2 Timoti 4:2 - Farefare Ninkaré

² tɩ fʋ mõolɛ Nawẽnnɛ yetɔga la. Nẽrba sãn sɛlsra, bɩɩ ba sãn ka sɛlsra, mõolɛ le malɩn mõolɛ wakatɛ wuu. Tɔgɛ pa'alɛ ba tɩ ba bãŋɛ ba koŋre, gi ba, dee bɔ ba bʋraanɛ tɩ ba ɩta sõŋa, ɩta bɛla wuu la sũ-mã'asʋm dee tara zãsŋɔ pʋtẽ'erɛ.

ZE'ELEGO PAALEGA

² Muula yelehum la, kɔ'ɔm zɛ'a mɛ kankaŋi, sum saŋa bii be'ero saŋa, tɔgera tɛɛra, tahɛ, kpɛmeha, la pa'alegɔ sugeri zo'e, zo'e.

2 Timoti 4:2 ပူးပေါင်းရင်းမြစ်များ

Aluki 7:23

La nẽr-sɛka n ka lebrɩ poorʋm mam ĩyã tarɩ zu-yẽlga.»

Aluki 7:4

Tɩ ba sẽŋɛ Azezi zẽ'am ka tĩi belem ẽ yetɩ: «Bʋraa la de la nẽr-sõŋɔ.

Aluki 9:60

Tɩ Azezi lerge ẽ yetɩ: «Basɛ tɩ sɛba n ka tarɩ vɔm Nawẽnnɛ zẽ'am na laagɛ ba kũm. Dee tɩ fõn sẽŋɛ ka mõolɛ Nawẽnnɛ so'olʋm kõ-yẽlga la.»

Tõoma 13:5

La ban paagɛ Salamini tẽŋam na, ba daan mõolɩ Nawẽnnɛ yetɔga mɛ Zifdõma wẽndeto pʋam. Ba daan tarɩ la Azã-markɩ tɩ a sõŋra ba.

Tõoma 16:13

Tɩ vo'osgo daarɛ tɩ tõma yese tẽŋa la pʋam sẽŋɛ kʋlaa nõorʋm, tõma tẽ'esɛ mɛ tɩ zẽ'e-ẽŋa de la Zifdõma pʋ'ʋsgɔ zẽ'a. Tɩ tõma zĩ'ire bilam tɔgra bɔ'ɔra pɔgsɩ n lagsɛ.

Tõoma 20:7

La vo'osgo daarɛ ayɩla yʋ'ʋŋɔ, tɩ tõma lagsɛ tɩ tɩ di, dee fiise borborɩ. Tɩ Apolɩ daan isge tɔgra Nawẽnnɛ yetɔga la nẽrba la halɩ ka paagɛ sõnsʋa, se'ere n soe la, a boorɩ tɩ beere sãn wiige, a fõrgɛ mɛ.

Tõoma 28:16

Tɩ tõma paagɛ Rom, tɩ ba bɔ Apolɩ nõorɛ tɩ a kẽ'era ẽn boorɩ zẽ'e-sɛka, dee botɩ sʋdaaga gu'ura ẽ.

Aromduma 10:15

La kõ-yẽlga la wʋn ẽŋɛ la wãne mõolɛ, Nawẽnnɛ sãn ka tõm nẽrba? Wʋ Nawẽnnɛ gõŋɔ n yele se'em na: «La de la sũ-yẽlga, fʋ sãn yẽ nẽr-sɛba n tarɩ kõ-yẽlga sẽna la.»

Aromduma 12:12

Ɩta-ya sũ-yẽlga yãma n tarɩ pʋtẽ'erɛ gu'ura sɛla la ĩyã. Mã'agɛ-ya ya sũure toogo pʋam, mõrgɛ-ya sẽŋɛ nẽŋa la Nawẽnnɛ pʋ'ʋsgɔ wakatɛ wuu.

Galatɩ 6:6

Nẽr-sɛka tɩ nẽra zãsnɩ ẽ Krisi yetɔga la, a basɛ tɩ sɛka n zãsnɩ ẽ na yẽta pʋrɛ ẽn tarɩ sɛla woo la pʋam.

