Aluki 19:12 - Farefare Ninkaré

¹² Bɛla tɩ a makɛ bɔ ba yetɩ: «Nabia n yʋʋn yetɩ a sẽŋɛ tẽŋa n zãagɛ ka di na'am leme wa'am.

ZE'ELEGO PAALEGA

¹² Ti a yele yeti, “Zuodaana ayima en wa kiŋɛ tiŋa en zaaɛ ti a ta to'e sɔ'ɔlum buyima muŋa bo' a mɛŋa lebena.

Aluki 19:12 ပူးပေါင်းရင်းမြစ်များ

Amatie 21:38

La sɛba n bɩsrɩ va'am na n yẽ ẽ na, ba yele taaba yetɩ: ‹Ẽna n wʋn wa sɔɔgɛ sɔna a sɔ bõntarsõm na. Basɛ-ya tɩ tɩ kʋ ẽ, dee tɩ bõntarsõm na lebge tõma bõnɔ.›

Amatie 28:18

Tɩ Azezi lɛm ba, yele ba yetɩ: «Nawẽnnɛ bɔ mam pãŋa wuu n boe saazuum, la tẽŋa wã zuo mɛ.

Amarkɩ 12:1

Bɛla poorʋm, Azezi daan magsrɩ la magsa tɔgra bɔ'ɔra ba yetɩ: «Bʋraa ayɩla n daan kɔ a va'am sele tɩɩsɩ yʋ'ʋrɛ n de viinye, mẽ lalga kaagɛ ẽ, dee tũ boko tɩ ba wẽkra viinye la biɛ, dee mẽ de-woko tɩ ba zɔnna bɩsra a va'am na, yãŋa dɩkɛ va'am na bɔ nẽrba tɩ ba bɩsra, dee sẽŋɛ sore.

Amarkɩ 16:19

Zuudãana Azezi n daan tɔgɛ la ba kɩ'ɩlɩm na, a zẽkɛ mɛ zom Nawẽnnɛ yire, ka zĩ'ire Nawẽnnɛ zʋʋgɔ.

Aluki 20:9

Tɩ Azezi makɛ makrɛ ẽna bɔ nẽrba la yetɩ: «Bʋraaga n daan kɔ a va'am sele tɩɩsɩ yʋ'ʋrɛ n de viinye, dɩkɛ va'am na bɔ nẽrba tɩ ba bɩsra, dee sẽŋɛ tẽŋa n zãagɛ ka yuuge.

Aluki 24:51

Ẽŋa n boe mĩ kã'ara kã'a-sõma bɔ'ɔra ba la, a basɛ ba mɛ dee zom Nawẽnnɛ yire.

Azã 18:37

Tɩ Apilatɩ soke ẽ yetɩ: «Bɛla fõn de la naba?» Tɩ Azezi lerge yetɩ: «La de la fõn yele se'em na, mam de la naba. Mam dɔgɛ wa'am dũnia wã tɩ m tɔgɛ la sɩra kaseto. La sɛka woo n dolɩ sɩra selsrɩ la mam kõa.»

Tõoma 17:31

Se'ere n soe la, a looge la daarɛ tɩ a di dũnia nẽrba sarɩya, a dẽŋɛ looge la nẽra, ẽŋa n wʋn di nẽrba la wuu sarɩya la sɩra. A vo'oge nẽr-ẽŋa pa'alɛ tɩ la de la sɩra.»

1 Korẽntɩ 15:25

Bɛla, dẽnɩ tɩ Krisi di na'am halɩ ka paagɛ wakat-sɛka tɩ Nawẽnnɛ wʋn botɩ a bɛ'ɛba wuu bɔna a nãma tẽŋa.

Hiburuduma 9:28

Bɛla mẽ, Krisi dɩkɛ a mẽŋa bɔ la nõorɛ ayɩla yese nẽrba zozo'e tõon-be'ero basɛ. A wʋn le leme wa'am mɛ nõorɛ bʋyi pʋam, la, la kãn dɛna tõon-be'ero yɛsga ĩyã, la de la nẽr-sɛba n gu'uri ẽ tɩ ba yẽ fãarɛ la ĩyã.

1 Pita 3:22

Ẽŋa n zẽkɛ sẽŋɛ Nawẽnnɛ yire ka zĩ'ire Nawẽnnɛ zʋʋgɔ bɔba, tɩ malɛkadõma, la kɛ'ɛndõma, la pãnsɩ dõma wuu sakra ẽ.

Lilegere 1:7

Bɩsɛ-ya, a boe la sawara pʋam sẽna. Nẽrsaalba wuu wʋn yẽ ẽ, baa la nẽr-sɛba n daan lʋ ẽ na. Buuri wuu nẽrba n boe dũnia wʋn kɛlla mɛ fabla a yelle. Ẽe, la de la bɛla. Amina.