2 Timoti 3:2 - Farefare Ninkaré

² Nẽrba wʋn dɛna la nõŋ-m-mẽŋa dõma, la lig-nõŋrɩba, ba wʋn dɛna la nẽrba n wẽ'erɩ ba yõ'orɔ, la pa'al-m-mẽŋa dõma, la nẽrba n tɔgrɩ sɛla n ka ãn sõŋa, la nẽrba n ka sakrɩ ba sɔdõma la ba madõma nõorɛ, la nẽrba n ka mi yel-sõnnɛ tɩ ba ẽŋɛ ba, la nẽrba toogo n ka boe la bõn-sɛba n de Nawẽnnɛ bõnɔ,

ZE'ELEGO PAALEGA

² Se'ere en sɔi la, nɛreba wan nɔŋɛ ba mɛhi, nɔŋɛ ligeri, nyɔ'ŋmɛ'ɛreba, nɛre wureba, kɛhega, ka nana dɔgereba, nini ka tigera, dɛgerɔ vom,

2 Timoti 3:2 ပူးပေါင်းရင်းမြစ်များ

Amatie 15:6

Bɛla, ya basrɩ tɩ Nawẽnnɛ yetɔga la lebge la zãŋa, dee dɔla ya mẽŋa malŋɔ.

Aluki 12:15

Dee yele nẽrba la wuu yetɩ: «Guusra-ya ya mẽŋa, da ɛɛra bõntarsõm zozo'e, se'ere n soe la, la dagɩ nẽra n tarɩ bõntarsõm zo'oge ĩyã tɩ a tarɩ yõvore.»

Aluki 16:14

Farisi dõma n nõŋɛ ligri la n wõm bɛla la, ba la'arɩ Azezi mɛ.

Aluki 6:35

La, la sãn dɛna yãma, nõŋɛ-ya ya bɛ'ɛba, dee ẽŋɛ ba sõŋa. Peŋe-ya nẽrba dee da tẽ'esra tɩ ba le bɔ ya. Ya sãn ẽŋɛ bɛla, ya yɔɔrɔ wʋn zo'oge mɛ, la ya wʋn dɛna Nawẽnnɛ n gãnnɩ sɛla wuu kɔma, se'ere n soe la, a ɩtɩ sɛba n ka mi yel-sõnnɛ, la pʋtʋʋl-dõma sõŋa mɛ.

Tõoma 5:36

La ka yuuge tɩ nẽra ayɩla yʋ'ʋrɛ n de Atedasɩ daan isge zẽkɛ a mẽŋa yetɩ, ẽŋa de la nẽrzuo. Tɩ nẽrba n paagɛ wʋ nẽr-kɔbsnaasɩ daan doose ẽ. Tɩ ba kʋ ẽ, tɩ nẽr-sɛba n daan dolɩ ẽ na wuu wɩrgɛ. Tɩ la lebge zãŋa.

Aromduma 11:18

Bɛla, da pɔ'ɔra wila tɩ ba kʋ'ʋsɛ basɛ la. Da wẽ'era yõ'ogɔ, tɩ la dagɩ fõn tarɩ yẽga la, yẽga la n tarɩ fõn.

2 Korẽntɩ 5:15

A ki nẽrba wuu ĩyã tɩ nẽr-sɛba n vɔa la, da le vɔa ba mẽŋa n boorɩ se'em, ba vɔa wʋ sɛka n ki ba ĩyã dee vo'oge la n boorɩ se'em.

Filipi 2:21

Nẽra woo zɩgrɩ la a mẽŋa yelle, la dagɩ Azezi-krisi yelle.

Kolɔsɩ 3:5

Bɛla, basɛ-ya dũnia wã pʋtẽ'e-be'ero n de yalsɩ tõoma, la tõon-dẽgrɔ, la yalsɩ ɩrgɔ yɛmleego, la be'em yɛmleego, la nõŋɛ bõnɔ zozo'e. Nẽra n nõŋɛ bõnɔ zozo'e ãn wʋ nẽr-sɛba n kãabrɩ baga dee basɛ Nawẽnnɛ pʋ'ʋsgɔ la.

