Aluki 11:41 - Farefare Ninkaré

⁴¹ Dɩkɛ-ya yan tarɩ sɛla la bɔ nasdõma la ya sũure wuu, tɩ sɛla woo wʋn ãna sõŋa bɔ ya.

ZE'ELEGO PAALEGA

⁴¹ Bala, dikɛ ya sɛla en boi ya puan la tihɛ, gee ya wan nyɛ ti ya sɛla woo ana filam bo' ya.

Aluki 11:41 ပူးပေါင်းရင်းမြစ်များ

Amatie 26:11

Nasdõma boe la ya lɛ mɛ wakatɛ wuu, la mam kãn bɔna la ya wakatɛ wuu.

Amatie 5:42

Nẽra sãn sose fʋ sɛla, fʋ bɔ ẽ. La nẽra sãn bɔɔra tɩ a peŋe sɛla fʋ zẽ'am, da mõŋɛ ẽ.»

Amarkɩ 7:19

Se'ere n soe la, bõn-bãma ka kẽ'erɩ sũure pʋam, ba kẽ'erɩ la pʋʋrɛ pʋam tɩ ba yẽ'era ba basra.» (Azezi n daan yele bɛla la, a boorɩ tɩ a yetɩ dia ka bɔ'ɔrɩ dẽgrɔ, nẽra tã wʋn di dia wuu mɛ.)

Aluki 12:33

Koose-ya yãma n tarɩ sɛla la dɩkɛ ligri la bɔ nasdõma. Ya sãn ẽŋɛ bɛla, ya eerɩ la bõntarsõm n ka sã'anɩ. Ɛ-ya bõntarsõm tɩ ba bɔna Nawẽnnɛ yire wakatɛ wuu, bilam tɩ nayigba kãn tã'agɛ zũ, tɩ bõn-mõgla mẽ kãn tã'agɛ sã'am ba.

Aluki 16:9

Bɛla ĩyã, mam yetɩ ya tɩ ya dɩkɛ dũnia bõntarsõm yõgɛ sɩrdõma, tɩ dũnia bõntarsõm na sãn wa ba'asɛ, ba wʋn to'oge ya tɩ ya bɔna Nawẽnnɛ yire wakatɛ n ka ba'asrɩ.»

Aluki 18:22

Azezi n wõm ẽn yele bɛla la, tɩ a yele ẽ yetɩ: «Sɛla ayɩla n deege dɛna fʋ ẽŋɛ: Koose fõn tarɩ sɛla la wuu dɩkɛ ligri la pʋɩ nasdõma, tɩ fʋ wʋn yẽ bõntarsõm Nawẽnnɛ yire, dee wa'am wa dɔla mam.»

Aluki 19:8

Tɩ Azase zɛ Azezi nẽŋam, yele ẽ yetɩ: «M Zuudãana, mam wʋn dɩkɛ m bõntarsõm pʋsʋka pʋɩ bɔ nasdõma. La mam sãn pã'asɛ nẽrba to'oge ba sɛla, mam wʋn lebse bɔ ba nõor-anaasɩ.»

Tõoma 10:15

Tɩ kõa la le yele ẽ yetɩ: «Bõn-sɛka tɩ Nawẽnnɛ yetɩ, a ãn sõŋa, da kãn yetɩ, a de la bõn-dẽgrɔ.»

Tõoma 11:29

Tɩ karẽnbiisi la yetɩ, nẽra woo looge ẽn tarɩ sɛla bɔ tɩ ba to'oge sõŋɛ Azezi nẽr-sɛba n boe Zude la.

Tõoma 24:17

La de la yʋʋma zozo'e tɩ mam daan ka boe Zerizalɛm, dee yãŋa tarɩ ligri leme tɩ m sõŋɛ m tẽŋa nẽrba, dee bɔ bɔ'a tɩ ba kãabɛ bɔ Nawẽnnɛ.

2 Korẽntɩ 8:12

Se'ere n soe la, nẽra sãn bɔ la yɛmleego masɛ wʋ ẽn tarɩ se'em, Nawẽnnɛ to'orɩ a bɔ'a la mɛ, a ka bɩsrɩ sɛla tɩ fʋ ka tarɩ la.

Efɛɛzɩ 4:28

Nẽr-sɛka n daan zũuri, a da le zũura, a mõrgɛ a mẽŋa tõnna sɛla n masɛ, tɩ a wʋn tara sɛla sõŋɛ sɛba n boorɩ sõŋrɛ.

Taitusi 1:15

Sɛla woo ãn sõŋa mɛ bɔ nẽr-sɛka n de pʋpeelem dãana, la sɛka n de tõon-dẽgrɔ dãana ka sakra Nawẽnnɛ, sɛla sɛla ka boe n ãn sõŋa bɔ ẽ. Ẽŋa pʋtẽ'erɛ, la a yɛm wuu ki mɛ.

Hiburuduma 13:16

Da basɛ-ya ɩr-sõma ɩrgɔ, la taaba sõŋrɛ, tɩ tõon-bãma n ãn wʋ kãabgɔ n ɩtɩ Nawẽnnɛ sũure yẽlʋm.

Hiburuduma 6:10

Nawẽnnɛ de la sɩra dãana, a kãn yĩm ya tõoma, la yãma n pa'alɛ tɩ yãma nõŋɛ ẽ mɛ, tõm bɔ a nẽrba, dee ken tõnna bɔ'ɔra ba lɛɛlɛ wã.

Yemesi 1:27

Tɩ Sɔ Nawẽnnɛ n boorɩ tɩ tɩ dɔla ẽ se'em tɩ la ãna sõŋa ka tara dẽgrɔ n wãna: La de la fʋ bɩsɛ kɩɩbsɩ la pɔkõpa yelle ba nãmsgɔ pʋam, la fʋ guuse fʋ mẽŋa la dũnia wã tõon-dẽgrɔ.