2 Timoti 2:9 - Farefare Ninkaré

⁹ La de la kõ-yẽlga ẽŋa ĩyã tɩ mam nãmsra, halɩ tɩ ba ba mam na bãnsɩ, wʋ mam de la tõon-be'ero dãana la. La ba ka ba Nawẽnnɛ yetɔga la.

ZE'ELEGO PAALEGA

⁹ Dina zuo ti mam nyɛ namehegɔ too, pun ta paaɛ ba ba' mam wuu tuunfi'iha daana la. Gee Yinɛ yelehum ka ba'ari.

2 Timoti 2:9 ပူးပေါင်းရင်းမြစ်များ

Aluki 23:32

La ba tarɩ la tõon-be'ero dõma bayi sẽŋɛ tɩ ba lagɩm ba la Azezi kʋ.

Tõoma 21:33

Tɩ sʋdaasɩ kɛ'ɛndõma kɛ'ɛma la paagɛ yõkɛ Apolɩ, dee bɔ sʋdaasɩ la nõorɛ yetɩ, ba ba ẽ na bãnsɩ bayi. Dee tɩ a soke bãŋɛ ẽn de nẽr-sɛka, la ẽŋa n ẽŋɛ sɛla.

Tõoma 28:31

mõola Nawẽnnɛ so'olʋm yelle, dee zãsna ba Zuudãana Azezi-krisi yɛla. A daan tɔgrɩ la bʋraanɛ, tɩ nẽra ka gu'ura ẽ tɩ a da tɔgɛ.

Tõoma 9:16

Mam wʋn pa'alɛ ẽ ẽn wʋn nãmsɛ se'em mam yʋ'ʋrɛ ĩyã.»

Efɛɛzɩ 3:1

Bɛla tɩ mam Apolɩ pʋ'ʋsra Nawẽnnɛ. Mam boe la yʋ'a deem Azezi-krisi yelle, mam n mõolɛ a kõ-yẽlga bɔ yãma bu-zãŋsɩ la ĩyã.

Filipi 1:17

La basɛba la mõolɩ Krisi kõ-yẽlga la gẽelgɔ, la dagɩ la pʋpeelem. Ba tẽ'esrɩ tɩ bõn-ẽŋa wʋn pa'asɛ mam na nãmsgɔ, mam n boe yʋ'a deem na.

Filipi 1:7

La masɛ mɛ tɩ mam tẽ'esɛ bɛla ya wuu ĩyã, se'ere n soe la, mam yɛm boe la ya lɛ mɛ. Bẽm ĩyã, la sãn dɛna mam n boe yʋ'a deem wã, bɩɩ mam n tɔgrɩ pa'ala nẽrba tɩ kõ-yẽlga la de la sɩra la, ya wuu lagɩm na mam mɛ yẽ Nawẽnnɛ yel-sõnnɛ.

Kolɔsɩ 4:18

Mam Apolɩ n gʋlsɛ pʋ'ʋsgɔ wã la m mẽŋa nu'ugo, mam pʋ'ʋsrɩ ya. Tẽra-ya mam n boe yʋ'a deem na yelle. Nawẽnnɛ yel-sõnnɛ wʋn bɔna la ya.

Kolɔsɩ 4:3

Pʋ'ʋsra-ya tõma mẽ ĩyã, tɩ Nawẽnnɛ bɔ tɔ sore tɩ tɩ mõolɛ a kõ-yẽlga la pa'alɛ nẽrba Krisi yelle n daan sʋgɛ la. La de la yel-ẽŋa ĩyã tɩ mam bɔna yʋ'a deem.

1 Tesaloniki 1:8

Zuudãana Azezi kõ-yẽlga la ze'ele la yãma zẽ'am saagɛ Masedʋanɩ, la Akayi, la, la dagɩ bilam mã'a, zẽ'esɩ wuu nẽrba wõm yãma n bɔ Nawẽnnɛ sɩra se'em mɛ, tɩ la põn ka le dɛna tɩ tɔgɛ.

2 Tesaloniki 3:1

Sɛla n deege, m sɔbiisi, sose-ya Nawẽnnɛ bɔ tɔ, tɩ tɩ Zuudãana kõ-yẽlga la ken saagɛ pa'asɛ dee tɩ nẽrba pẽgra ẽ, wʋ la ãn se'em yãma zẽ'am na.

2 Timoti 1:12

La de la kõ-yẽlga la ĩyã tɩ mam yẽta nãmsgɔ, la mam ka zotɩ yãnnɛ, se'ere n soe la, mam mi sɛka tɩ mam bɔ sɩra la mɛ, la mam mi m sũure pʋam tɩ a tarɩ pãŋa mɛ wʋn gu'ura sɛla tɩ a dɩkɛ ẽŋɛ mam nu'usum na sõŋa, halɩ ka paagɛ Nawẽnnɛ sarɩyadia daarɛ.

2 Timoti 1:16

Tɩ Zuudãana wʋn zoe A'onezifɔɔrɩ la a yir-dõma ninbãalga, se'ere n soe la, a ẽn bɔ'ɔra mam bʋraanɛ mɛ, dee ka zoe yãnnɛ la ban ba mam la bãnsɩ la.

2 Timoti 1:8

Bɛla, da zoe yãnnɛ ka tɔgɛ tɩ Zuudãana Azezi yelle. La fʋ ken da zoe yãnnɛ mam n boe yʋ'a deem Azezi-krisi kõ-yẽlga ĩyã la, lagɩm na mam sakɛ nãmsgɔ kõ-yẽlga la ĩyã, tɩ Nawẽnnɛ wʋn bɔ fʋ pãŋa.

2 Timoti 2:3

Fõn de Azezi-krisi tõntõn-sõŋɔ la, fʋ mẽ sakɛ nãmsgɔ wʋ sʋda-sõŋɔ n sakrɩ nãmsgɔ se'em na.

2 Timoti 4:17

La Zuudãana la daan ze'ele mam poorʋm mɛ sõŋɛ mam, bɔ mam pãŋa halɩ tɩ mam mõolɛ kõ-yẽlga la sõŋa sõŋa, tɩ bu-zãŋsɩ zozo'e wõm. La mam daan yẽ fãarɛ mɛ gɩgnɛ nõorʋm.

1 Pita 2:12

Basɛ-ya tɩ ya yel-ɩrɛ ãna sõŋa nẽr-sɛba n ka dolɩ Nawẽnnɛ na tẽŋasʋka, tɩ baa ba sãn dõta ya yetɩ ya de la tõon-be'ero dõma, ba wʋn yẽ ya tõon-sõma la, nã'asɛ Nawẽnnɛ a wa'aŋɔ daarɛ.

1 Pita 2:14

la ya sakra gɔmnadõma tɩ a tõm tɩ ba sɩbgrɩ sɛba n tõnnɩ tõon-be'ero, dee nã'asra nẽr-sɛba n tõnnɩ tõon-sõma la.

1 Pita 3:16

La ya ɩta bɛla la sũ-bʋgsʋm, la wɔɔrɛ. Ɩta-ya sɛla tɩ ya mi ya sũure pʋam tɩ la ãn sõŋa, tɩ yãnnɛ yõkɛ sɛba n tɔgrɩ ya be'em, yãma n tõnnɩ sõŋa Krisi ĩyã la.

1 Pita 4:15

La da basɛ-ya tɩ ya nẽr-sɛka nãmsra ẽŋa n de nẽr-kʋʋra, bɩɩ nayiga, bɩɩ tõon-be'ero dãana, bɩɩ nẽra n kẽ'erɩ nẽrba yɛla n ka pakɛ ẽ pʋam.