Aluki 18:7 - Farefare Ninkaré

⁷ La sãn dɛna bɛla, Nawẽnnɛ kãn sõŋɛ nẽr-sɛba tɩ a looge la n sosrɩ ẽ wʋntɛɛŋa la yʋ'ʋŋɔ la, bɔ ba bʋʋrɔ gãnna bɛla? A wʋn yuuge mɛ dee sõŋɛ ba bɩɩ?

ZE'ELEGO PAALEGA

⁷ Gee Yinɛ en tugum kan bo' sɛba ti a mɛŋa looe la en kaahi bɔ'ɔra en bulika la yu'uŋɔ la? A wan yuue mɛ gee suŋɛ ba yoi?

Aluki 18:7 ပူးပေါင်းရင်းမြစ်များ

Amatie 24:22

Nawẽnnɛ sãn ka bo'oge nɩ dabs-bãma sõorɛ, nẽra nẽra ka boe n wʋn põsɛ. La nẽr-sɛba tɩ a looge la ĩyã tɩ a bo'oge dabs-bãma sõorɛ.

Amatie 24:24

Nẽrba wʋn wa'am wa parɩm tɩ bãma n de Krisi, la nẽrba wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõnna tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge.

Amatie 7:11

Yãma nẽrsaalba n de tõon-be'ero dõma la sãn mina tɩ ya bɔ ya kɔma bõn-sõma, ya Sɔ Nawẽnnɛ n boe saazuum kãn bɔ yãma sɛba n sosrɩ ẽ na bõn-sõma n gãnnɩ bɛla?

Aluki 11:13

Yãma n de tõon-be'ero dõma la sãn mina tɩ ya bɔ ya kɔma bõn-sõma, Nawẽnnɛ n de ya Sɔ n boe saazuum n ãn sõŋa la wʋn bɔ nẽr-sɛba n sosrɩ ẽ a Sɩa la gãnna.»

Aluki 2:37

La a sɩra la n ki la, a yãŋa de la pɔkõorɛ kʋrgɛ halɩ ka paagɛ yʋʋma pinii la anaasɩ. A daan boe la Wẽnde-kãtʋm na wakatɛ wuu, tõnna bɔ'ɔra Nawẽnnɛ wʋntɛɛŋa la yʋ'ʋŋɔ wuu ka basra, dee lʋta nõorɛ sɔsra Nawẽnnɛ.

Aluki 21:28

La ya sãn yẽ tɩ bõn-bãna pɔsɛ ɩta, gorge-ya bɩsɛ saazuum, tɩ ya fãarɛ lɛm mɛ.»

Aromduma 8:33

Ãne n wʋn tã'agɛ dõrɛ nẽr-sɛba tɩ Nawẽnnɛ looge la? La de la Nawẽnnɛ mẽŋa n botɩ ba masɛ.

Kolɔsɩ 3:12

Yãma de la nẽr-sɛba tɩ Nawẽnnɛ looge, a nõŋɛ ya mɛ, welge ya to'ore tɩ ya dɛna a nẽrba. Bɛla, zɔta-ya taaba ninbãalga, ɩta taaba sõŋa, sikra ya mẽŋa, dee tara sũ-bʋgsʋm, la sũ-mã'arɛ.

1 Tesaloniki 3:10

Tõma sosrɩ Nawẽnnɛ mɛ la tɩ sũure wuu, yʋ'ʋŋɔ la wʋntɛɛŋa, tɩ tɩ tã'agɛ le yẽ ya, sõŋɛ ya la sɛla n pɔ'ɔgɛ ya Azezi doosgo la pʋam pa'asɛ.

2 Tesaloniki 1:6

Nawẽnnɛ wʋn ẽŋɛ sɛla n masɛ, a wʋn botɩ sɛba n nãmsrɩ yãma la yẽ nãmsgɔ,

1 Timoti 5:5

Pɔkõ-sɛka n boe ayɩla mã'a ka tara nẽra nẽra la, a te'ege la Nawẽnnɛ pʋ'ʋsra sɔsra wʋntɛɛŋa la yʋ'ʋŋɔ.

2 Timoti 1:3

Mam pʋ'ʋsrɩ Nawẽnnɛ a yel-sõnnɛ, mam tõnnɩ bɔ'ɔra ẽ mina m sũure pʋam tɩ la ãn sõŋa, wʋ mam yaabdõma n yʋʋn tõnnɩ bɔ'ɔra ẽ se'em na. Mam tẽrɩ fʋ yelle m pʋ'ʋsgɔ pʋam yʋ'ʋŋɔ la wʋntɛɛŋa ka basra.

2 Timoti 2:10

Bɛla ĩyã tɩ mam mõrgɛ wĩbra sɛla woo pʋam Nawẽnnɛ nẽrba la tɩ a looge la ĩyã, tɩ ba mẽ yẽ fãarɛ Azezi-krisi ĩyã, dee po yẽ nã'asgɔ n ka ba'asrɩ.

Taitusi 1:1

Mam Apolɩ n gʋlsɛ gõŋɔ wã, mam de la Nawẽnnɛ yamŋa, la Azezi-krisi Tõntõnna tɩ a tõm tɩ m mõolɛ a kõ-yẽlga tɩ sɛba tɩ Nawẽnnɛ looge la bɔ sɩra, dee bãŋɛ Nawẽnnɛ sɩra n pa'alɩ ban wʋn dɔla Nawẽnnɛ sore se'em.

1 Pita 1:1

Mam Apɩyɛɛrɩ n de Azezi-krisi Tõntõnna n gʋlsɛ gõŋɔ wã bɔ'ɔra yãma sɛba tɩ Nawẽnnɛ looge tɩ ya dɛna a nẽrba wɩrgɛ bɔna Põ, la Galatɩ, la Kapadɔsɩ, la Azi, la Bitini so'olʋm pʋam dɛna sãama la.

2 Pita 3:9

Zuudãana la n bĩŋe a nõorɛ tɩ a ẽŋɛ sɛla la, la ka yuuri tɩ a kãn ẽŋɛ wʋ nẽrba basɛba n tẽ'esrɩ se'em na. A mã'agɛ la a sũure la ya, a ka boorɩ tɩ nẽra nẽra sã'am, a boorɩ tɩ nẽra woo n teege yɛm basɛ tõon-be'ero.

Lilegere 18:20

«Sɛba n boe Nawẽnnɛ yire, ẽŋɛ-ya sũ-yẽlga sɛla n paagɛ ẽ na ĩyã. Yãma n welge to'ore dɛna Nawẽnnɛ nẽrba, a Tõntõnɩba, la a nõtɔ'ɔsrɩba, ẽŋɛ-ya sũ-yẽlga. Se'ere n soe la, Nawẽnnɛ di tẽŋa la sarɩya sã'am ẽ mɛ, be'em sɛka tɩ a ẽŋɛ ya la ĩyã.»

Lilegere 6:10

Tɩ ba tɔgra ke'enke'em yetɩ: «Zuudãana n gãnnɩ wuu n ãn sõŋa, n de sɩra dãana, fõn wʋn yuuge paagɛ la wãne dee di dũnia nẽrba sarɩya sɩbgɛ ba, ban kʋ tõma la ĩyã?»

Lilegere 7:15

Bɛla n soe tɩ ba zɛ Nawẽnnɛ na'am bĩmbĩnne na nẽŋam, tõnna bɔ'ɔra ẽ wʋntɛɛŋa la yʋ'ʋŋɔ a yire la pʋam. Sɛka n zĩ na'am bĩmbĩnne zuo la n wʋn gu'ura ba.