Aluki 11:13 - Farefare Ninkaré

¹³ Yãma n de tõon-be'ero dõma la sãn mina tɩ ya bɔ ya kɔma bõn-sõma, Nawẽnnɛ n de ya Sɔ n boe saazuum n ãn sõŋa la wʋn bɔ nẽr-sɛba n sosrɩ ẽ a Sɩa la gãnna.»

ZE'ELEGO PAALEGA

¹³ Yamam en tugum dɛna be'em duma, han mina yan bo'ori ya kɔma bo'olum suma se'em, Ŋwani ti ya Sɔ en boi saazuo ha kan bo' sɛba en suhɛ en Fa'a Sia la gaŋɛ bala.”

Aluki 11:13 ပူးပေါင်းရင်းမြစ်များ

Amatie 5:16

Bɛla, basɛ-ya tɩ ya peelem nẽegɛ nẽrba tẽŋasʋka, tɩ ba yẽ ya tõon-sõma nã'asɛ ya Sɔ Nawẽnnɛ n boe saazuum.»

Amatie 5:45

Ya sãn ẽŋɛ bɛla, ya wʋn dɛna ya Sɔ Nawẽnnɛ n boe saazuum na kɔma, se'ere n soe la, ẽŋa n botɩ wʋntɛɛŋa yẽkra bɔ'ɔra nẽr-sõma la nẽr-be'ero, dee botɩ saaga niira bɔ'ɔra sɛba ɩrgɔ n masɛ, la sɛba ɩrgɔ n ka masɛ.

Amatie 6:14

Ya sãn basɛ nẽr-sɛba n ẽŋɛ ya be'em na taalɛ, ya Sɔ Nawẽnnɛ mẽ wʋn basɛ ya tõon-be'ero taalɛ.

Amatie 6:30

La Nawẽnnɛ sãn botɩ mõorɔ n boe zĩna dee tɩ ba wʋn yõ ba bugum beere ãna sõŋa bɛla, a kãn bɩsɛ yãma yelle gãnna bɛla? Bẽm tɩ yãma ka bɔ Nawẽnnɛ sɩra zo'oge?

Amatie 6:32

La de la nẽr-sɛba n ka mi Nawẽnnɛ n eerɩ bõn-bãma wuu. La yãma Sɔ Nawẽnnɛ mi tɩ yãma boorɩ bõn-bãma wuu mɛ.

Amatie 7:11

Yãma nẽrsaalba n de tõon-be'ero dõma la sãn mina tɩ ya bɔ ya kɔma bõn-sõma, ya Sɔ Nawẽnnɛ n boe saazuum kãn bɔ yãma sɛba n sosrɩ ẽ na bõn-sõma n gãnnɩ bɛla?

Aluki 11:12

Bɩɩ a sãn sose ẽ zelle, tɩ a dɩkɛ nãŋa bɔ ẽ?

Aluki 11:2

Tɩ a yele ba yetɩ: «Ya sãn pʋ'ʋsra, ya yetɩ: ‹Tõma Sɔ, botɩ fʋ yʋ'ʋrɛ yẽta pẽka, wa'am wa di na'am nẽrba tẽŋasʋka,

Aluki 18:7

La sãn dɛna bɛla, Nawẽnnɛ kãn sõŋɛ nẽr-sɛba tɩ a looge la n sosrɩ ẽ wʋntɛɛŋa la yʋ'ʋŋɔ la, bɔ ba bʋʋrɔ gãnna bɛla? A wʋn yuuge mɛ dee sõŋɛ ba bɩɩ?

Azã 4:10

Tɩ Azezi yele ẽ yetɩ: «Fʋ sãn mina Nawẽnnɛ n bɔ'ɔrɩ sɛla, la sɛka n yetɩ fʋ tɩ ‹bɔ ma ko'om tɩ m yũ› la, fʋ wʋn sose nɩ ẽ, la a wʋn bɔ fɔ ko'om n bɔ'ɔrɩ vɔm.»

Tõoma 2:38

Tɩ Apɩyɛɛrɩ lerge ba yetɩ: «Teege-ya yɛm basɛ tõon-be'ero, tɩ ya nẽra woo botɩ ba mise ẽ ko'om pʋam la Azezi-krisi yʋ'ʋrɛ, tɩ Nawẽnnɛ basɛ ya tõon-be'ero taalɛ dee bɔ ya a Sɩa la.

Aromduma 5:17

Lan de nẽra ayɩla tuure ĩyã tɩ kũm tãna nẽrba wuu la, bãŋɛ-ya tɩ nẽra ayɩla n de Azezi-krisi mã'a ĩyã, nẽr-sɛba wuu tɩ Nawẽnnɛ ẽŋɛ ba yel-sõnnɛ zo'oge, botɩ ba masɛ a zẽ'am na, wʋn vɔa mɛ, dita na'am Azezi-krisi ĩyã.

Aromduma 7:18

La de se'em na, mam mi tɩ sɛla n ãn sõŋa ka boe mam pʋam. Mam boorɩ tɩ m yetɩ, sɛla n ãn sõŋa ka boe mam n de nẽrsaala mẽŋa n vɔa se'em na pʋam. Mam boorɩ tɩ m ẽŋɛ sɛla n ãn sõŋa mɛ, la mam ka tarɩ pãŋa wʋn ẽŋɛ.

Aromduma 8:32

Nawẽnnɛ ka basɛ a mẽŋa Dayʋa la tɩ a põsɛ kũm. A basɛ mɛ tɩ ba kʋ ẽ tõma wuu ĩyã. A wʋn ẽŋɛ la wãne kãn bɔ tõma sɛla wuu la a Dayʋa la?

Taitusi 3:3

Tõma mẽ daan de la nẽrba n ka mi sɛla, la sɩ'ɩsrɩba, la nẽrba n bʋrgɛ ka dɔla sɩra sore, tɩ tõma yɛmleego, la bõn-yooro tɩ tõma boorɩ la sɔna tõma. Tõma daan vɔa la pʋtʋʋlgɔ pʋam, ɩta sũure la tɩ taaba bõnɔ, dee dɛna nẽrba tɩ ba ka nõŋɛ, dee sisra taaba.