2 Pita 2:14 - Farefare Ninkaré

¹⁴ Ba yɛm boorɩ la yalsɩ tõoma mã'a, ba ka tõnnɩ tõon-be'ero tɩgra. Ba pã'asrɩ la nẽr-sɛba pʋtẽ'era n ka zo'oge Nawẽnnɛ sore doosgo pʋam na tɩ ba tõnna be'em. Ba nõŋɛ la bõnɔ zozo'e. Nawẽnnɛ kã'a-be'ero boe ba zuto.

ZE'ELEGO PAALEGA

¹⁴ Ba nini kɔ'ɔm biha la yaalegɔ yɛla ma'a, ka tigera be'em. Ba ta' pa'aha la sɛɛhi se'ehi en ka ze' suŋa la. Ba zamehi ba suya la nyika. Nɔpɔrɛ kɔma en de ba!

2 Pita 2:14 ပူးပေါင်းရင်းမြစ်များ

Amatie 12:34

Yãma ãn wʋ kãmpẽesɩ buuri, yãma n de nẽr-bɛ'ɛsɩ wãna wã, ya wʋn ẽŋɛ la wãne tɔgɛ tɔg-sõma? Se'ere n soe la, sɛla n zo'oge sũure pʋam na tɩ nõorɛ tɔgrɩ.

Amatie 23:14

Yãma Farisi dõma, la lɔɔ karẽnsãandõma, pʋlibsum dõma wã, ya wʋn yẽ toogo, se'ere n soe la, ya to'osrɩ la pɔkõpa n tarɩ sɛla la wuu, dee pʋ'ʋsra Nawẽnnɛ pʋ'ʋs-wogro tɩ nẽrba bɩsra ya. Ya wʋn yẽ sɩbgrɛ gãnna wuu].

Amatie 25:41

La a wʋn yele sɛba n boe a gɔbga bɔba la yetɩ: ‹Sẽŋɛ-ya fõrgɛ, Nawẽnnɛ kã'a-be'ego boe ya zuo. Sẽŋɛ-ya ka kẽ bugum n ka kĩŋri tɩ Nawẽnnɛ mãasʋm tɩ a kẽ'esɛ Asũtãana, la a malɛkadõma la pʋam.

Amatie 5:28

La mam yetɩ ya tɩ, sɛka n bɩsɛ pɔka tɩ a yɛm bɔɔra ẽ, a põn gã'arɛ la ẽ mɛ a sũure pʋam.

Amarkɩ 13:22

Nẽrba n wʋn wa'am wa parɩm tɩ bãma n de Krisi, la nẽrba n wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõm tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge doose ba.

Azã 5:44

Yãma to'osrɩ la pẽka taaba zẽ'am, dee ka ɛɛra pẽka n ze'etɩ Nawẽnnɛ ayɩla mã'a zẽ'am. Yãma wʋn ẽŋɛ la wãne bɔ mam sɩra?

Aromduma 16:18

Se'ere n soe la, nẽr-bãma buuri ka tõnnɩ bɔ'ɔra tɩ Zuudãana Azezi-krisi, ba tõnnɩ na ba mẽŋa sõŋrɛ ĩyã. Ba tɔgrɩ la nõ-yẽlʋm yetɔga, la yetɔg-yẽlsɩ pã'asra nẽr-sɛba yɛm n ka zo'oge la.

1 Korẽntɩ 11:19

Dẽnɩ tɩ welgre bɔna ya tẽŋasʋka, tɩ ba bãŋɛ sɛba n sɩrɩ dolɩ Nawẽnnɛ bɔkɛ.

Efɛɛzɩ 2:3

Tõma wuu daan lagɩm ãna wʋ bãma n ãn se'em na, tõma daan vɔa wʋ nẽrsaala yɛmleego n boorɩ se'em, ɩta tɩ ĩyã, la tɩ yɛm n boorɩ se'em n de be'em na. La tõma n daan ãn se'em na basɛ tɩ tɩ daan masɛ la Nawẽnnɛ sɩbgrɛ wʋ nẽrba basɛba la.