Kolɔsɩ 1:25

Nawẽnnɛ n looge mam tɩ m dɛna Azezi nẽrba tõntõnna mõolɛ a yetɔga la wuu bɔ yãma.

Kolɔsɩ 4:3

Pʋ'ʋsra-ya tõma mẽ ĩyã, tɩ Nawẽnnɛ bɔ tɔ sore tɩ tɩ mõolɛ a kõ-yẽlga la pa'alɛ nẽrba Krisi yelle n daan sʋgɛ la. La de la yel-ẽŋa ĩyã tɩ mam bɔna yʋ'a deem.

1 Tesaloniki 1:6

La yãma ɩtɩ la tõma, la tɩ Zuudãana n ɩtɩ se'em na, la baa yãma n to'oge kõ-yẽlga la yẽ nãmsgɔ zozo'e la, ya tarɩ ẽ mɛ la sũ-yẽlga n ze'ele Nawẽnnɛ Sɩa zẽ'am.

1 Tesaloniki 5:14

M sɔbiisi, tõma sosrɩ ya mɛ tɩ ya kã'ana sɛba n ka boorɩ tɩ ba tõm na, dee bɔ'ɔra sɛba n ka tarɩ bʋraanɛ la bʋraanɛ, dee sõŋra sɛba n ka tarɩ pãŋa la, la ya mã'ara ya sũure la nẽra woo.

1 Tesaloniki 5:20

Da pɔ'ɔra-ya yetɔg-sɛba tɩ nẽra to'oge Nawẽnnɛ zẽ'am tɔgra bɔ'ɔra ya.

1 Timoti 4:13

Mõrgɛ karẽŋra Nawẽnnɛ gõŋɔ pa'ala nẽrba, bɔ'ɔra ba bʋraanɛ, dee zãsna ba halɩ tɩ m wa wa'am.

1 Timoti 5:20

La kẽma sãn tõm tõon-be'ero, fʋ kã'an ẽ Wẽndeego la pʋam nẽrba wuu nẽŋam, tɩ nẽrba basɛba la zoe dabeem.

2 Timoti 2:21

Bɛla mẽ, nẽra sãn zãagɛ a mẽŋa la tõon-be'ero sɛba tɩ mam pa'alɛ wã, a wʋn ãna wʋ tʋʋlʋm lɔkɔ n welge to'ore tara yõorɔ bɔ Zuudãana, dee tãna wʋn tõm tõon-sõma buuri wuu.

2 Timoti 2:25

La masɛ tɩ a pa'ala nẽr-sɛba n ka sakrɩ la, la sũ-bʋgsʋm, tɩ Nawẽnnɛ tã wʋn basɛ tɩ ba teege yɛm mɛ bãŋɛ sɩra,

2 Timoti 3:10

La fõn mi bõn-sɛba tɩ mam zãsʋm nẽrba mɛ, fʋ mi mam yel-ɩrɛ, la mam yɛm loore n ãn se'em mɛ, la fʋ mi mam n bɔ Nawẽnnɛ sɩra se'em, la mam sũ-mã'arɛ, la mam nõŋlʋm, la mam n ze'ele kãŋkãŋɛ se'em,

Taitusi 1:13

Yel-ẽŋa de la sɩra, bɛla ĩyã, kã'an ba sõŋa sõŋa tɩ ba dɔla Nawẽnnɛ sɩra la sõŋa.

Taitusi 2:15

La de la bɛla tɩ fʋ wʋn zãsʋm ba, bɔ ba bʋraanɛ, dee kã'an ba. Ẽŋɛ bɛla la nõorɛ sɛka tɩ fʋ tarɩ la. Da basɛ tɩ nẽra pɔ'ɔgɛ fɔ.

Hiburuduma 13:22

M sɔbiisi, mam sosrɩ ya tɩ ya sakɛ to'oge kã'aŋɔ yetɔg-bãna wã, tɩ mam n gʋlsɛ ya gõn-sɛka wã ka zo'oge.

Lilegere 3:19

Mam sɩbgrɩ la sɛba wuu tɩ mam nõŋɛ, dee dɛmsra ba. Bɛla, nargɛ-ya pãŋa teege yɛm basɛ tõon-be'ero.