Aluki 2:26 - Farefare Ninkaré

²⁶ La Nawẽnnɛ Sɩa la daan põn yele ẽ tɩ a kãn ki, sãn dagna tɩ a yẽ la Krisi tɩ Zuudãana Nawẽnnɛ wʋn tõm tɩ a wa'am na.

ZE'ELEGO PAALEGA

²⁶ Fa'a Sia la tabelɛ lilege pa'alɛ en mɛ yeti, “A kan ki, gura ti a nini ta nyɛ Daana la en de Kiresta la.

Aluki 2:26 ပူးပေါင်းရင်းမြစ်များ

Amatie 2:12

Tɩ Nawẽnnɛ daan kã'an ba zãasŋɔ pʋam yetɩ, ba da le doose naba A'erɔdɩ zẽ'am, bɛla tɩ ba daan doose sore ayẽma lebe kule ba tẽŋa.

Aluki 2:29

«Zuudãana, lɛɛlɛ wã, fõn bĩŋe nõorɛ se'em na ẽŋɛ mɛ. Fʋ yãŋa tã basɛ mam n de fõn tõntõnna sore tɩ m basɛ dũnia dee wa'am fõn yire la sũ-mã'asʋm.

Aluki 9:27

Mam yetɩ ya la sɩra sɩra, tɩ yãma nẽr-sɛba n boe kalam wã basɛba kãn ki, sãn dagna tɩ ba wa yẽ la Nawẽnnɛ so'olʋm.»

Azã 1:41

Tɩ A'ãndre dẽŋɛ sẽŋɛ ka yẽ a kẽema Asimõ-pɩyɛɛrɩ, yele ẽ yetɩ: «Tõma yẽ Mesi la. La boorɩ tɩ la yetɩ Krisi.» (A võorɛ de la sɛka tɩ Nawẽnnɛ looge.)

Azã 20:31

La bõn-bãna wã gʋlsɛ tɩ ya bɔ la sɩra tɩ Azezi n de Krisi, Nawẽnnɛ Dayʋa la, tɩ ya sãn bɔ ẽ sɩra, ya wʋn yẽ yõvore a yʋ'ʋrɛ ĩyã.

Azã 4:29

«Wa'am-ya wa bɩsɛ bʋraa n yele mam sɛla wuu tɩ mam ẽŋɛ. A nõo kãn dɛna la Krisi la?»

Azã 8:51

Mam yetɩ ya la sɩra sɩra, tɩ nẽra sãn sakɛ mam yetɔga, a kãn malɩn ki.»

Tõoma 10:38

Ya ken mina Azezi n yese Nazarɛtɩ la, la Nawẽnnɛ n daan bɔ ẽ a Sɩa pãŋa se'em, tɩ a daan sẽŋɛ zẽ'esɩ wuu ẽŋɛ ɩr-sõma, botɩ Asũtãana n daan nãmsrɩ sɛba la wuu yẽ ĩmã'asʋm. Se'ere n soe la, Nawẽnnɛ daan boe la ẽ mɛ.

Tõoma 17:3

A tɔgɛ pa'ala ba yetɩ, la masɛ mɛ tɩ Krisi nãmsɛ ki dee vo'oge. Dee yetɩ: «Azezi tɩ mam mõolɩ a yelle bɔ'ɔra ya wã de la Krisi la.»

Tõoma 2:36

«Bɛla, Ɩsrayɛlɩ buuri wuu masɛ mɛ tɩ ba bãŋɛ sɩra sɩra tɩ Azezi tɩ ya daan ka lablɛ dɔ-puurŋa zuo kʋ la, Nawẽnnɛ pa'alɛ ya tɩ ẽŋa n de Krisi, dee dɛna tɩ Zuudãana.»

Tõoma 9:20

darɛ kẽ Zifdõma wẽndetʋm mõola Nawẽnnɛ yetɔga yetɩ, Azezi de la Nawẽnnɛ Dayʋa.

Hiburuduma 11:5

La de la A'enõkɩ n bɔ sɩra la ĩyã, tɩ Nawẽnnɛ yʋʋn zẽkɛ ẽ sẽŋɛ a yire, tɩ a ka ki, tɩ ba yʋʋn ka le yẽ ẽ, Nawẽnnɛ n zẽkɛ ẽ na ĩyã. Lan dẽŋɛ a zẽkrɛ la, la gʋlsɛ a yelle yetɩ, a paagɛ Nawẽnnɛ yɛm mɛ.