Aluki 12:32 - Farefare Ninkaré

³² «M nẽrba, ya ka zo'oge, la da zɔta-ya dabeem, se'ere n soe la, la paagɛ ya Sɔ Nawẽnnɛ yɛm mɛ tɩ a yetɩ a bɔ ya a so'olʋm.

ZE'ELEGO PAALEGA

³² “Da zoti ya dabeem n pebibehi wa, la dela Sɔ la pupeelum ti a dikɛ sɔ'ɔlum la bo' ya.

Aluki 12:32 ပူးပေါင်းရင်းမြစ်များ

Amatie 14:27

Bilam mẽŋa tɩ Azezi yele ba yetɩ: «Keŋe-ya ya sũure, la de la mam, da zoe-ya dabeem.»

Amatie 20:16

Bɛla, nẽŋam dõma wʋn lebge poorʋm dõma, tɩ poorʋm dõma lebge nẽŋam dõma.»

Amatie 25:34

Tɩ naba la wʋn yele sɛba n boe a zʋʋgɔ la yetɩ: ‹Wa'am-ya, yãma sɛba n tarɩ mam Sɔ Nawẽnnɛ yel-sõnnɛ na. To'oge-ya so'olʋm na tɩ Nawẽnnɛ daan põn mãasʋm tɩ a bɔ ya halɩ lan dẽŋɛ dũnia pĩ'iluŋo la.

Amatie 7:15

«Guuse ya mẽŋa la nẽr-sɛba n parnɩ tɩ bãma de la Nawẽnnɛ nõtɔ'ɔsrɩba la. Ba wʋn ẽŋɛ ba mẽŋa wʋ saasaadõma n dɩkɛ piisi gãna fʋrɛ ba mẽŋa wa'am ya zẽ'am wʋ ba de la piisi la, dee tɩ ba pʋam ba sã'ana wʋ saasaadõma la.

Aluki 10:21

Wakat-ẽŋa tɩ Nawẽnnɛ Sɩa botɩ Azezi sũure ẽŋɛ yẽlʋm, tɩ a yetɩ: «Mam Sɔ Nawẽnnɛ n de saazuum la tẽŋa wã Zuudãana, mam pẽgrɩ fɔ, se'ere n soe la, fõn sʋgɛ bõn-bãna wã mɛ tɩ yɛm dõma la bãŋrɩba ka mina, dee pa'alɛ nẽr-sɛba n ãn wʋ kɔm-pɩgsɩ la. Ẽe, mam Sɔ, la de la fõn boorɩ bɛla la ĩyã.»

Azã 18:36

Tɩ Azezi lerge ẽ yetɩ: «Mam so'olʋm dagɩ dũnia wã bõnɔ. Mam so'olʋm sãn de nɩ dũnia wã bõnɔ, mam tõntõnɩba la wʋn zɛbɛ nɩ mɛ tɩ ba da yõkɛ mam bɔ Zifdõma la. La lɛɛlɛ wã, mam so'olʋm dagɩ dũnia wã bõnɔ.»

Tõoma 20:28

Tara-ya ya mẽŋa, la nẽr-sɛba wuu tɩ Nawẽnnɛ Sɩa gu'ule ya la sõŋa. Bɩsra-ya Nawẽnnɛ nẽrba la tɩ a fãagɛ la a Bia zɩɩm tɩ ba dɛna a mẽŋa nẽrba la sõŋa.

Tõoma 20:29

Mam mi tɩ mam sãn fõrgɛ deege, nẽr-bɛ'ɛsɩ n wʋn wa'am ya zẽ'am wa sã'am ya, wʋ saasaadõma n yõgrɩ dũnsi se'em na.

Aromduma 6:23

Asɩra, tõon-be'ero yɔɔrɔ de la kũm. La Nawẽnnɛ yel-sõnnɛ bɔ'a de la vɔm n ka ba'asrɩ, tɩn lagɩm na tɩ Zuudãana Azezi-krisi dɛna ayɩla la ĩyã.

1 Korẽntɩ 1:21

Nawẽnnɛ n ẽŋɛ sɛla la a yɛm na, nẽrsaalba ka tã'agɛ bãŋɛ ẽ la ba mẽŋa yɛm. Bɛla tɩ Nawẽnnɛ botɩ kõ-yẽlga la mõolgɔ tɩ nẽrsaalba yetɩ la de la yalnɛ la, fãagɛ nẽr-sɛba n bɔ ẽ sɩra la.

Filipi 2:13

Se'ere n soe la, Nawẽnnɛ n boe la ya lɛ tõnna, botɩ ya bɔɔra ẽŋa n boorɩ se'em, dee tãna ɩta ẽŋa n boorɩ se'em.

2 Tesaloniki 1:11

Bɛla ĩyã tɩ tõma pʋ'ʋsra Nawẽnnɛ wakatɛ wuu ya ĩyã, tɩ a basɛ tɩ ya ãna sõŋa masɛ wʋ ẽŋa n wi ya tɩ ya ãna se'em na. La a wʋn bɔ ya pãŋa tɩ ya ɩta bõn-sõma sɛba wuu tɩ ya boorɩ tɩ ya ẽŋɛ, dee basɛ tɩ yãma n bɔ sɩra tõnna tõon-sɛba la tõm ba'asɛ.

2 Tesaloniki 1:5

Bɛla pa'alɛ tɩ Nawẽnnɛ diti sarɩya la sɩra. Se'ere n soe la, yãma n nãmsrɩ Nawẽnnɛ so'olʋm yelle se'em wã, Nawẽnnɛ wʋn yetɩ ya masɛ tɩ ya kẽ a so'olʋm na pʋam.

Hiburuduma 12:28

Bɛla, tõma n wʋn to'oge so'olʋm n kãn sã'am na ĩyã, basɛ-ya tɩ tɩ pʋ'ʋsra Nawẽnnɛ a yel-sõnnɛ, tõnna se'em n wʋn ãna a sũure yẽlʋm bɔ'ɔra ẽ, la tɩ nã'asra ẽ, dee zɔta ẽ.

Yemesi 2:5

M sɔbi-nõŋrɩsɩ, selse-ya. Nawẽnnɛ looge la nẽr-sɛba tɩ dũnia dõma bɩsrɩ tɩ ba de la nasdõma la, botɩ ba bɔ ẽ sɩra dɛna bõntatba, tɩ ba wʋn wa bɔna a so'olʋm tɩ a bĩŋe nõorɛ tɩ a bɔ sɛba n nõŋɛ ẽ na pʋam.

2 Pita 1:11

La de la bɛla tɩ ya wʋn yẽ sore sõŋa kẽ Azezi-krisi n de tɩ Zuudãana, la tɩ Fãagra la so'olʋm n boe wakatɛ n ka ba'asrɩ la pʋam.

Lilegere 1:6

botɩ tõma dɛna a so'olʋm kãabgɔ kẽma tõnna bɔ'ɔra Nawẽnnɛ n de a Sɔ la. Ẽŋa n soe nã'asgɔ, la pãŋa wakatɛ n ka ba'asrɩ. Amina.

Lilegere 22:5

Yʋ'ʋŋɔ kãn le bɔna. Nẽrba kãn bɔɔra tɩ fɩtla, bɩɩ wẽntulle nẽegɛ peelem, Zuudãana Nawẽnnɛ n wʋn nẽegɛ peelem bɔ ba. La ba wʋn di la na'am wakatɛ n ka ba'asrɩ.