2 Pita 2:3 - Farefare Ninkaré

³ Ban boorɩ bõntarsõm zo'oge la ĩyã tɩ ba wʋn tɔgɛ nõ-yẽlʋm yetɔga pã'asɛ ya, yẽ yõorɔ ya zẽ'am. La halɩ kʋrʋm kʋrʋm tɩ ba sɩbgrɛ põn mãasʋm gu'ura ba, ba sã'aŋɔ kãn viige.

ZE'ELEGO PAALEGA

³ Ba nyika la zuo, ba wan fa' ya la ba pã'ahegɔ yelehum la. Ba namehegɔ la en purɛ bahɛ ba zuo yuuman yuuman ha la, dagi yoo, ba sageŋɔ la kan gã'arɛ.

2 Pita 2:3 ပူးပေါင်းရင်းမြစ်များ

Amatie 23:14

Yãma Farisi dõma, la lɔɔ karẽnsãandõma, pʋlibsum dõma wã, ya wʋn yẽ toogo, se'ere n soe la, ya to'osrɩ la pɔkõpa n tarɩ sɛla la wuu, dee pʋ'ʋsra Nawẽnnɛ pʋ'ʋs-wogro tɩ nẽrba bɩsra ya. Ya wʋn yẽ sɩbgrɛ gãnna wuu].

Aluki 18:8

Mam yetɩ ya mɛ tɩ a wʋn wa sõŋɛ ba mɛ tɔtɔ. La Nẽrsaala Dayʋa la sãn wa leme dũnia zuo, a wʋn yẽ nẽrba n bɔ ẽ sɩra mɛ bɩɩ?»

Aluki 20:20

Tɩ lɔɔ karẽnsãandõma, la kãabgɔ kẽma nẽŋadõma la pigra Azezi. Bɛla tɩ ba tõm nẽrba n ãn wʋ ba de la nẽr-sõma la tɩ ba sẽŋɛ ka bẽrɛ Azezi la yetɔga, tɩ a sãn tɔgɛ tuuge, tɩ ba yẽ sore yõkɛ ẽ sẽŋɛ ka ẽŋɛ gɔmna n soe nõorɛ nu'usum.

Aluki 22:47

Azezi n daan ken tɔgra la, tɩ nẽrba zozo'e sẽnna paana. Tɩ Azudaasɩ n de a karẽnbiisi pia la ayi la nẽra ayɩla bɔna ba nẽŋa, sẽŋɛ lɛm Azezi tɩ a kɔkɛ ẽ, pʋ'ʋsɛ ẽ.

Azã 2:16

Dee yele sɛba n koosrɩ na'adawɛma la yetɩ: «Tarɩ-ya ba yese. Da dɩkɛ-ya mam Sɔ deego la ẽŋɛ leebgo zẽ'a.»

Aromduma 16:18

Se'ere n soe la, nẽr-bãma buuri ka tõnnɩ bɔ'ɔra tɩ Zuudãana Azezi-krisi, ba tõnnɩ na ba mẽŋa sõŋrɛ ĩyã. Ba tɔgrɩ la nõ-yẽlʋm yetɔga, la yetɔg-yẽlsɩ pã'asra nẽr-sɛba yɛm n ka zo'oge la.

2 Korẽntɩ 2:17

Tõma ka ãn wʋ nẽrba basɛba zozo'e n dɩkɛ Nawẽnnɛ kõ-yẽlga la lɛɛbra ɛɛra yõorɔ la. Ayɛɩ, la de la Nawẽnnɛ n tõm tõma, tɩ tõma pelge tɩ pʋʋrɛ tɔgra a nẽŋam Krisi doosgo pʋam.

1 Tesaloniki 2:5

Yãma mi sõŋa tɩ tõma ka dɩkɛ nõ-yẽlʋm pã'asɛ nẽrba, la tõma ka dɩkɛ kõnkomã'asʋm tɔgɛ tɩ tɩ to'oge sɛla, Nawẽnnɛ n de tõma kaset-dãana.

1 Tesaloniki 5:3

Nẽrba sãn wa yɛta tɩ: «Laafɛ la sũ-mã'asʋm boe», wakat-ẽŋa tɩ toogo wʋn wa'am di'ige ba wʋ pɔka virgre toogo la, la ba kãn yãŋɛ põsɛ.

1 Timoti 3:3

A da dɛna nẽra n dɩkɛ a mẽŋa bɔ dãam, a da dɛna zɛbzɛbra, a dɛna sũ-bʋgsʋm dãana, da nõŋɛ girgiri, la a da nõŋɛ bõnɔ.

1 Timoti 3:8

Yel-bɩsrɩba mẽ masɛ mɛ tɩ ba dɛna nẽrba tɩ ba nannɩ, ba da dɛna nẽrba n tarɩ nõgõla, ba da yũura dãam bugra, ba da dɛna nẽrba n ɩtɩ sɛla n ka masɛ yẽta bõntarsõm.

1 Timoti 6:5

tɩ ba wẽ'era nõke'ene n ka ba'asrɩ la taaba, ban tarɩ yɛm be'ero dee ka tara yel-sɩra, dee tẽ'esra tɩ Nawẽnnɛ sore doosgo la de la sɛla n wʋn basɛ tɩ ba yẽ bõntarsõm na ĩyã.

Taitusi 1:11

La masɛ tɩ fʋ gu ba tɩ ba da tɔgra bɛla, tɩ ba zãsnɩ nẽrba la sɛla n ka masɛ, wã'ara nẽrba basɛba yiɛ, ba zãsnɩ sɛla n ka masɛ ɛɛra la bõntarsõm.