2 Tesaloniki 2:4

A wʋn sise bõn-sɛba wuu tɩ nẽrba nã'asrɩ, dee yetɩ ba de la wẽnnɛ, a wʋn zẽkɛ a mẽŋa mɛ gãnna bõn-bãma wuu. Halɩ, a wʋn põn sẽŋɛ ka kẽ la Nawẽnnɛ deego la pʋam zĩ'ire yetɩ ẽŋa de la Nawẽnnɛ.

1 Timoti 1:20

Nẽr-bãma pʋam, Ahimẽnɩ, la Alɛgsãndrɩ n daan boe mĩ, tɩ mam daan basɛ ba la Asũtãana tɩ ba yõgɛ yɛm, da le pɔ'ɔra Nawẽnnɛ.

1 Timoti 1:9

Tõma mi tɩ lɔɔ la ka ẽŋɛ sɛba n masɛ la ĩyã, a ẽŋɛ la nẽr-sɛba n ka sakrɩ lɔɔ, la sɛba n ka sakrɩ nõorɛ la ĩyã, la sɛba toogo n ka boe la Nawẽnnɛ, la tõon-be'ero dõma, la nẽr-sɛba n pɔ'ɔrɩ Nawẽnnɛ dee ka nanna bõn-sɛba wuu n de Nawẽnnɛ bõnɔ, la sɛba n kʋʋrɩ ba sɔdõma, la ba madõma, la sɛba n de nẽr-kʋʋrba ĩyã,

1 Timoti 3:3

A da dɛna nẽra n dɩkɛ a mẽŋa bɔ dãam, a da dɛna zɛbzɛbra, a dɛna sũ-bʋgsʋm dãana, da nõŋɛ girgiri, la a da nõŋɛ bõnɔ.

1 Timoti 6:10

Se'ere n soe la, ligri nõŋlʋm de la tõon-be'ero wuu yẽgrɛ. Nẽrba basɛba nõŋɛ la ligri bʋrgɛ dee basɛ Nawẽnnɛ sore, nãmsɛ ba mẽŋa la toogo buuri zozo'e.

1 Timoti 6:4

a tarɩ la pa'al-m-mẽŋa zo'oge dee ka mina sɛla sɛla, la a nõŋɛ la yetɔg-yaalsɩ la nõke'ene wẽ'a. Bõn-bãma n sẽm na ɩta sũure la tadãana bõnɔ, la a ka wõm taaba, la yʋ'ʋr-sã'aŋɔ, la tẽ'esɛ be'em bɔ'ɔra nẽrba,

2 Timoti 3:4

la zãm dõma, la nẽrba n ka yõkrɩ ba mẽŋa ɩta sɛla n ka masɛ tɔtɔ, la uk-m-mẽŋa dõma, la nẽrba n nõŋɛ sɛla n ɩtɩ bãma mẽŋa sũure yẽlʋm gãnna Nawẽnnɛ.

Yemesi 2:8

Ya sãn sakɛ ɩta Nawẽnnɛ so'olʋm lɔɔ la n gʋlsɛ Nawẽnnɛ gõŋɔ pʋam yetɩ: «Nõŋɛ fʋ tadãana wʋ fʋ mẽŋa la», ya ẽŋɛ sõŋa.

Yemesi 4:16

La yãma pa'alɩ la ya mẽŋa dee wẽ'era yõ'ogɔ yãma n boorɩ tɩ ya ẽŋɛ sɛla la pʋam. Pa'al-m-mẽŋa wãna buuri wuu de la be'em.

Yemesi 4:6

La a ɩtɩ la yel-sõnnɛ n ãn sõŋa gãnna bɔ'ɔra tɔ, wʋ lan gʋlsɛ yetɩ: «Nawẽnnɛ zagsrɩ zẽk-m-mẽŋa dõma mɛ, dee ɩta sik-m-mẽŋa dõma yel-sõnnɛ.»

