Afilmõ 1:16 - Farefare Ninkaré

¹⁶ La a ka le dɛna fʋ to'oge ẽ tɩ a dɛna fʋ yamŋa mã'a, a gãnnɩ yamŋa mɛ, a yãŋa de la sɔbi-nõŋrɛ. Mam nõŋɛ ẽ mɛ halɩ zozo'e, la fõn wʋn nõŋɛ ẽ gãnna, se'ere n soe la, a de la fʋ yamŋa dee ken dɛna fʋ sɔbia Zuudãana doosgo pʋam.

ZE'ELEGO PAALEGA

¹⁶ a han lebe na a kan le dɛna da'aberɛ, a gana da'aberɛ mɛ, a dela sunɔŋerɛ suuɔ bu — yele yele mam, gee la wan gana bala fum zi'an, inganɛ puan, la Daana la me puan.

Afilmõ 1:16 ပူးပေါင်းရင်းမြစ်များ

Amatie 23:8

La yãma da basɛ tɩ ba wi'ira ya tɩ karẽnsãama. Se'ere n soe la, yãma tarɩ la karẽnsãama ayɩla mã'a, la ya wuu de la sɔbiisi la taaba.

Tõoma 9:17

Tɩ Ananiyasɩ sẽŋɛ ka kẽ yire la pʋam dɩkɛ a nu'usi paglɛ Asolɩ zuo yele ẽ yetɩ: «M sɔbia Asolɩ, fõn daan boe sore zuo sẽnna tɩ Zuudãana Azezi puke a mẽŋa pa'alɛ fʋ la, ẽŋa n tõm mam fʋ zẽ'am tɩ m botɩ fʋ nini le yẽta, dee tɩ fʋ to'oge Nawẽnnɛ Sɩa pãŋa.»

1 Korẽntɩ 7:22

La nẽr-sɛka n de yamŋa tɩ Zuudãana la wi ẽ, a de la nẽra tɩ Zuudãana botɩ a to'oge a mẽŋa. Bɛla mẽ, nẽr-sɛka n dagɩ yamŋa tɩ Zuudãana Krisi wi ẽ, a de la Krisi yamŋa.

Kolɔsɩ 3:22

Yamsɩ, sakra-ya sɛba n soe ya dũnia wã zuo sɛla woo pʋam, da ɩta-ya bɛla ba nifum mã'a tɩ ba pẽgɛ ya. Tõnna-ya la ya sũure wuu yãma n nannɩ Zuudãana la ĩyã.

1 Timoti 6:2

La yam-sɛba zuudãandõma n bɔ Azezi sɩra la, la ka masɛ tɩ ba ka nanna ba yetɩ bãma de la sɔbiisi. La de la ba tõn malɩn tõnna bɔ'ɔra ba gãnna bɛla, se'ere n soe la, sɛba tɩ ya tõnnɩ bɔ'ɔra la, de la nẽrba n bɔ Azezi sɩra dee tɩ Nawẽnnɛ nõŋɛ ba. La de la bõn-bãna tɩ fʋ wʋn zãsʋm ba, dee kã'an ba tɩ ba ɩta.

Hiburuduma 3:1

Bɛla m sɔbiisi, yãma tɩ Nawẽnnɛ wi tɩ ya welge to'ore dɛna a nẽrba la, bɩsra-ya Azezi, ẽŋa n de sɛka tɩ Nawẽnnɛ tõm, la ẽŋa n de tõma kãabgɔ kẽma nẽŋadãana Nawẽnnɛ sore doosgo la pʋam.

1 Zã 5:1

Nẽr-sɛka woo n bɔ sɩra tɩ Azezi de la Krisi tɩ Nawẽnnɛ tõm na, de la Nawẽnnɛ bia. Nẽr-sɛka n nõŋɛ sɔ, mẽ nõŋɛ a kɔma mɛ.