2 Timoti 1:4 - Farefare Ninkaré

⁴ Mam tẽrɩ fõn daan kellɩ la mɛ, tɩ mam bɔɔra tɩ m le yẽ fɔ, tɩ m wʋn tara sũ-yẽlga zozo'e.

ZE'ELEGO PAALEGA

⁴ Mam en tiiheri fum nintam la, n kɔ'ɔm bɔta ti n nyɛ fum mɛ, ti n poore pee.

2 Timoti 1:4 ပူးပေါင်းရင်းမြစ်များ

Azã 16:22

Bɛla nãnannɛ wã yãma mẽ tarɩ la sũ-sã'aŋɔ, la mam wʋn le wa yẽ ya, la ya sũure wʋn ẽŋɛ yẽlʋm. La nẽra baa ayɩla kãn tã'agɛ sã'am ya sũ-yẽlga la.

Azã 16:24

Ya nãn ka sose sɛla la mam yʋ'ʋrɛ. Sose-ya tɩ ya wʋn to'oge tɩ ya sũ-yẽlga zo'oge pãɩ.

Tõoma 20:19

Mam sike m mẽŋa mɛ tõm Nawẽnnɛ tõoma la nintãm, baa nãmsgɔ sɛka tɩ mam yẽ Zifdõma n dolɩ mam nãma la pʋam.

Tõoma 20:31

Bɛla ĩyã, guuse-ya ya mẽŋa, dee tẽra tɩ yʋʋma atã, mam kã'an ya nẽra woo wʋntɛɛŋa la yʋ'ʋŋɔ mɛ, la nintãm ka basɛ.

Aromduma 1:11

Se'ere n soe la, mam boorɩ la m sũure wuu tɩ m yẽ ya, tɩ m wʋn to'oge Nawẽnnɛ Sɩa bɔ'a bɔ ya tɩ ya yẽ pãŋa.

Filipi 1:8

Nawẽnnɛ n de mam kaset-dãana tɩ mam yɛm boe la ya wuu mɛ, mam nõŋɛ ya la Azezi-krisi nõŋlʋm.

Filipi 2:26

A boorɩ mɛ halɩ la a sũure wuu tɩ a yẽ ya wuu, a sũure sã'am mɛ halɩ, yãma n wõm a bã'asɩ la ĩyã.

1 Tesaloniki 2:17

M sɔbiisi, lan daan pẽrgɛ tɩ tõma ze'ele ya zẽ'am fõrgɛ wakatɛ fẽe la, tɩ ka le yẽta taaba la nini, la tõma pʋtẽ'era ken bɔna la ya lɛ mɛ, tɩ yãma sɩa tara tõma, tɩ tõma mõrgra bɔɔra tɩ tɩ le yẽ ya.

2 Timoti 4:21

Mõrgɛ wa'am dee tɩ ɔɔrɔ wakatɛ paagɛ. A'ebulusi la Apudẽnsɩ, la Alinusi, la Aklodia, la tɩ sɔbiisi la wuu pʋ'ʋsrɩ fɔ.

2 Timoti 4:9

Mõrgɛ wa'am mam zẽ'am tɔtɔ.

1 Zã 1:4

Tõma gʋlsɛ ya la wãna tɩ tɩ wʋn tara sũ-yẽlga zozo'e.

Lilegere 21:4

A wʋn duuse ba nintãm wuu. La kũm kãn le bɔna, sũ-sã'aŋɔ la kaasga, bɩɩ toogo kãn le bɔna. Yel-kɛgsɩ la wuu tole mɛ.»

Lilegere 7:17

Se'ere n soe la, Pebila la n boe na'am bĩmbĩnne tẽŋasʋka la n wʋn bɩsra ba yelle, ẽŋa n wʋn tarɩ ba sẽŋɛ ko'om n bulli n bɔ'ɔrɩ vɔm zẽ'am. La Nawẽnnɛ n wʋn duuse ba nintãm wuu.»