛ mɛ tɩ a ki, se'ere n soe la, a ẽŋɛ a mẽŋa tɩ ẽŋa de la Nawẽnnɛ Dayʋa.»