2 Timoti 1:3 - Farefare Ninkaré

³ Mam pʋ'ʋsrɩ Nawẽnnɛ a yel-sõnnɛ, mam tõnnɩ bɔ'ɔra ẽ mina m sũure pʋam tɩ la ãn sõŋa, wʋ mam yaabdõma n yʋʋn tõnnɩ bɔ'ɔra ẽ se'em na. Mam tẽrɩ fʋ yelle m pʋ'ʋsgɔ pʋam yʋ'ʋŋɔ la wʋntɛɛŋa ka basra.

ZE'ELEGO PAALEGA

³ Mam suure pee mɛ la Yinɛ, se'em ti mam pu'uha la putɛ'sunɛ, wuu mam sɔyaabe duma en yuum iti se'em la, wuu mam en tɛri fum yele saŋa woo se'em n yu'uŋɔ la wuntɛɛŋa pu'uhegɔ puan.

2 Timoti 1:3 ပူးပေါင်းရင်းမြစ်များ

Aluki 2:37

La a sɩra la n ki la, a yãŋa de la pɔkõorɛ kʋrgɛ halɩ ka paagɛ yʋʋma pinii la anaasɩ. A daan boe la Wẽnde-kãtʋm na wakatɛ wuu, tõnna bɔ'ɔra Nawẽnnɛ wʋntɛɛŋa la yʋ'ʋŋɔ wuu ka basra, dee lʋta nõorɛ sɔsra Nawẽnnɛ.

Tõoma 22:3

«Mam de la Zifu, ba dɔgɛ mam na Tarsɩ n boe Silisi so'olʋm pʋam na, uge mam Zerizalɛm kalam. Tɩ Agamalɩyɛlɩ zãsʋm mam tɩ yaabdõma lɔɔ la sõŋa sõŋa. Mam daan wɩsgɛ m mẽŋa mɛ la Nawẽnnɛ tõonɛ, wʋ yãma n wɩsgɛ ya mẽŋa se'em zĩna wã.

Tõoma 23:1

Tɩ Apolɩ bɩsra sarɩyaditba la zĩi, dee yele yetɩ: «M sɔbiisi, mam n tõm m tõoma la wuu Nawẽnnɛ nẽŋam wa paam zĩna, mam bãŋɛ m sũure pʋam mɛ tɩ la ãn sõŋa.»

Tõoma 24:14

La mam yetɩ fʋ tɩ mam sɩrɩ dolɩ la so-sɛka tɩ ba yetɩ põmpɔrŋɔ sore la. La mam pʋ'ʋsrɩ la Nawẽnnɛ tɩ tõma yaabdõma yʋʋn pʋ'ʋsrɩ la, dee sakra sɛla wuu n gʋlsɛ bɔna Amoyisi lɔɔ pʋam, la Nawẽnnɛ nõtɔ'ɔsrɩba gõnnɔ pʋam na.

Tõoma 24:16

Bɛla tɩ mam mõrgra daarɛ woo tɩ m bãŋɛ m sũure pʋam tɩ mam ka ẽŋɛ be'em Nawẽnnɛ la nẽrba nifum.

Tõoma 26:4

Zifdõma wuu mi mam vɔm n ãn se'em mɛ halɩ lan pɔsɛ mam bõnbɩ'ɩlʋm, la ba mi mam n vɔa se'em mam mẽŋa tẽŋam, la Zerizalɛm mɛ.

Tõoma 27:23

Zaam yʋ'ʋŋɔ Nawẽnnɛ n soe mam tɩ mam dɛna a tõntõnna la, tõm a malɛka tɩ a wa ze'ele mam zẽ'am

Aromduma 9:1

Mam yetɩ la sɩra, mam de la Krisi nẽra, mam ka parnɩ. Nawẽnnɛ Sɩa n botɩ mam mina m sũure pʋam tɩ mam n yetɩ m yele se'em na, de la sɩra.

2 Korẽntɩ 1:12

Sɛla n bɔ'ɔrɩ tõma sũ-yẽlga de la tõma mi tɩ sũa pʋam tɩ tõma yel-ɩrɛ n ãn se'em dũnia wã pʋam, la, lan gãnnɩ wuu yãma zẽ'am, de la pʋpeelem, la sɩra n ze'ele Nawẽnnɛ zẽ'am. La dagɩ la nẽrsaala yɛm tɩ tõma ɩtɩ bɛla, la de la Nawẽnnɛ yel-sõnnɛ ĩyã.

Galatɩ 1:14

Tõma Zifdõma sore la pʋam, mam daan sẽŋɛ nẽŋa mɛ wɩsgɛ m mẽŋa la tɩ yaabdõma dɔgmike la yelle, ɩta lan yele se'em na gãnna m zuutaaba zozo'e.

Efɛɛzɩ 1:16

tɩ mam tẽra ya yelle m pʋ'ʋsgɔ pʋam, pʋ'ʋsra Nawẽnnɛ a yel-sõnnɛ ya ĩyã ka gɔ'ɔra.

1 Tesaloniki 3:10

Tõma sosrɩ Nawẽnnɛ mɛ la tɩ sũure wuu, yʋ'ʋŋɔ la wʋntɛɛŋa, tɩ tɩ tã'agɛ le yẽ ya, sõŋɛ ya la sɛla n pɔ'ɔgɛ ya Azezi doosgo la pʋam pa'asɛ.

1 Timoti 1:19

ken bɔ Nawẽnnɛ sɩra, dee ɩta sɛla tɩ fʋ mi fʋ sũure pʋam tɩ la ãn sõŋa. Nẽrba basɛba zagsɛ bɛla mɛ, tɩ bõn-ẽŋa basɛ tɩ ba ka le dɔla Azezi sore.

1 Timoti 1:5

Mam yetɩ fʋ yele ba bɛla, tɩ ba tara la pʋtẽ'erɛ n ãn sõŋa, dee bãŋɛ ba sũure pʋam tɩ ba ka tarɩ dõrga, dee bɔ Nawẽnnɛ sɩra la ba sũure wuu tɩ ba nõŋlʋm zo'oge.

1 Timoti 5:5

Pɔkõ-sɛka n boe ayɩla mã'a ka tara nẽra nẽra la, a te'ege la Nawẽnnɛ pʋ'ʋsra sɔsra wʋntɛɛŋa la yʋ'ʋŋɔ.

2 Timoti 1:5

Mam tẽrɩ fõn bɔ Azezi sɩra la fʋ sũure wuu, wʋ fʋ ma-keko Aloyiizi, la fʋ ma A'enisi n daan dẽŋɛ bɔ Azezi sɩra se'em na. Mam mi tɩ fʋ ken bɔ sɩra la bɛla.

2 Timoti 3:15

Fõn põn mina Nawẽnnɛ gõŋɔ la mɛ halɩ fʋ bõnbɩ'ɩlʋm, ẽŋa n tã wʋn bɔ fɔ yɛm, tɩ fʋ yẽ fãarɛ fõn bɔ Azezi-krisi sɩra la ĩyã.

Hiburuduma 13:8

Azezi-krisi de la ẽn ãn se'em zaam, la zĩna, la wakatɛ wuu.