Aluki 16:11 - Farefare Ninkaré

¹¹ Bɛla, ya sãn ka dɛna sɩra dõma dũnia wã bõntarsõm pʋam, ãne n wʋn dɩkɛ bõntarsõm sɩra sɩra gu'ule ya?

ZE'ELEGO PAALEGA

¹¹ Fum han ka tara yelemɛŋerɛ ŋmɛlema lɔgerɔ puan, ani en wan sakɛ dikɛ yelemɛŋerɛ lɔgerɔ iŋɛ fum nu'uhen?

Aluki 16:11 ပူးပေါင်းရင်းမြစ်များ

Amatie 6:24

Nẽra ka boe n tã wʋn sakɛ zuudãandõma bayi, a wʋn sise ayɩla mɛ, dee nõŋɛ ayɩla, bɩɩ a wʋn nanna ayɩla la mɛ, dee pɔ'ɔra ayɩla la. Bɛla, yãma ka tã wʋn sakɛ Nawẽnnɛ n de ya Zuudãana, dee botɩ bõntarsõm mẽ dɛna ya zuudãana.

Aluki 12:33

Koose-ya yãma n tarɩ sɛla la dɩkɛ ligri la bɔ nasdõma. Ya sãn ẽŋɛ bɛla, ya eerɩ la bõntarsõm n ka sã'anɩ. Ɛ-ya bõntarsõm tɩ ba bɔna Nawẽnnɛ yire wakatɛ wuu, bilam tɩ nayigba kãn tã'agɛ zũ, tɩ bõn-mõgla mẽ kãn tã'agɛ sã'am ba.

Aluki 16:12

La ya sãn ka dɛna sɩra dõma la bõn-sɛba n dagɩ ya mẽŋa bõnɔ, ãne n wʋn dɩkɛ bõnɔ bɔ ya tɩ la dɛna ya mẽŋa bõnɔ?

Aluki 16:9

Bɛla ĩyã, mam yetɩ ya tɩ ya dɩkɛ dũnia bõntarsõm yõgɛ sɩrdõma, tɩ dũnia bõntarsõm na sãn wa ba'asɛ, ba wʋn to'oge ya tɩ ya bɔna Nawẽnnɛ yire wakatɛ n ka ba'asrɩ.»

Aluki 18:22

Azezi n wõm ẽn yele bɛla la, tɩ a yele ẽ yetɩ: «Sɛla ayɩla n deege dɛna fʋ ẽŋɛ: Koose fõn tarɩ sɛla la wuu dɩkɛ ligri la pʋɩ nasdõma, tɩ fʋ wʋn yẽ bõntarsõm Nawẽnnɛ yire, dee wa'am wa dɔla mam.»

Efɛɛzɩ 3:8

Mam n de nẽra n pɔ'ɔgɛ Nawẽnnɛ nẽrba la wuu pʋam, la bɛla wuu Nawẽnnɛ ẽŋɛ la mam yel-sõn-ẽŋa tɩ m mõolɛ Krisi kõ-yẽlga la bɔ bu-zãŋsɩ tɩ ba bãŋɛ bõn-sõma n zo'oge gãŋɛ tɩ nẽrba ka tãna wʋn bãŋɛ ba'asɛ la,

Yemesi 2:5

M sɔbi-nõŋrɩsɩ, selse-ya. Nawẽnnɛ looge la nẽr-sɛba tɩ dũnia dõma bɩsrɩ tɩ ba de la nasdõma la, botɩ ba bɔ ẽ sɩra dɛna bõntatba, tɩ ba wʋn wa bɔna a so'olʋm tɩ a bĩŋe nõorɛ tɩ a bɔ sɛba n nõŋɛ ẽ na pʋam.

Lilegere 3:18

Bɛla ĩyã, mam kã'anɩ ya mɛ tɩ ya da sãlma mẽŋa mẽŋa tɩ ba zuge bugum pʋam yese ba mam zẽ'am, tɩ ya wʋn sɩrɩ dɛna bõntatba. La ya da fu-pɛɛlsɩ yɛ pĩ ya yãnnɛ na, dee da tɩɩm dõ ya nini yẽta.