1 Pita 5:5

Bɛla mẽ, kɔmbɩ'ɩsɩ, sakra-ya kẽma la. La ya wuu tara sik-m-mẽŋa la taaba, tɩ la gʋlsɛ yetɩ: «Nawẽnnɛ sisri zẽk-m-mẽŋa dõma mɛ, dee ɩta sik-m-mẽsɩ dõma yel-sõnnɛ.»

2 Pita 2:10

Nẽr-sɛba n dolɩ ba yɛmleego n boorɩ se'em n de tõon-dẽgrɔ, dee pɔ'ɔra Nawẽnnɛ n tarɩ nõorɛ la ba lɛ la, a wʋn sɩbgɛ la bãma gãnna. Põmpɔrŋɔ karẽnsãandõma la de la zẽk-m-mẽŋa dõma, la tɩta'alʋm dõma, ba ka zotɩ dabeem tɩ ba tʋ saazuum pãnsɩ dõma.

2 Pita 2:12

Nẽr-bãma ɩtɩ la yooryooro, ba ãn wʋ dũnsi n ka tarɩ yɛm tɩ ba yõgrɩ kʋʋra la. Ba tɔgrɩ la sɛla tɩ ba ka mi be'em, ba mẽ wʋn sã'am wʋ dũnsi la.

2 Pita 2:18

Ba pa'alɩ la ba mẽŋa tɔgra yetɔg-kãra n ka tarɩ võorɛ, dee tara ba yɛm n boorɩ se'em n de tõon-dẽgrɔ la pã'asra nẽr-sɛba n nãn welge ba mẽŋa la nẽr-sɛba n vɔa tuure pʋam na.

2 Pita 2:3

Ban boorɩ bõntarsõm zo'oge la ĩyã tɩ ba wʋn tɔgɛ nõ-yẽlʋm yetɔga pã'asɛ ya, yẽ yõorɔ ya zẽ'am. La halɩ kʋrʋm kʋrʋm tɩ ba sɩbgrɛ põn mãasʋm gu'ura ba, ba sã'aŋɔ kãn viige.

Azudi 1:16

Nẽr-bãma de la nẽrba n yõnnɩ wakatɛ wuu, ba sũure ka ãn yẽlʋm la ban ãn se'em na. Ba ɩtɩ la ba mẽŋa yɛm n boorɩ se'em, tɔgra pa'al-m-mẽŋa yetɔga, dee tɔgra nẽrba nõ-yẽlʋm yetɔga tɩ ba yẽ yõorɔ.

Lilegere 13:1

Bɛla poorʋm, mam yẽ la dũŋa n ze'ele ko-kãtɛ pʋam dooge. A tarɩ la ɩɩla pia, la zuto bayopɔɩ, tɩ mũnsi pia vuge a ɩɩla la wuu. La yʋ'ʋra n pɔ'ɔrɩ Nawẽnnɛ yʋ'ʋrɛ n gʋlsɛ a zuto la zuo.

Lilegere 16:11

Nõrtãnkɛ'ɛsɩ la tooro n tarɩ nẽrba la ĩyã, tɩ ba tʋʋra Nawẽnnɛ n boe saazuum na. La ba ka teege yɛm basɛ ba tõon-be'ero la.

Lilegere 16:21

Tɩ sakug-kãra ze'ele saazuum lui nẽrba zuto. Sakugre ayɩla tɩbsɩgɔ paagɛ wʋ kilo pinaasɩ. Tɩ nẽrba tʋʋra Nawẽnnɛ, sakuga la toogo ĩyã. Se'ere n soe la, toogo la tarɩ la pãŋa tɩ la yõsgɛ gãŋɛ.

Lilegere 16:9

Tɩ tʋʋlg-kãtɛ yõ'ogɛ nẽrba, tɩ ba tʋʋra Nawẽnnɛ n de ke'eŋo wuu dãana n tara nõorɛ la tooro bãma la. La ba ka teege yɛm basɛ tõon-be'ero nã'asɛ Nawẽnnɛ.