Aluki 15:10 - Farefare Ninkaré

¹⁰ Bɛla mam yetɩ ya tɩ tõon-be'ero dãana ayɩla sãn teege yɛm basɛ tõon-be'ero, sũ-yẽlga boe Nawẽnnɛ malɛkadõma zẽ'am na bɛla.»

ZE'ELEGO PAALEGA

¹⁰ Bala mɛa ti n yɛta ya wa, Ti nyɛɛma kãtɛ n ni bɔna Yinɛ suŋereba tiŋasuka, be'em daana ayima han ni tee a puti'irɛ.”

Aluki 15:10 ပူးပေါင်းရင်းမြစ်များ

Amatie 10:32

Nẽr-sɛka woo n wʋn ze'ele nẽrba nẽŋam yetɩ ẽŋa de la mam nẽra, mam mẽ wʋn ze'ele mam Sɔ Nawẽnnɛ n boe saazuum nẽŋam yetɩ a de la mam nẽra.

Amatie 18:10

Azezi le yele ba yetɩ: «Guuse-ya da pɔ'ɔra kɔm-bãna wã baa ayɩla. Mam yetɩ ya tɩ ba malɛkadõma n boe Nawẽnnɛ yire, boe mam Sɔ Nawẽnnɛ nẽŋam mɛ wakatɛ woo. [

Amatie 18:14

Ya Sɔ Nawẽnnɛ mẽ ãn na bɛla, a ka boorɩ tɩ kɔm-pɩgsɩ bãna ayɩla bɔɩ.»

Aluki 12:8

«La mam yetɩ ya tɩ nẽr-sɛka woo n ze'ele nẽrba nẽŋam yetɩ ẽŋa de la mam nẽra, mam n de Nẽrsaala Dayʋa la mẽ wʋn ze'ele Nawẽnnɛ malɛkadõma nẽŋam yetɩ a de la mam nẽra.

Aluki 12:9

La nẽr-sɛka woo n sɩ'ɩsɛ nẽrba nẽŋam tɩ ẽŋa dagɩ mam nẽra, mam mẽ wʋn sɩ'ɩsɛ Nawẽnnɛ malɛkadõma nẽŋam tɩ a dagɩ mam nẽra.

Aluki 13:5

Mam yetɩ ya tɩ ayɛɩ, yãma sãn ka teege yɛm basɛ tõon-be'ero, yãma wuu mẽ wʋn sã'am na bɛla.»

Aluki 15:11

Tɩ Azezi le yele ba yetɩ: «Bʋraa n daan boe tara a dayɔɔsɩ bayi.

Aluki 15:7

Bɛla mam yetɩ ya tɩ tõon-be'ero dãana ayɩla sãn teege yɛm basɛ tõon-be'ero, sũ-yẽlga boe Nawẽnnɛ yire pʋam la bɛla gãnna nẽr-sõma piswɛɩ la awɛɩ n ka eerɩ tɩ ba teege yɛm.

Aluki 15:9

La a sãn yẽ ẽ, a wʋn wi a sɩrdõma, la a sawiiba mɛ yele ba yetɩ: ‹Naagɛ-ya la mam tɩ tɩ ẽŋɛ sũ-yẽlga, se'ere n soe la, mam yẽ m lagfɔ la n bɔɩ la mɛ.›

Aluki 7:47

Bɛla ĩyã tɩ mam yele fʋ yetɩ, Nawẽnnɛ basɛ a tõon-be'ero n zo'oge la taalɛ mɛ. Bɛla n soe tɩ a nõŋrɛ la zo'oge. La nẽr-sɛka tɩ Nawẽnnɛ basɛ a tõon-be'ero taalɛ fẽfẽe la, a nõŋrɛ mẽ de la fẽe.»

Tõoma 11:18

Ban wõm bɛla la, ba sĩm mɛ dee pẽgra Nawẽnnɛ yetɩ: «Bɛla, Nawẽnnɛ botɩ bu-zãŋsɩ mẽ yẽ sore mɛ tɩ ba teege yɛm basɛ tõon-be'ero yẽ yõvore.»

Tõoma 5:19

Tɩ Nawẽnnɛ malɛka sẽŋɛ yʋ'ʋŋɔ ka yo'oge yʋ'a deego la nõorɛ, tarɩ ba yese yẽŋa ka yele ba yetɩ:

2 Korẽntɩ 7:10

Asɩra, sũ-sã'aŋɔ sɛka n de Nawẽnnɛ n boorɩ se'em na botɩ nẽra tɛɛra la yɛm basra tõon-be'ero, yẽta fãarɛ. Nẽra nẽra ka ɩtɩ a sãn bãŋɛ nɩ bɛla pʋam. La dũnia sũ-sã'aŋɔ sẽm na kũm.

Afilmõ 1:15

Tã tɩ A'onezim n daan basɛ fõn dee fõrgɛ wakatɛ fẽe la, la de la tɩ fʋ le to'oge ẽ tɩ a bɔna la fʋ wakatɛ wuu.

Hiburuduma 1:14

Malɛkadõma de la bẽm? Ba de la sɩɩsɩ n tõnnɩ bɔ'ɔra Nawẽnnɛ, tɩ Nawẽnnɛ tõnna ba, tɩ ba sõŋra nẽr-sɛba n de ba yẽ fãarɛ la.