Efɛɛzɩ 4:14

Bɛla tɩ kãn le ãna wʋ kɔma tɩ nẽrba zãsnɩ zãsŋɔ buuri to'oto'ore pã'asra ba, ɩta yɛm tɩ ba botɩ ba tuuge, wʋ kʋsebgo, la ko-mĩ'isi n wẽ'erɩ õorŋɔ tɩ a yɛgna se'em na.

Kolɔsɩ 2:18

Da basɛ-ya tɩ nẽra n ɩtɩ a mẽŋa wʋ a de la sik-m-mẽŋa dãana dee pʋ'ʋsra malɛkadõma, pã'asɛ ya yetɩ yãma n ɩtɩ sɛla de la zãŋa. Nẽr-ẽŋa dãana yetɩ Nawẽnnɛ n puke sɛla pa'alɛ ẽŋa, la a pa'alɩ la a mẽŋa zãŋa, se'ere n soe la, la de la nẽrsaalba pʋtẽ'erɛ tɩ a tarɩ.

Yemesi 1:8

A de la nẽra n de pʋtẽ'era bayi dãana, tɩ a yɛm yɔɔra ẽn ɩtɩ bõn-sɛba la wuu pʋam.

2 Pita 2:18

Ba pa'alɩ la ba mẽŋa tɔgra yetɔg-kãra n ka tarɩ võorɛ, dee tara ba yɛm n boorɩ se'em n de tõon-dẽgrɔ la pã'asra nẽr-sɛba n nãn welge ba mẽŋa la nẽr-sɛba n vɔa tuure pʋam na.

2 Pita 2:3

Ban boorɩ bõntarsõm zo'oge la ĩyã tɩ ba wʋn tɔgɛ nõ-yẽlʋm yetɔga pã'asɛ ya, yẽ yõorɔ ya zẽ'am. La halɩ kʋrʋm kʋrʋm tɩ ba sɩbgrɛ põn mãasʋm gu'ura ba, ba sã'aŋɔ kãn viige.

2 Pita 3:16

A gõn-sɛba wuu pʋam tɩ a tɔgrɩ bɛla yelle la, a gʋlsɛ la bɛla. A gõnnɔ na pʋam, zẽ'esɩ basɛba n boe mĩ tɩ ba wõŋa tɔ, tɩ nẽr-sɛba n ka mi, dee ka vigle ban bɔ sɩra la pʋam na, tɛɛra ba võorɛ n de se'em, wʋ ban ɩtɩ Nawẽnnɛ gõnnɔ basɛba se'em na. Ban ɩtɩ bɛla la sẽm na ba mẽŋa sã'aŋɔ.

1 Zã 2:16

Se'ere n soe la, bõn-sɛba n de dũnia wã bõnɔ de la nẽrsaala mẽŋa n boorɩ se'em, la nini n yẽ sɛla bɔɔra n de be'em, la nẽra n pa'alɩ a mẽŋa a bõntarsõm ĩyã. Bãma wuu ka ze'ele tɩ Sɔ Nawẽnnɛ zẽ'am, ba de la dũnia bõnɔ.

Azudi 1:11

Ba wʋn yẽ toogo, se'ere n soe la, ba dolɩ la so-sɛka tɩ Akãɩ yʋʋn doose la, la ba kẽ'esɛ ba mẽŋa mɛ tuure pʋam yɔɔrɔ ĩyã, wʋ Abalaam n ẽŋɛ se'em ligri ĩyã la. Ban sɩ'ɩsɛ Nawẽnnɛ nõorɛ wʋ Akoore n yʋʋn sɩ'ɩsɛ Nawẽnnɛ nõorɛ se'em na, ba ki mɛ.

Lilegere 12:9

Tɩ ba daan lobe pʋryõŋ-yãlma kãtɛ la basɛ. Ẽŋa n de bõnsɛla n yʋʋn boe, tɩ ba wi'ira ẽ tɩ «Dõta» bɩɩ «Asũtãana» n pã'asrɩ dũnia nẽrba wuu la. Ba lobe ẽ, la a malɛgsɩ basɛ la tẽŋa zuo.