Aluki 1:19 - Farefare Ninkaré

¹⁹ Tɩ malɛka la lerge ẽ yetɩ: «Mam yʋ'ʋrɛ de la Agabrɩyɛlɩ, mam ze la Nawẽnnɛ nẽŋam. Ẽŋa n tõm mam yetɩ, m wa'am yele fʋ yetɔg-yẽlga wã.

ZE'ELEGO PAALEGA

¹⁹ Ti suŋera la lerege en yeti, “Mam dela Gaberɛl.” Mam ze' la Yinɛ nɛŋan, gee ti a tum mam na, ti n tari yelesunɛ wa na bo' fum.

Aluki 1:19 ပူးပေါင်းရင်းမြစ်များ

Amatie 18:10

Azezi le yele ba yetɩ: «Guuse-ya da pɔ'ɔra kɔm-bãna wã baa ayɩla. Mam yetɩ ya tɩ ba malɛkadõma n boe Nawẽnnɛ yire, boe mam Sɔ Nawẽnnɛ nẽŋam mɛ wakatɛ woo. [

Aluki 1:20

La fõn ka sakɛ mam yetɔga la ĩyã, fʋ nõorɛ n wʋn mãam. La wakatɛ sãn paagɛ, bõn-sɛba tɩ mam yele fʋ la wʋn ẽŋɛ. La fʋ kãn le tãna tɔgra, halɩ tɩ la paagɛ daar-sɛka tɩ bõn-bãna wʋn ẽŋɛ la.»

Aluki 1:26

Pugla ayɩla n daan boe Galile tẽŋa ayɩla yʋ'ʋrɛ n de Nazarɛtɩ, tɩ a yʋ'ʋrɛ dɛna Amaari. A daan nãn ka mi bʋraa. La bʋraa ayɩla yʋ'ʋrɛ n de Azozɛfʋ n yetɩ a di ẽ. Azozɛfʋ de la naba Adavidi buuri nẽra. La wakat-sɛka tɩ A'elizabɛtɩ daan tarɩ pʋʋrɛ wõr-sɩyoobɩ pʋam na, tɩ Nawẽnnɛ tõm a malɛka Agabrɩyɛlɩ tɩ a sẽŋɛ Amaari zẽ'am.

Aluki 2:10

Tɩ malɛka la yele ba yetɩ: «Da zoe-ya dabeem, tɩ mam tarɩ la kõ-yẽlga tɩ m yele ya, n wʋn basɛ tɩ nẽrba wuu sũure ẽŋɛ yẽlʋm.

Aluki 21:36

Bɛla, da gĩsra-ya, pʋ'ʋsra-ya Nawẽnnɛ wakatɛ wuu, tɩ ya wʋn yẽ pãŋa tã'agɛ põsɛ bõn-sɛba wuu n wʋn wa ẽŋɛ la, dee tã'agɛ ze'ele Nẽrsaala Dayʋa la nẽŋam.»

Hiburuduma 4:14

Tõma tarɩ la kãabgɔ kẽma nẽŋadãana n de Nawẽnnɛ Dayʋa Azezi n zom saazuum Nawẽnnɛ yire. Bɛla, tɩ ze'ele-ya kãŋkãŋɛ Nawẽnnɛ sore la doosgo pʋam.