2 Pita 3:1 - Farefare Ninkaré

¹ M sɩr-nõŋrɩsɩ, la de la gõŋɔ bʋyi dãana n wãna tɩ mam gʋlsɛ bɔ'ɔra ya. Gõnnɔ bayi la pʋam, mam tẽegɛ ya la sɛla tɩ ya dẽŋɛ bãŋɛ la, tɩ m puke ya pʋtẽ'era sõŋa.

ZE'ELEGO PAALEGA

¹ Nananawa n zɔduma wa, n yi'i gɔŋɔ en ŋwana ti n guleha bɔ'ɔra ya na wa. N gɔnɔ wa puan, n zigeri ti n gbirege la ya putɛ' sunɛ la ti ya tara la, doohe mam tiiheri ya,

2 Pita 3:1 ပူးပေါင်းရင်းမြစ်များ

Amatie 5:8

Pʋpeelem dõma tarɩ zu-yẽlga, se'ere n soe la, ba wʋn yẽ Nawẽnnɛ.

2 Korẽntɩ 13:2

Mam n daan wa'am ya zẽ'am nõorɛ bʋyi dãana la, mam daan kã'an sɛba n tõm tõon-be'ero, la nẽrba basɛba la wuu mɛ. La lɛɛlɛ wã tɩ mam ka boe ya zẽ'am na, mam le yɛta ya mɛ tɩ mam sãn wa'am, mam kãn zoe nẽra ninbãalga.

1 Timoti 5:22

Da kãblɛ dɩkɛ fʋ nu'usi paglɛ nẽra zuo tɩ a tõm Nawẽnnɛ tõoma, da naagɛ la nẽra a tõon-be'ero pʋam, dɛna pʋpeelem dãana.

2 Timoti 1:6

La de la bɛla tɩ mam tẽera fɔ tɩ fʋ dɩkɛ bɔ'a la tɩ mam daan dɩkɛ m nu'usi paglɛ fʋ zuo tɩ Nawẽnnɛ bɔ fɔ la, malɩn tõm gãŋɛ bɛla.

Hiburuduma 6:9

M sɩr-nõŋrɩsɩ, baa tõma n tɔgrɩ wãna la, tõma mi tɩ sũure pʋam sɩra sɩra tɩ yãma boe la so-sõŋɔ n wʋn botɩ ya yẽ fãarɛ la zuo.

1 Pita 1:22

Yãma n sakɛ sɩra la, ya lebge la pʋpeelem dõma, tɩ ya nõŋɛ ya sɔbiisi la nõŋlʋm sɩra sɩra. Bɛla, nõŋɛ-ya taaba zozo'e la ya sũure wuu.

1 Pita 2:11

M sɩr-nõŋrɩsɩ, yãma de la sãama la kɔɔs-weto dũnia zuo, bɛla mam kã'anɩ ya mɛ tɩ ya basɛ nẽrsaalba n boorɩ se'em n de be'em n sã'anɩ ya la.

2 Pita 3:14

Bɛla, m sɩr-nõŋrɩsɩ, yãma n gu'uri bɛla la, nargɛ-ya pãŋa ãna sõŋa, tɩ ya da tara dõrga Nawẽnnɛ nifum, tɩ ya wʋn bɔna la ẽ la sũ-mã'asʋm.

2 Pita 3:17

La sãn dɛna yãma, m sɩr-nõŋrɩsɩ, yãma n dẽŋɛ tara tiire la, guuse-ya, da basɛ tɩ tõon-be'ero dõma n tuuge la, tuuge ya. Da basɛ-ya tɩ ba botɩ ya basɛ yãma n bɔ sɩra zɛ kãŋkãŋɛ wã.

2 Pita 3:8

M sɩr-nõŋrɩsɩ, sɛla ayɩla n boe tɩ yãma ka masɛ tɩ ya yĩm, la sãn dɛna la Zuudãana Nawẽnnɛ, daarɛ ayɩla ãn wʋ yʋʋma tʋsrɛ, tɩ yʋʋma tʋsrɛ mẽ ãna wʋ daarɛ ayɩla.

Azudi 1:5

Baa la yãma n mi bõn-bãma wuu sõŋa sõŋa la, mam boorɩ tɩ m tẽegɛ ya mɛ tɩ Nawẽnnɛ n yʋʋn fãagɛ a nẽrba Ezipti tẽŋa la, a yʋʋn yãŋa basɛ mɛ tɩ nẽr-sɛba n ka bɔ ẽ sɩra la ki.