Taitusi 1:7

Dẽnɩ tɩ nẽŋadãana n bɩsrɩ Nawẽnnɛ nẽrba yelle dɛna nẽra n ka tarɩ dõrga, la a da dɛna pa'al-m-mẽŋa dãana, bɩɩ sũ-isgre dãana, a da dɛna dã-yũura, bɩɩ zɛbzɛbra, bɩɩ nẽra n ɩtɩ sɛla n ka masɛ yẽta bõntarsõm.

1 Pita 2:8

La ken gʋlsɛ yetɩ: «La de la kug-ẽŋa n wʋn basɛ tɩ nẽrba wẽ'era nãma, dee dɛna tãmpĩ-sɛka n wʋn basɛ tɩ ba lui.» Ban wẽ'erɩ nãma la, la de la ban ka bɔ Nawẽnnɛ yetɔga sɩra la ĩyã, wʋ lan masɛ tɩ la ẽŋɛ ba se'em na.

1 Pita 5:2

Mam yetɩ ya mɛ tɩ ya bɩsra Nawẽnnɛ nẽrba la tɩ a gu'ule ya wʋ dũnsĩima la. La, la da kãn dɛna dɔk-m-zuugo yelle, la dɛna la yɛmleego wʋ Nawẽnnɛ n boorɩ se'em na. Da ɩta-ya yan boorɩ bõntarsõm ĩyã, ɩta-ya ya yɛm n boe a pʋam ĩyã.

2 Pita 1:16

Tõma n tɔgɛ tɩ Zuudãana Azezi-krisi pãŋa, la a wa'aŋɔ la yelle la, la dagɩ sɔlma tɩ nẽrsaalba tẽ'esɛ nãam la ba mẽŋa yɛm. Tõma sɩrɩ yẽ a na'am pãŋa n zo'oge se'em mɛ la tɩ nini.

2 Pita 2:1

Kʋrʋm kʋrʋm, nẽrba n yʋʋn boe Nawẽnnɛ nẽrba la pʋam parna tɩ bãma de la Nawẽnnɛ nõtɔ'ɔsrɩba. Bɛla, põmpɔrŋɔ karẽnsãandõma n mẽ wʋn bɔna ya pʋam. Ba wʋn ẽŋɛ la yɛm tarɩ zãsŋɔ n sẽm na sã'aŋɔ wa'am, dee wʋn sɩ'ɩsɛ Zuudãana n fãagɛ ba la, bɛla n wʋn basɛ tɩ sã'aŋɔ wa'am ba zuto tɔtɔ.

2 Pita 2:9

Bɛla pa'alɩ tɩ Zuudãana Nawẽnnɛ mi ẽŋa n ɩtɩ se'em fãara nẽr-sɛba n dolɩ a sore la nãmsgɔ pʋam mɛ, dee mina ẽŋa n ɩtɩ tõon-be'ero dõma se'em gu'ura sarɩyadia daarɛ tɩ ba wʋn yẽ sɩbgrɛ.

Azudi 1:11

Ba wʋn yẽ toogo, se'ere n soe la, ba dolɩ la so-sɛka tɩ Akãɩ yʋʋn doose la, la ba kẽ'esɛ ba mẽŋa mɛ tuure pʋam yɔɔrɔ ĩyã, wʋ Abalaam n ẽŋɛ se'em ligri ĩyã la. Ban sɩ'ɩsɛ Nawẽnnɛ nõorɛ wʋ Akoore n yʋʋn sɩ'ɩsɛ Nawẽnnɛ nõorɛ se'em na, ba ki mɛ.

Azudi 1:15

tɩ a di nẽrsaalba wuu sarɩya, sɩbgɛ tõon-be'ero dõma wuu, ban sɩ'ɩsɛ ẽ tõnna tõon-be'ero la wuu ĩyã, la yetɔg-be'ero wuu tɩ ba tɔgɛ pɔ'ɔgɛ ẽ na ĩyã.»

Azudi 1:16

Nẽr-bãma de la nẽrba n yõnnɩ wakatɛ wuu, ba sũure ka ãn yẽlʋm la ban ãn se'em na. Ba ɩtɩ la ba mẽŋa yɛm n boorɩ se'em, tɔgra pa'al-m-mẽŋa yetɔga, dee tɔgra nẽrba nõ-yẽlʋm yetɔga tɩ ba yẽ yõorɔ.

Azudi 1:4

Se'ere n soe la, nẽrba basɛba n li'ise kẽ ya pʋam. Nẽr-bãma de la sɛba n sɩ'ɩsrɩ Nawẽnnɛ, tɛɛra a yel-sõnnɛ yetɔga la, dɩkɛ tõnna tõon-dẽgrɔ, dee sɩ'ɩsra Azezi-krisi n de tɩ kɛ'ɛma la tɩ Zuudãana ayɩla mã'a la. Halɩ kʋrʋm kʋrʋm tɩ la põn gʋlsɛ sɩbgrɛ sɛka tɩ ba wʋn yẽ.

Azudi 1:7

La sãn dɛna Sodom la Gomõorɩ dõma, la tẽnsɩ sɛba n lɛm ba la, n mẽ yʋʋn ẽŋɛ wʋ bɛla, tõm yalsɩ tõoma, la, la dagɩ la nẽrsaalba mã'a. Ba yʋʋn yẽ sɩbgrɛ mɛ n de bugum n ka kĩŋri, tɩ la dɛna kã'aŋɔ bɔ nẽrba basɛba.