2 Pita 3:10 - Farefare Ninkaré

¹⁰ Zuudãana la lemŋo daarɛ wʋn ãna wʋ nayiga n liŋri se'em na. Daar-ẽŋa, vool-kãtɛ n wʋn ẽŋɛ, tɩ bugum di bõn-sɛba n boe saazuum, tɩ saazuum bɔɩ. Tɩ tẽŋa, la bõn-sɛba n boe a pʋam na wuu mẽ ka le bɔna.

ZE'ELEGO PAALEGA

¹⁰ Gee Daana dabeherɛ la yeti la wa'am me na wuu nageyiga la, ti saazuo wa mɛlum la voole kãtɛ, ti bugum nyɛlegɛ lɔgerɔ, ti sɛla woo en boi timpaberɛ wa zuo nyɛlegɛ la bugum.

2 Pita 3:10 ပူးပေါင်းရင်းမြစ်များ

Amatie 24:35

Saazuum la tẽŋa wʋn tole mɛ, la mam yetɔga la kãn malɩn tole.

Amarkɩ 13:31

Saazuum la tẽŋa wʋn tole mɛ, la mam yetɔga kãn malɩn tole.

Aluki 12:39

Bãŋɛ-ya tɩ yidãana sãn mina wakat-sɛka tɩ nayiga wʋn wa zũ ẽ, a wʋn gu'ura a yire mɛ kãn basɛ tɩ nayiga la kẽ zũ ẽ.

Aromduma 8:20

Nawẽnnɛ n nãam bõn-sɛba la wuu lebge la sɛla n ka le tara võorɛ. La dagɩ ba mẽŋa n boorɩ bɛla, la de la Nawẽnnɛ n botɩ ba lebge bɛla, dee botɩ ba ken tara pʋtẽ'erɛ gu'ura

1 Korẽntɩ 1:8

Ẽŋa n wʋn basɛ tɩ ya ze'ele kãŋkãŋɛ ka paagɛ dũnia ba'asgɔ. Tɩ ba kãn tã'agɛ dõrɛ ya tɩ ya ẽŋɛ be'em tɩ Zuudãana Azezi-krisi lemŋo daarɛ.

1 Korẽntɩ 5:5

ya yese nẽr-ẽŋa ya tẽŋasʋka basɛ Asũtãana nu'usum tɩ a sã'am a ĩyã, dee tɩ a sɩa wʋn yẽ fãarɛ tɩ Zuudãana Azezi lemŋo daarɛ.

2 Korẽntɩ 1:14

wʋ yãma n dẽŋɛ bãŋɛ a võorɛ fẽe, tɩ Zuudãana lemŋo daarɛ tõma n de yãma zu-zẽkrɛ, tɩ yãma mẽ dɛna tõma zu-zẽkrɛ la.

1 Tesaloniki 5:2

Yãma mẽŋa põn mina sõŋa mɛ tɩ Zuudãana lemŋo la daarɛ wʋn ãna wʋ nayiga n ẽn wa'am yʋ'ʋŋɔ la.

1 Tesaloniki 5:4

La yãma, m sɔbiisi, yãma dagɩ nẽrba n boe lika pʋam tɩ Zuudãana la daarɛ wʋn wa di'ige ya wʋ nayiga la.

2 Pita 3:11

Bõn-bãma wuu n wʋn sã'am bɛla la, dẽnɩ tɩ ya basɛ tɩ ya yel-ɩrɛ, la ya Nawẽnnɛ sore doosgo ãna sõŋa, tɩ ya sakra ẽ sɛla woo pʋam.

2 Pita 3:12

Dẽnɩ tɩ ya gu'ura Nawẽnnɛ daarɛ, tɩ Azezi wʋn wa'am na, la ya nargɛ pãŋa tɩ a wa'am tɔtɔ. Daar-ẽŋa, bugum n wʋn di saazuum, tɩ bõn-sɛba n boe saazuum wʋn yẽlgɛ sã'am.

2 Pita 3:7

Nawẽnnɛ yetɔga mẽŋa n ken botɩ dũni-ẽna wã, la saazuum bɔna gu'ura tɩ bugum wa sã'am ba. A basɛ tɩ ba bɔna gu'ura la daar-sɛka tɩ a wʋn di nẽrsaalba sarɩya, sã'am tõon-be'ero dõma la.

Azudi 1:6

La malɛkadõma sɛba n yʋʋn ka sakɛ Nawẽnnɛ n bɔ ba ke'eŋo se'em basɛ zẽ'e-sɛka tɩ Nawẽnnɛ bɔ ba la, Nawẽnnɛ ba ba mɛ la bãnsɩ, basɛ tɩ ba bɔna lika pʋam wakatɛ wuu gu'ura dabs-kãtɛ la n de sarɩyadia daarɛ la.

Lilegere 16:15

Tɩ Zuudãana yetɩ: «Bɩsɛ-ya, mam sẽm wʋ nayiga la. Nẽr-sɛka n ka gĩsri dee yɛ a futo tarɩ zu-yẽlga, bɛla tɩ a kãn sẽnna beele tɩ nẽrba yẽta a yãnnɛ.»

Lilegere 20:11

Tɩ mam le yẽ na'am bĩmbĩnne kãtɛ n de pɛɛlga, la sɛka n zĩ a zuo. Tɩ tẽŋa la saazuum zoe fõrgɛ a nẽŋam, tɩ ba ka le yẽ ba.

Lilegere 21:1

Tɩ mam yẽ saazuum paalga, la tẽn-paalga. Pɔspɔsɩ saazuum, la pɔspɔsɩ tẽŋa la bɔɩ mɛ, la ko-kãtɛ mẽ ka le bɔna.

Lilegere 3:3

Tẽegɛ-ya zãsŋɔ la tɩ ya daan wõm dee to'oge ẽ se'em na, sakɛ-ya ẽ teege yɛm basɛ tõon-be'ero. Ya sãn ka guuse, mam wʋn wa'am wa di'ige ya wʋ nayiga la, la ya kãn bãŋɛ wakat-sɛka tɩ mam wʋn wa'am ya zẽ'am.

Lilegere 6:14

Tɩ sagõŋɔ kilim wʋ sõŋɔ la bɔɩ. Tɩ tãnsɩ wuu, la tẽn-sɛba tɩ ko'om gilge la wuu ka le bɔna ba zẽ'esɩ.